1523 釗級廚房 (已結業)

同朋友行完山去到元朗食dinner 本身諗住食隔離日本野 不過walk-in無位就試下依間今日去到出面已經見到鋪頭做緊限時優惠 $99.9 有美國肉眼跟薯菜 即刻每個人都係嗌依個main dish再加$20 可以跟餐 （湯＋蒜蓉包＋熱飲），單嗌野飲都$18蚊咁我地當然跟餐首先黎左個蘑菇湯，幾濃同重蘑菇味，不過可以再熱啲，湯係攪得比較幼個種跟住再黎何蒜蓉包，熱辣辣同埋仲好鬆軟 好食！蒜蓉味再重啲就更加加分重點既肉眼，我嗌左medium，煎得唔錯，肉眼本身質素亦唔錯，肉味夠同juicy，份量非常足驚喜位係薯泥居然有黑松露味，依個價位算好好總括黎講如果唔洗排隊，依間餐廳絕對係dinner既好選擇，服務態度都好好，值得支持！

🍽一間幾抵食既餐廳印象中 每日都有唔同既優惠(肉眼/雞扒/豬手/set) 📌👉🏻今日優惠係 肉眼нĸd99.9 好大份👀不會質素一時時 今次冇乜牛味 而且好似太過鬆軟(唔知係咪落咗鬆肉粉)🤔order咗七成熟 但上枱係全熟🙊有小小失望 不過配既薯蓉,餐湯(蘑菇湯),蒜蓉包都好好味🤤·卡邦尼 份量很多 但不是我喜歡的那種味道🤨之前食過黑松露大蝦意粉 味道不錯喔·洋蔥圈入面係洋蔥粒+薯蓉👐🏻口感幾得意既

店舖不是什麼裝潢華麗，但。。。在這竟然食到酒店般水準。。呀。。應該是比某些酒店更有水準👍👍👍👍👍古不到這裏都會有這些大師父👍👍👍👍👍服務員都好有禮貌👍👍👍👍👍一定會再來幫襯👍👍👍👍👍

慶祝紀念日搵到呢間餐廳，一於試下先！首先入到餐廳，比人感覺似家庭Feel服務員(應該係老闆娘)好Nice!!!好少見到咁nice既服務會在意食客，雖然得一個人起出面，但都五會亂單服務：10/10環境有Family Feel,不錯，係幾warm,不過就有點兒焗，裝飾都ok，但都乾淨！環境：8/10食物方面！叫左肉眼扒同意粉，肉眼扒稍微熟了，有點難咬⋯⋯要扣下分但都不錯，以呢個價錢黎講意粉個黑松露不錯！蝦又新鮮！但可惜乾身得濟⋯要扣小小分味道：7.5/10性價比: 8.5/10番食率：75%

到元朗探朋友後，來到友人推介的<釗級廚房>，中式名字卻主打西式菜餚，十分特別。落地大玻璃透視雅緻格局，牆上掛滿動物肖像，粉色系的佈置，簡單而舒適。坐在窗邊自成一角，慢慢挑選菜單。南瓜湯+蒜蓉包(主食$20跟配)我們點了3個主食再跟配套餐，熱辣辣的南瓜湯隨即送上。南瓜湯奶滑香甜，蒜蓉包脆卜卜而充滿牛油香，令我們更加期待主菜。自家製手打和牛竹碳漢堡 $128麵包皮香脆，加上芝麻的點綴，入口滋味。手打和牛口感結實、挺身，切開時肉質不會鬆散，夾合雙層芝士，味道濕潤而美味。蕃茄及生菜份量不少，整體感覺平衡。薯條是自家製，十分粗厚、綿密，沾上煙燻醬，特別香口。原隻德國咸豬手 $168原隻咸豬手簡直是巨無霸，完全佔據了整個碟面。充滿氣孔的芝麻皮，甘香酥脆，叫人垂涎! 脆皮下有薄薄脂肪，一啖咬下去，皮連肉享用，油脂豐盛，層層酥化，十分窩心! 芥末醬辣而嗆喉，沾少許到咸豬手，十分過癮。黑毛豬豬鞍 $198黑毛豬豬鞍用慢煮方式烹調，確保全熟而餘，肉質仍然鮮嫰。豬鞍入口軟腍、鬆化，邊緣香脆，啖啖滋味，若果可以跟配saucing，感覺更細膩。薯蓉很非一般，拌合了黑松露醬，香滑誘人，每啖都洋溢松

今日和太太往1523釗級廚房食lunch, 我們點了意式鮮茄青口天使面餐配磨菇湯和蒜蓉包,獨家蟹肉乾果忌廉飯和滑捋捋雞扒漢堡餐配薯條和凍焦糖咖啡。意式鮮茄青口天使面蕃茄甜度適中, 蕃茄蓉食落開胃, 沙律菜食落新鮮爽口, 青口新鮮肉質鮮甜, 意粉食落爽口；磨菇湯溫度適中, 味道香濃有陣陣磨菇香味；蒜蓉包面包軟綿, 蒜蓉味好香, 食落惹味, 入口即熔, 整份意式鮮茄青口天使面好足料, 味道十足；獨家蟹肉乾果忌廉飯賣相吸引食落有驚喜, 忌廉味好香食落酸酸甜甜好醒胃, 乾果好香脆, 飯好軟綿, 忌廉汁與乾果和飯一起食, 口感豐富有咬口, 蟹肉新鮮爽滑, 蕃茄酸甜適中, 沙律菜好爽口, 口感十足好好味的蟹肉乾果忌廉飯；滑捋捋雞扒漢堡份量十足, 雞扒燒得香脆, 食落啖啖肉, 而且雞扒好大塊, 好足料；芝士味好香濃, 面包焊得乾身惹味, 蕃茄, 菜和洋蔥新鮮醒胃, 薯條是餐廳自家製, 每條長度不一, 口感惹味, 而且薯條配上胡椒, 食落口感惹味, 凍焦糖咖啡焦糖甜度適中, 咖啡香濃, 整份滑捋捋雞扒漢堡餐好惹味,美味十足。餐廳座位舒適, 有很多動物的擺設和售賣朱古力酒, 而且餐廳只有一對情侶營運,