影片
更多
2019-08-04
621 瀏覽
岩岩去了九龍灣返工，早排放工想揾間餐廳同同事邊食邊傾，意外發現我們的對面有間粥底火鍋。餐廳有個海鮮套餐，$238就有個海蟹餐，份量岩曬兩個人食。個餐會包2個涼菜、燉湯及一份焗青口。涼菜係雞腳同拍青瓜。雞腳肉質彈牙，而且比我想像中辣好多，鍾意辣的朋友應該會幾鍾意。拍青瓜醃得幾入味，辣度亦適中。燉湯係排骨雞腳花膠湯，本身以為會無花膠，點知都比我揾到塊。個湯夠熱夠香，而且無咩味精味，同事都大讚哦。如果你同我一樣鍾意食蒜蓉的話，呢份蒜蓉泰醬焗青口，一定啱你心水。一份四隻的青口，蒜味及泰式酸甜醬味同青口好夾，加上新鮮焗起，熱辣辣都幾好食。海鮮餐會包一份新鮮或者冰鎮鮑魚，我同同事二口同聲揀左新鮮鮑魚！呢隻鮑魚真係好新鮮，唔只色澤靚外，仲會識「郁」架！除了鮑魚外，呢個海鮮拼盤非定係焦點之一！除了有海蟹外，仲有多寶魚、海蝦、貴妃蚌、蟶子皇及蜆。所有海鮮超級豐富，而且夠新鮮，唔係冰鮮貨。我的Best Pick當然係隻蟹啦！點解？佢有膏架！！煮熟後味道鮮甜，如果鍾意食蟹的話，一定要叫呢個餐。每個餐仲會包一份安格斯牛肩肉，牛肉的肥膏唔多，而且唔會冰到硬磞磞，入口牛肉味濃，我本人幾鍾意。一份西班牙豬腩片有五片
餐廳有個海鮮套餐，$238就有個海蟹餐，份量岩曬兩個人食。
個餐會包2個涼菜、燉湯及一份焗青口。涼菜係雞腳同拍青瓜。雞腳肉質彈牙，而且比我想像中辣好多，鍾意辣的朋友應該會幾鍾意。拍青瓜醃得幾入味，辣度亦適中。
開胃涼菜
7 瀏覽
0 讚好
0 留言
燉湯係排骨雞腳花膠湯，本身以為會無花膠，點知都比我揾到塊。個湯夠熱夠香，而且無咩味精味，同事都大讚哦。
時令燉湯
6 瀏覽
0 讚好
0 留言
如果你同我一樣鍾意食蒜蓉的話，呢份蒜蓉泰醬焗青口，一定啱你心水。一份四隻的青口，蒜味及泰式酸甜醬味同青口好夾，加上新鮮焗起，熱辣辣都幾好食。
蒜蓉泰醬焗青口
14 瀏覽
0 讚好
0 留言
海鮮餐會包一份新鮮或者冰鎮鮑魚，我同同事二口同聲揀左新鮮鮑魚！呢隻鮑魚真係好新鮮，唔只色澤靚外，仲會識「郁」架！
除了鮑魚外，呢個海鮮拼盤非定係焦點之一！除了有海蟹外，仲有多寶魚、海蝦、貴妃蚌、蟶子皇及蜆。所有海鮮超級豐富，而且夠新鮮，唔係冰鮮貨。
我的Best Pick當然係隻蟹啦！點解？佢有膏架！！煮熟後味道鮮甜，如果鍾意食蟹的話，一定要叫呢個餐。
每個餐仲會包一份安格斯牛肩肉，牛肉的肥膏唔多，而且唔會冰到硬磞磞，入口牛肉味濃，我本人幾鍾意。
一份西班牙豬腩片有五片，入口都幾滑，味道唔羶。
自選配料中仲有好多唔同的食材可以揀，除了豬腩片外，仲有水魷添。
食完咁多海鮮，職員幫我們加入粟米粒、南瓜落粥水內，再加入飯煲成粥。個粥吸入了海鮮的精華，變得好甜。本身用上粥水去打邊爐，比起平時的粥底火鍋的米味更香。
個火鍋餐仲會包任飲汽水及竹蔗水。竹蔗水的甜度適中，簡直係食火鍋必備。
==============================
鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)
張貼
