影片
更多
2022-11-10
309 瀏覽
蟹仙海鮮蒸氣鍋 (龍崗道) (九龍城)📍九龍城龍崗道2-4號地下呢排成日都提及想食海鮮餐，趁住平日少啲人就搵左九龍城呢間蟹仙食海鮮蒸氣鍋！職員好多資訊分享，會細心介紹每一個套餐嘅分別，幫我哋揀一個最啱食嘅套餐！仲話俾我哋知佢哋老闆有幾十年海鮮批發經驗，所以佢哋攞到嘅海鮮係最優質嘅！餐廳有好多唔同價位嘅海鮮餐比客人選擇。我哋就揀咗個中價「專貴海鮮套餐」 每位$419 （另收服務費，粥底及醬油費 $15位），其中包括總共有9款海鮮+1籃有機蔬菜，同埋一個粥底。不愧為專貴套餐，全程有專人為你服務，完全唔需要擔心過熟或唔知煮幾耐嘅問題，確保客人能夠品嘗到所有海鮮嘅最佳狀態！雖然有蒜蓉，醬油，同埋辣椒俾你沾，但職員亦都三番四次標榜海鮮非常新鮮，建議直接食用，先至可以品嚐到真正嘅原味道及鮮味！我哋喺開始蒸海鮮之前，職員預先將所有餐具放喺蒸氣鍋入邊，蓋上草帽，然後會碗筷消毒！而每一次焗海鮮嘅時候，都會用返草帽來做蓋子，呢個係佢哋嘅傳統特色！1. 野生日本大赤蝦 （5 分鐘）屬於刺身級別！非常之大隻！蝦頭位置多膏，厚肉鮮甜！2. 台灣九孔鮑魚 （2分鐘）師傅已經預先清洗所有內臟，基本上所有海鮮都清洗得
📍九龍城龍崗道2-4號地下
呢排成日都提及想食海鮮餐，趁住平日少啲人就搵左九龍城呢間蟹仙食海鮮蒸氣鍋！
職員好多資訊分享，會細心介紹每一個套餐嘅分別，幫我哋揀一個最啱食嘅套餐！仲話俾我哋知佢哋老闆有幾十年海鮮批發經驗，所以佢哋攞到嘅海鮮係最優質嘅！
餐廳有好多唔同價位嘅海鮮餐比客人選擇。我哋就揀咗個中價「專貴海鮮套餐」 每位$419 （另收服務費，粥底及醬油費 $15位），其中包括總共有9款海鮮+1籃有機蔬菜，同埋一個粥底。
不愧為專貴套餐，全程有專人為你服務，完全唔需要擔心過熟或唔知煮幾耐嘅問題，確保客人能夠品嘗到所有海鮮嘅最佳狀態！雖然有蒜蓉，醬油，同埋辣椒俾你沾，但職員亦都三番四次標榜海鮮非常新鮮，建議直接食用，先至可以品嚐到真正嘅原味道及鮮味！我哋喺開始蒸海鮮之前，職員預先將所有餐具放喺蒸氣鍋入邊，蓋上草帽，然後會碗筷消毒！而每一次焗海鮮嘅時候，都會用返草帽來做蓋子，呢個係佢哋嘅傳統特色！
1. 野生日本大赤蝦 （5 分鐘）
屬於刺身級別！非常之大隻！蝦頭位置多膏，厚肉鮮甜！
2. 台灣九孔鮑魚 （2分鐘）師傅已經預先清洗所有內臟，基本上所有海鮮都清洗得非常乾淨！所以蒸熟左嘅鮑魚可以即刻放入口，無需再花時間用力拉扯清除內臟👍🏻👍🏻👍🏻 呢種細緻嘅服務真係值得一讚！
九孔鮑魚外殼同普通鮑魚有別，真係比較多洞！食落口感亦都稍為彈牙，而鮑魚自身味道就同普通鮑魚冇乜分別，甜到差唔多！
3. 韓國釜山珍珠蠔 （2 分鐘）第一次品嚐珍珠蠔，肉身好飽滿，不過體型就比較細小，而肉質依然鮮甜細嫩！
4. 日本大元貝 （2-3 分鐘）同鮑魚一樣，內臟位置師傅已經徹底清理好。
其實大元貝即係我哋平時叫嘅扇貝，柱肉呈圓形，肉質細嫩，清甜爽滑！
5. 大西洋活青口 （4分鐘）真係大鄉里，第一次食活青口😝 完全對青口改觀！原來新鮮嘅青口係可以有鮮甜嘅感覺！而且呢隻活青口好大隻，公嘅就呈奶白色，味道就比較甜。而乸嘅內裏呈橙色，體型上亦都比較飽滿，味道就比較香 👍🏻 👍🏻👍🏻
6. 加拿大翡翠螺 （ 7分鐘）翡翠螺肉質肥厚實在，食落亦都彈牙爽脆！完全唔似擦子膠👍🏻👍🏻👍🏻
7. 澳洲青年龍蝦 （4-5 分鐘）龍蝦帶有少少膏，肉質緊致，蟹肉亦都幼嫩鮮甜！
8. 太平洋饅頭蟹 （4 分鐘）饅頭蟹蟹膏味道香濃！蟹肉唔算多，但每一啖都非常之甜！
8. 菲律賓大黃奄蟹 （7-8 分鐘）佢嘅蟹膏味係最濃郁！身體部份可以食嘅肉好多！而蟹鋼位置肉質係最甜！
1. 有機蔬菜籃唔知係咪因為呢啲蔬菜係有機，連娃娃菜都特別好味過人！
食完晒海鮮之後，加咗少少水繼續蒸個粥底。粥底主要有海鮮原有嘅水份精華熬製而成，裏面包含排骨、粟米、菜譜、芋頭、薑片同埋大量蔥花 ！因為充滿海鮮精華，所以味道非常鮮甜！係我食過最好味嘅粥底😋❤️ 整體十分滿意呢個海鮮套餐！特別欣賞全程有專人服務🤭 可以確保海鮮唔會過熟/ 過生！而且餐廳提供嘅海鮮，大部份都係極高質，絕對有別於一般我哋可以平時買得到嘅質素！鮮甜程度程難以形容播！雖然係少貴，但蟹仙食到嘅種類，出邊係食唔到，所以貴得有道理👍🏻
張貼
