神木日本料理 (已結業)

觀塘有間位於工廈入面嘅日本菜餐廳，食得出有誠意有心機，價錢唔貴，性價比高。 蟹籽沙律蟹柳同蟹籽份量多，唔會好dry。 夜繽紛星期一至四嘅優惠刺身串卷拼盤。有三文魚、油甘魚同甜蝦，好新鮮。大蔥燒過甜味好出，燒雞胸軟骨好香脆。 牛肉他他牛肉鮮嫩腍甜，撈蛋黃汁令牛肉更加滑，蒜蓉、洋蔥同蔥花令成個牛肉他他更香口。 蒜蓉燒生蠔燒生蠔口感滑溜，蒜蓉帶出生蠔嘅鮮甜多汁。 鍋燒烏冬熱辣辣好暖胃，炸蝦天婦羅夠飽滿。流心蛋增加香味。 青龍炸蝦卷海量嘅蟹籽同海苔真係好正。炙燒芝士嘅焦香同炸蝦相映成趣，點埋酸酸甜甜嘅沙律醬真係唔錯。

所謂高手在民間 觀塘一向都不乏隱世高質小店 神木日本料理都算系其中一間CP值吾錯 用心做料理既餐廳 🦪蒜蓉燒生蠔 $10/隻入面仲系脹卜卜 幾juicy 配埋蒜蓉醬好惹味 十分岩做餐前小食 🎋竹.魚之戀 $568套餐有沙律 串燒拼盤 手卷 同埋刺身刺身魚每日都有吾同款 睇下個日有咩靚食材啦 今次系比較少食到既魴鮄魚🔸️魴鮄魚刺身🐟可謂成個套餐既精髓 擺盤精緻 原條起好骨就上 由日本空運直送每日6點鐘到餐廳 非常生鮮原來佢既盛產期系12月至3月 真系不時不食✌🏼魚身肉質紮實 味道清甜🥰加$30師傅仲可以將魚骨肴湯 飲返碗熱湯作結 好幸福🔸️串燒拼盤🍢有7款 分別系雞翼 翠玉瓜 牛柳粒 雞心 豬五花京蔥 雞頸肉牛柳粒肉味幾重 加埋車厘茄 感覺清新五花楠外皮燒得幾香脆 油脂豐富🔸️吞拿魚蓉手卷好足料 食到底都有魚蓉系到💭透過食物既味道睇得出師傅個份職人精神 用餐體驗吾錯 另外聽店員講原來佢地聖誕節都提供套餐仲吾加價tim🤪

今次同豬仔嚟到去到觀塘工廈，呢邊有好多好味又性價比高嘅餐廳，一於食日本料理🥢一嚟到門口已經充滿日本嘅氣氛，門口有個日本神社會見到嘅石頭流水，環境優雅，非常寫意😍值得一讚，店員服務親切有禮，賓至如歸嘅感覺🥰下次一定會再來品嚐更多嘅美食😘✨蒜蓉燒生蠔🦪 $10 /1蒜蓉好多，香氣撲鼻，生蠔食落多汁鮮甜， $10隻真係好抵‼️✨夜繽紛🎆（刺身.串燒.飲品）$98香港夜繽紛套餐，有幾片刺身同埋串燒，仲有一罐罐裝飲品，做宵夜一流🤗雞軟骨串配上七味粉，帶點微辣，好過癮～雞肉串超彈滑爽口，烤得非常香脆😆雞髀肉串滑嫩，調味好香😍刺身方面樣樣都好鮮甜，味道一流😋✨青龍炸蝦卷🍤 $78個名好有氣派，份量好足，炸蝦好香脆鮮甜，配上青瓜絲、沙律醬、蟹籽，面頭仲有用火槍燒過嘅芝士😍口感紮實，非常滿足😍✨雜錦燒物 $162（五款肉類及兩款野物串燒）🦑魷魚串—魷魚味超香，好juicy，又厚肉，又腍滑爽口，食落好過癮😋🐮牛柳粒—牛味好香，滿滿肉汁👍🏻🐥雞肉京蔥串—一大串超滿足😌甜甜燒汁好惹味，伴上大大卷京蔥超香😍🐥雞軟骨串—大大串，超爽口🍅蕃茄仔串—燒過既蕃茄更鮮甜🤣🥬翠肉瓜串—好香，更保留原汁原味😆✨一口牛肉炒飯🔥

喺APM 睇完電影想食日本嘢，上網見到呢間神木日本料理，於是決定嚟試試。觀塘站行過去大約5分鐘左右，位置方便。店內環境舒適，裝飾充滿日式風格。而且餐牌菜式應有盡有，壽司、串燒、炸物同料理等。✨蟹籽沙律🥗蟹籽沙律嘅青瓜絲爽脆開胃，加埋蟹籽做裝飾，顏色吸引之外，口感清新。✨彩虹卷一次過可以試晒六款唔同嘅口味嘅彩虹卷，分別有左口魚、三文魚同吞拿魚等，中間仲有青瓜、同玉子，口感層次豐富。✨雜錦燒物最鍾意燒雞翼同月見免治雞肉棒，雞翼燒得金黃香脆，而且肉質嫩滑。月見免治雞肉棒燒到香噴噴，肉汁鮮香肉嫩。仲有兩款野物串燒，車厘茄🍅同翠玉瓜，中和返食肉既油膩感。 ✨蒜蓉燒生蠔🦪宜家仲有優惠可以加$10/隻蒜蓉燒生蠔🦪，我哋都叫咗嚟試試，燒生蠔食落香口惹味！✨鍋燒烏冬鍋燒烏冬材料豐富，有炸蝦天婦羅🍤、温泉蛋、紅蘿蔔等，湯底調味啱啱好！呢幾日天氣轉涼，叫返份熱焫焫嘅鍋燒烏冬就啱晒啦～

居酒屋位於apm對面嘅工廈 位置好方便餐廳裝潢充滿日本色彩 除左有唔少日式燈籠、日本傘同動畫角色嘅壁畫之外仲有一幅掛滿狐狸面具嘅牆 打卡一流🦊餐廳座位都幾闊落 部分座位更以竹簾相隔 私隱度甚高🍴彩虹卷 ($88)卷物以6款唔同顏色嘅魚生製成 好似彩虹咁🌈魚生上面仲放左金箔、花瓣同魚籽做裝飾 好靚❤️魚生包括有：三文魚、真鯛、拖羅、油甘魚、馬刀貝、左口魚款款都好新鮮🫶🏻卷物嘅餡料有青瓜絲、蟹柳、玉子、沙律醬 食落幾有層次感🍴蒜蓉燒生蠔 ($60)依家做緊優惠 $10一隻燒生蠔！真係好扺食😍生蠔雖然唔算好大粒 但係夠哂juicy而且放左好多蒜蓉 好入味勁香☺️🍴刺身串燒拼盤 ($98)呢個係店家新推出嘅優惠 星期一至四都有拼盤包括刺身同串燒各3款剌身有三文魚、帶子、油甘魚 每款各有2件😋串燒就有雞二節翼、雞腎、雞頸肉全部都係選用日本薩摩赤雞 我最中意二節翼 燒得好香好惹味🫶🏻拼盤仲有包埋一款飲品 真係幾扺食👌🏻🍴明太子一口烏冬 ($48)烏冬嘅份量比我想像中多 而且煙韌彈牙撈埋明太子沙律醬一齊食好好味😍

同朋友喺觀塘行完街大家都餓就喺附近搵嘢食😆意外地食咗依間高質樓上日本餐廳好味又抵食～而且仲出奇地幾多元化 除咗日式料理基本嘢外仲有得燒肉添😛 店員服務態度好好，坐低仲主動話比我哋聽今個月餐廳做緊嘅優惠有啲咩🤩蠔$10/隻啱食嘅好抵食🫢 我哋叫咗4隻蒜蓉燒生蠔黎到勁香蒜味🤤 唔會燒到太乾身～除咗叫蠔之外我哋仲叫咗彩虹卷、牛肉他他 、神之特上刺身6點盛同雜錦隨機串燒拼盤（7款）兩個人都好滿足😋啲刺身好新鮮，牛肉他他配上蛋黃汁撈嚟食又滑又好食而且夠牛味🤤而彩虹卷飯嘅份量同鬆實感恰恰好配搭埋刺身嘅口感控制剛好🥰 燒物亦都相當夠火喉落枱已經好香；依個質素埋單$5xx 相當抵食～ 其實佢仲有其他優惠都好吸引🤭龍蝦都係$38x 講講依度嘅環境；係幾特別又坐得幾舒服有室內同室外區 ，室內充滿日系風格天花仲掛有紙傘而室外就格外Chill ,天氣冇咁熱室外都唔錯。醫完肚想同朋友仔吹水邊飲兩杯😛唔洗走嚟走去轉場啦🥳依度仲設有包場Party～ 都幾多元化🥰 朋友都話下次會想再嚟試吓其他嘢食

終於秋風起了，最好不過就係一班人可以圍埋一齊燒燒野食/食仼何菜式都可以，但場地好緊要。同朋友食呢間工廈餐廳下，發現呢間餐廳室外室內都好正，室外仲可以包場燒肉，甚至可以帶埋寵物都得，一班人有私人空間& chill下就最好不過👍🏻。神之特上刺身（6點盛）($198) 呢個價錢下其實份量都幾多，而且整體刺身質素都唔錯6點包括左三文魚、大拖羅、章紅魚赤蝦、帶子& 燒左口魚，全部都好新鮮，鮮味十足，肉質有口感之外，仲充滿油脂，100分。最鍾意大拖羅，油脂感十足，有入口即溶既感覺。。彩虹卷($88) 六個小卷，裏面既餡料都係一樣，有玉子、蟹柳&少少青瓜絲，而叫得彩虹即係表面鋪滿左唔同顏色既刺身，顏色慢慢漸變咁🙈由最深色嘅三文魚、鮮魚片、海螺、拖羅、帶子、到最淺色既左口魚，刺身片都好厚身，而且全部口感都好新鮮，由外面既鮮味食到壽司卷入面餡料既清新味。。牛肉他他($88) 牛肉份量好多，餐廳教落要將上面既蛋+醬汁完全撈勻晒係每塊既牛肉，食起嚟會更滋味，ok我就照跟住做。果然牛肉好有牛味，而且冇塊都好掛汁，加埋上面既蔥，食起嚟有少少似豚肉生薑燒既味道，但係真係好好味，肉同醬汁都好配合。。雜錦燒物 (7串

而家搵食都唔鍾意去大型商場 呢間店內裝修以竹林為設計 有埋outside area勁chill好少見食日本嘢都咁高CP值❣️是日SPECIAL優惠 - 蒜蓉燒生蠔 $10/隻呢個真係意外驚喜 計埋手工費仲要先$10隻蒜蓉勁香勁入味 鍾意食🦪嘅千祈唔好錯過❣️忌廉芝士炸蠔卷 $68脆炸天婦羅生蠔 仲有大大嚿實實在嘅忌廉芝士食落勁濃郁 🧀軟熟口感入口即溶 好creamy勁滿足❣️牛肉他他 $88洋蔥混合牛肉片同生🥚微辣得嚟好滑口 醬汁亦帶牛香 蒜蓉香蔥更添風味❣️明太子一口烏冬 $48用料大方 大大Pat明太子醬放正中間而且烏冬沾滿明太子沙律醬稍辛辣惹味開胃❣️廚師推介 - 一人壽司拼 $108 🥢中拖羅粉紅色嘅中拖脂肪比例頗高 油脂平均 魚香恰到好處 入口甘香🥢吞拿魚蓉一般吞拿魚蓉都係採用近魚腩位置 較少運動食落實在厚實🥢三文魚油脂豐富肥美厚切 口感軟嫩油而不膩🥢赤蝦蝦身🦐通透幼嫩 味道鮮甜 唔使點豉油可以享受到自然鮮味🥢馬刀貝肉質豐厚 甘甜飽滿 食落爽口彈牙 淡淡天然海水味回甘香醇❣️雜錦燒物 $162🥢 日本芝士年糕軟糯年糕串彈牙有感 係唔錯嘅串燒小食之