發哥粥底海鮮火鍋 (已結業)

位於九龍灣工廠區的餐廳，佢都算多人黎食，滿座！我兩人揀左招牌麻辣雞煲$238/一位，加$15/一位菜芥醬油佢會連埋牛柏葉一齊上，然後即刻落入雞煲，好好味啲雞係嫩滑、又香辣！好好味！🔶前菜：蒜蓉泰醬焗青口、節瓜、酸辣鳳爪、燉湯啲前菜都好高質，特別是青口，好味！前菜同雞煲都食晒，就開始火鍋放題好多配料選擇，例如蟹籽丸、芝士丸、牛丸、貢丸、牛餐肉、豬紅、花膠、芋絲、蜂巢豆腐、冬菇、金針菇、雞髀菇、鮮腐竹、響鈴、豬腩肉、肥肉等等，每樣食一件都好飽了！質素普通但係是抵食👍🏻飲品都係任飲架！一開始會遞上涼茶竹蔗茅根，好清甜，最適合打邊爐飲！

岩岩去了九龍灣返工，早排放工想揾間餐廳同同事邊食邊傾，意外發現我們的對面有間粥底火鍋。餐廳有個海鮮套餐，$238就有個海蟹餐，份量岩曬兩個人食。個餐會包2個涼菜、燉湯及一份焗青口。涼菜係雞腳同拍青瓜。雞腳肉質彈牙，而且比我想像中辣好多，鍾意辣的朋友應該會幾鍾意。拍青瓜醃得幾入味，辣度亦適中。燉湯係排骨雞腳花膠湯，本身以為會無花膠，點知都比我揾到塊。個湯夠熱夠香，而且無咩味精味，同事都大讚哦。如果你同我一樣鍾意食蒜蓉的話，呢份蒜蓉泰醬焗青口，一定啱你心水。一份四隻的青口，蒜味及泰式酸甜醬味同青口好夾，加上新鮮焗起，熱辣辣都幾好食。海鮮餐會包一份新鮮或者冰鎮鮑魚，我同同事二口同聲揀左新鮮鮑魚！呢隻鮑魚真係好新鮮，唔只色澤靚外，仲會識「郁」架！除了鮑魚外，呢個海鮮拼盤非定係焦點之一！除了有海蟹外，仲有多寶魚、海蝦、貴妃蚌、蟶子皇及蜆。所有海鮮超級豐富，而且夠新鮮，唔係冰鮮貨。我的Best Pick當然係隻蟹啦！點解？佢有膏架！！煮熟後味道鮮甜，如果鍾意食蟹的話，一定要叫呢個餐。每個餐仲會包一份安格斯牛肩肉，牛肉的肥膏唔多，而且唔會冰到硬磞磞，入口牛肉味濃，我本人幾鍾意。一份西班牙豬腩片有五片