La Serene Caffè

營業中

休息中

放咗工同朋友聚餐，見到附近嘅SOGO11樓有間西餐，餐牌都幾吸引，而且夠方便，一搭𨋢就直達，就諗住試吓~餐廳喺11樓sogo club， 但原來唔係sogo club會員都可以入，好彩啫，幾怕摸門釘☺️餐牌選擇幾創新，主打日式西餐，環境可以望到銅鑼灣夜景，侍應服務態度都幾友善~蘑菇忌廉湯~蘑菇忌廉湯味道啱啱好，煮得夠滑，菇味重，食到粒粒蘑菇粒質感🤤估唔到佢哋餐包都焗得熱辣辣，外皮脆，配埋蘑菇湯食一流☺️蒜香帶子黑魚子天使麵~黑魚子份量多，味道鮮甜，突顯帶子嘅鮮味，蒜香味控制得宜，唔會搶咗海鮮嘅味道，最喜愛天使麵完全吸收晒蒜香同埋海鮮嘅精華，就咁食已經覺得好驚喜，而且仲有不少洋蔥蘑菇紅椒等蔬菜做配料，令成個感覺更加fresh🤤燒乳豬髀配蜜糖芥末籽汁~我最喜愛嘅一道菜，燒乳豬脾外皮烤得非常香脆，但內裏肉質仍然保持嫩滑多汁，一切落去有不少肉汁流出來，非常juicy~豬髀位置連筋帶肉一齊食非常爽口，配上酸甜甜嘅蜜糖芥末籽味道昇華至另一個層次🤤日式芝士蛋糕~食西餐怎能沒有甜品，芝士蛋糕本身夠嫩畫，質感厚實，但有入口即溶嘅感覺☺️錫蘭紅茶~最後飲返杯解膩嘅錫蘭紅茶作結，感覺非常圓滿☺️估唔到呢度嘅西餐都幾

今日妹子相約收工去逛街，行咗入崇光以為睇化妝品，原來佢想買支靚啲嘅筆啫，佢帶我行去YSL旁邊搭𨋢，直接到達位於11樓嘅書店，樓層有個賣原子筆嘅專櫃，買到心頭好就順便食埋飯。近期都好少到崇光逛街，剛發現呢間餐廳景觀幾正，店內木系裝潢雅緻，感覺閑逸舒適。侍應殷勤送上餐牌同開水，我食完下午茶無耐未肚餓，叫咗一個主菜，一個天使麵，主菜加$45配埋餐湯+咖啡 。餐湯係意大利菜湯，妹子話菜湯香濃好飲。麵包溫暖鬆軟有牛油香。煎銀雪魚柳擺盤精緻，配菜新鮮，種類豐富，有椰菜花、西蘭花、翡翠豆苗、翠玉瓜、四季豆、紅蘿蔔、薯仔。銀雪魚皮脆肉滑，油脂豐富甘香，點埋檸檬柚子醋汁，好味又解膩，正！蒜香帶子黑魚子天使麵天使麵賣相非常吸引，特別係面頭嘅黑魚子。除咗天使麵同黑魚籽，仲有帶子、新鮮蘑菇、洋蔥、翡翠豆苗、車厘茄。帶子兩面輕煎過，肉質保持爽口鮮甜，天使麵爽身又幼滑，配埋黑魚子嘅鹹香，鮮香惹味，好食呀。唔少得要叫一客甜品，日式芝士蛋糕係凍食嚟，芝味香濃，口感不錯，伴碟嘅果仁朱古力都好食。萊斯金牌咖啡，啡味香濃，口感順滑。好開心發掘到一個見客好地方。

之前朋友傾開計講起原來sogo係樓上都有餐廳，等我仲一直以為係地下超市先有嘢食既。只要上到11既sogo club就可以搵到呢間餐廳，可以有升降機直到，雖然話係club，但其實唔係會員都可以去得既。上到嚟就見到係一間日式西餐，感覺唔錯，幾優雅，職員都好有禮貌，服務態度都幾好。我地叫咗兩個主菜share嚟食下。「低溫慢煮法國黃春雞配黑松露菌牛油燒汁」($238)，黑松露而家都幾多機會會食到，不過就好少見係配雞既，感覺都幾得特別，個雞肉煮得好滑，好好味。另外就叫咗個「蒜香帶子黑魚子天使麵」($168)，食落去好creamy，帶子好大隻，食落去好有口感。食完兩個主菜，又叫返兩個甜品嚟食先。第一個就係「香蕉班戟朱古力汁」($68)，自己好鐘意食呢個，班戟皮好薄透，入面有忌廉，好creamy，連埋入面個香蕉食好夾。再叫咗個「杏仁焦糖麵包布甸」($58)，食落去好有奶香，外脆內軟，入面軟林林，好特意。整體嚟講我覺得性價比都幾高，同因為呢個地方唔算太多人知，幾隱世，週未係銅鑼灣搵唔到地方食嘢可以上嚟試下！

今日同好姊妹係Sogo血拼完之後又攰又喝，她就提議一齊上Sogo11樓既Caffe一齊食下野休息下。初初仲以為一定要係Sogo Club會員先可以入去，但原來不是的。只要啊坐升降機直接上去就可以了。入咗之後發現原來餐廳都幾寬闊，即使好似我哋咁血拼完之後拎住一袋二袋，都坐得好舒適。坐低咗之後，侍應小姐好殷勤地為我們遞上餐牌，不得不讚下佢嘅態度真係好好，語氣又溫柔。仲好細心地同我哋講話我哋啲一袋二袋可以放過隔離。（咁當然都係因為開始夜，隔籬枱冇人坐😅😅😅）但佢哋嘅服務態度真係好貼心。〈Iced Cappuccino〉又攰又口渴，首先點咗嘢飲先。好姊妹話佢杯咖啡奶味好香濃，但又唔會蓋過咖啡嘅香味，而且口感仲好幼滑〈Pink Rose 清香粉紅玫瑰花茶〉本小兔就想養生一點，所以揀個靚靚花茶。花茶用小蠟燭保溫，所以keep到溫度之餘又有著淡淡嘅玫瑰花香，感覺清新芳香之餘好寧神relax，清新優雅。〈芒果蟹肉沙律配芝麻醬汁〉新鮮爽脆嘅沙律菜食落真係〈索索〉聲，加埋混有芝麻醬汁嘅清甜蟹肉同超甜厚切芒果，真係清新得嚟又健康。〈蒜香帶子黑魚子天使麵〉爽滑彈牙嘅天使面先爆香洋蔥後加上蒜香汁一起煮，惹味非常