川大哥

營業中

休息中

作為酸菜魚控，周不時都會搵吓唔同地區嘅酸菜魚店，今次就嚟到位於深水埗區嘅呢間川大哥！呢度係自己用QR code落單嘅，非常方便～ 一睇個menu，發現呢到除咗最主打嘅酸菜魚鍋之外，仲可以食到烤魚、雞煲、川式串燒、川式錫紙燒同川式涼菜等等，食物種類非常之多元化～黃金酸菜魚鍋(小)💰HK$198本身以為會好細兜，但原來份量都超多！我地簡咁小辣，辣度剛剛好，唔會太辣又唔會太酸！魚肉方面，我地簡咗鯛魚片，食落爽口，完全冇腥味！個鍋入面仲有好多酸菜、芽菜同埋娃娃菜～紅薯粉💰HK$22食酸菜魚又點少得薯粉，個酸菜魚鍋本身係冇紅薯粉，所以我地就追加左啲紅薯粉，放落去個酸菜魚湯底度，吸收晒湯底嘅精華，口感煙韌，食得好滋味～娃娃菜 (火鍋湯料)💰HK$36呢到可以將啲火鍋湯料放去個酸菜魚鍋到一齊煮， 朋友同我都係中意食菜之人，見佢鍋入面嘅娃娃菜咁好味，所以就再額外叫多咗份菜～金針菇(火鍋湯料) 💰HK$25比娃娃菜更加超入味，掛湯能力極高，係一定要追加嘅食材～厚切牛脷(2串)💰HK$39牛脷唔會韌，有孜然粉同埋辣粉做調味，好惹味～雞中翼(2串)💰HK$39外邊嘅雞皮燒到好脆，食落啖啖充滿孜然粉嘅味道～蒜

作為川菜愛好者，我同朋友會周圍尋覓唔同嘅川菜館，今日覓食覓到呢間位於太子同深水埗之間嘅川大哥。 餐廳唔算好大間，但座位都幾闊落。尖椒皮蛋（$39）皮蛋切成八小塊，一口一啖，辣度唔算太辣，容易入口，作為開胃前菜頗為適合。黃金酸菜魚鍋(小) （$198）/ 小辣 / 鯛魚片 雖然揀咗小份，但呢個小份份量都好多，個鍋非常大。有別於其他酸菜魚，佢係火鍋形式嘅酸菜魚，放喺枱上嘅電磁爐邊滾邊食，更加熱辣辣。喺生魚片同鯛魚片之間，揀左鯛魚片，魚既份量好多，魚質非常有驚喜，非常之爽脆彈牙，魚肉一啲都唔霉，真係好爽口。除咗酸菜魚嘅標配酸菜同芽菜外，呢間嘅酸菜魚入面仲有娃娃菜，而且啲娃娃菜都好甜。美中不足係我覺得湯底嘅酸度唔夠，酸菜有啲淡，如果再酸啲就會更好味。蒜香茄子（$39）蒜香茄子自從食過一次之後就令人不停想encore，呢間嘅蒜香茄子好大份，茄子既size仲大過塊面，係茄子上面鋪滿大量嘅蒜蓉同少少辣椒，蒜味十足，非常之惹味，用黎配飯一絕。餐廳有兩個超抵食嘅串燒組合，分別係$109同$149，分別都有12串，其實叫串燒組合會抵食啲，但我哋想揀自己鍾意嘅，所以就散叫左，叫咗幾串辣幾串唔辣，餐廳亦將之分

平時都去開深水埗食嘢發現開咗間新嘅川菜—川大哥佢有得食火鍋、烤魚、小菜仲有串燒最特別係有得坐户外食到七八點發現都幾多人坐户外嘅位見裝修都幾靚最重要係有鯛魚食所以就入咗去試吓有得用QR code落單平時嘅水煮魚多算都係鯇魚、魚柳個啲但呢度$198就有得揀鯛魚！推介大家試食好爽Q嘅魚肉、少骨最好嘅係呢度會開著個爐Keep住熱辣辣都可以另外嗌火鍋料落去打邊爐原來佢入面本身就有好多娃娃菜我仲另外叫咗一份菜味道都好香推介辣子雞丁勁大碟 份量都好多好多洋蔥好香叫咗幾款串燒、都幾好食每款都可以自己揀辣度我就叫咗雞翼、雞腎、牛肉茄子勁多蒜蓉！必食粟米都好甜好香個娃娃菜都好有誠意、有爐熱住呢度連飲品都好有誠意、係支裝㗎特別好飲係因為影相會靚啲下次再食