Chez Bistro

營業中

休息中

百樂中心係出咗名係搵食嘅好地方，夜晚嘅時候，成日都有好多人排長龍等上樓。平日的7:45，我地都等咗大約十分鐘先有電梯 。呢度嘅裝修都幾浪漫，拍拖同週年都幾岩。餐前麵包餐包有藍莓包，紅莓合桃包，普通餐包同法包。上枱的時候，餐包都仲係熱。我幾中意個餐包，超熱超鬆軟。法包就比較脆，想食健康啲會有藍莓或者紅莓合桃，味道都唔錯。仲有一個好得意的樽仔，中間係黑醋，外圈係橄欖油，可以因應自己的喜好去調教份量。香煎法國自然放養鵝肝伴焦糖蘋果配砵酒汁我本身其實唔太好鵝肝，試過好多間餐廳都太溜。但呢個鵝肝意外地唔溜同帶煎香味，鵝肝味都好重，同煮淋咗嘅蘋果片好夾。 佢本身配蘋果片應該係用黎消除鵝肝果陣油膩感。沙律落黑醋比較健康，亦都有早排開始多餐廳用的羽衣甘藍。蒜蓉白酒煮法國藍青口青口有濃郁的忌廉湯加上香草同埋蒜蓉煮成，蒜蓉好入味，食落去又唔會太鹹，味道啱啱好。荷蘭白菌忌廉湯湯好濃好杰身，每一啖都可以食到蘑菇碎，好足料。炭燒西班牙伊比利亞蓋上肉(100%全橡果) 伴大啡菇, bb菠菜配葫蘆瓜蓉強烈推薦呢道主菜!落單嘅時候，staff已經同我哋講咗，豬會幫我地煮到七八成熟，所以肉會帶粉紅色。豬咬落去結實，但完

趁住屋企人生日去食返次4-course dinner set。Chez Bistro位於百樂中心，但內部裝修完全唔會令人覺得係喺商廈入面，枱同枱之間空間幾多，比人自在嘅感覺。餐廳跟足manner嘅serve我哋，不止頻頻幫我哋添水，仲幫我哋鋪埋餐巾。坐定定之後，侍應就捧出一盤暖笠笠嘅法包，喺菜式到前唔洗太餓。一開始以為揀咗個紅莓包，食到外脆內軟又有韌度嘅麵包已經好滿足，估唔到入面仲有大大粒無花果乾，餐前包點都好講究。雖然話係前菜，但份量大到好似main咁。蒜蓉夠晒多同粗粒不在話下，醬汁啖啖牛油香，白酒帶出藍青口嘅鮮甜。平時西餐湯通常都係打得比較稠密嘅款式，但Chez Bistro呢款白菌忌廉湯嘅煮法又唔一樣。除咗將白菌完全打爛，令湯充滿白菌香味之外，廚師仲保留咗白菌粒同肉沫，湯嘅層次更豐富，味道更濃厚。主菜實在令人喜出望外！本來只係抱住一試「本月推介」嘅心態點嚟食，畢竟去扒房，食牛仿似係「不成文規定」，但當試到一次優質豚肉，豬扒絕對唔輸比「王道」！賣相精緻優雅，卻散發住邪惡嘅炭火香。蓋上肉入口油脂香四溢，但完全睇唔見亦食唔到脂肪—肉同油脂分佈極平均！豬肉食起嚟同五成熟牛扒一樣柔軟，原來

Chez Bistro 位於銅鑼灣的百樂中心，裝修令人感覺溫暖。餐廳內的座位不多，但非常寬敞，讓人能舒服自在地享用美食。Set Menu內容豐富，4-Course Dinner Set內的選項都是高級貨，令人非常期待。餐包是溫熱的，由店員捧出一籃供客人選擇。餐包口感鬆軟，點少少黑醋同欖油伴食，更添美味。蒜蓉白酒煮法國藍青口粒粒青口都餵到好飽滿，口感滑嫩多汁。蒜味同香草味取得了平衡，唔會搶走青口的鮮味，正！法國生蠔海鮮拼盤加$40就有齊生蠔、帶子、三文魚籽、翡翠螺同埋玫瑰蝦。翡翠螺爽口，玫瑰蝦超大隻仲好鮮甜，生蠔滑嫩到一下就啜咗入口，帶子同三文魚籽都一樣咁鮮美！義大利蔬菜湯又酸又甜，十分開胃。上主菜牛扒時，店員會為我們換上新的碟子，和serve 不同的芥末醬，服務貼心周到。炭燒美國極佳級純種黑毛安格斯肉眼扒配紅酒汁牛扒五成熟，外面焦脆，內裡粉嫩軟腍，調味恰到好處，而且肉味濃郁，仲要勁多肉汁！料靚之餘，廚師嘅功力亦都認真犀利！焗虎蝦帶子墨汁麵配沙巴翁龍蝦汁淋上醬汁之後再成碟攞去焗，所以連隻碟都係熱嘅。虎蝦勁大隻，肉質彈牙爽甜，龍蝦汁帶有一陣水果的果甜，令人食極都唔厭。凍檸檬茶可自由調教甜度