川味香

營業中

休息中

平時都好鐘意食串燒，都有留意開出名又平價嘅串燒店，朋友介紹話紅磡呢間川味香好正，今日星期五晚專登過嚟試下，我地九點幾到場，唔會太多人，係食食吓陸續多人，爆晒場，仲要全部唔同國籍，我哋嗌佐一個錫紙燒雜菇，一個蒜蓉燒茄子🍆，兩串雞軟骨，三串烤五花腩肉串，一串燒韮菜，一碗麻辣燙揀咗米線🍜再加五個餸，全部小辣，燒茄子一定一定要食，好大條鋪滿晒蒜蓉，燒得好好👍，份量非常足，好抵食，雞軟骨同五花腩肉又係燒得好好，好入味，韮菜唔使講，串燒必食，冇得輸意想不到的是麻辣燙，以為串燒店嘅麻辣燙應該麻麻，點知咁好食😋，重點係啲餸俾得多，午餐肉好大塊，埋單加埋嘢飲🧃二百幾蚊，好飽，下次黎試吓啲生蠔先🦪

聽朋友講黃埔原來係一個小美食天堂,所以今日約左男朋友放工去食嘢突然想食下麻辣嘢就黎左呢間食,好彩早左入席,越夜越多人,師傅即叫即整,早d去就早d有得食menu都好多選擇,有串燒有湯麵/麻辣燙/麻辣香鍋!好肚餓嘅情況就叫左好多嘢食打頭陣嘅係呢個芝心年糕佢唔算好多芝士,又唔會太油膩,每人一舊做前菜就啱哂見到燒菜心係廚師推介所以就叫左黎試下,好味在佢燒完之後一d都唔乾,同孜然粉辣粉好夾不得不提呢個茄子,原條咁上本身我好中意食茄子,呢個係舖滿蒜蓉,仲有蔥花乾蔥調味,食到停唔到口!!!蒜蓉帶子又係必食嘅食物,啖啖肉又絕不欺場,再加上好新鮮馬友又係必食嘅,本身我麻麻地中意食原條魚,因為好驚陣腥味,但呢條魚就唔腥之餘亦都燒得好香,我同男朋友都話呢個價錢食得抵有d朋友一聽到食串燒麻辣燙就會聯想到好多肉,呢間小店滿足到食肉獸,又比左我呢d唔算食好多肉嘅人有好多選擇,我叫左個麻辣燙,8個餸都係素食,材料都好足叫左11樣嘢都係食左三百幾蚊咋