茶屋町 (長沙灣道) (已結業)

難得放假, 訓醒已經2-3點, 行過深水埗區發現一間賣丼為主的日式餐廳, 正好作為一餐豐富的下午茶.等餐期間先發覺原來餐廳以鐵路為裝潢主題, 加上店主應該幾中意宮崎駿, 店內唔少海報擺設, 勾起唔少回憶. 店舖唔算大, 勝在整潔衛生, 坐得舒服. 自助落單形式都相當方便蒲燒鰻魚丼一上枱已經有驚喜, 整整1條燒鰻魚, 足足1隻碟甘長, 焦香味道配上帶甜的燒汁, 嫩滑魚肉, 有鰻魚獨特的微微彈性, 係白飯的絕配. 白飯係偏圓身的日本米. 另加$20 仲有炸蝦, 鰻魚塊同溫泉蛋, 岩晒同朋友分享.汁燒雞扒烏冬燒雞扒份量足足1隻手掌甘大, 肉質仍然嫩, 而且多汁. 鰹魚湯底烏冬都絕對唔令人失望, 烏冬彈牙爽口, 鰹魚湯都唔會一味死咸.有時我們需要的未必係奢華食材,誇張裝潢, 反而一餐樸素簡單的日式丼, 更能滿足人心, 好比宮崎駿的動畫般.

😋芝士唐揚雞肉丼 $76唐揚雞大約有六至七舊，炸粉適中，雞肉唔乾。面頭有厚厚嘅芝士醬同沙律醬，雞肉加沙律醬好開胃，加埋芝士都唔會覺得好肥膩。飯面加左飯素，可以撈飯食。跟餐有一碟前菜，有蛋、紫薯、海帶，味道正常。-😋蒲燒鰻魚丼 $88鰻魚係整條上，打卡一流，鰻魚唔算太厚身，勝在唔會有細骨，肉質夠嫩夠入味，而醬汁鰹魚味濃。----------不過得3個店員，咁岩客人數比較多，點菜同等食物時間就比較長。----------🔎茶屋町🚩深水埗長沙灣道217號

比門口的抹茶吸引左入黎, 身為抹茶控既我地又點可以錯過! 今次其實係為左佢的抹茶甜品而再黎XD 所以要推介最後食的抹茶甜品先，一黎就係好濃烈的抹茶味，有茶的甘香，同正宗的抹茶有得比! 連白玉丸子都好煙韌，重點係超平!! 連主食叫+ $ 22就有，但質素卻與其他日式抹茶甜品店不相伯眾~今次點左個鰻魚飯，有3件厚身鰻魚，掃上燒汁，肉身好細緻，帶點膠質，處理得幾好，只有好少既微細骨，吞左都唔覺, 呢個價錢來講算係唔錯~另外點左的吉烈雞扒丼就不推介了，有點乾同散，炸粉太多，留返試其他啦~呢度的米飯就乾左少少，唔夠黏口，用左日本米而言就有點失色~下次要專登再黎試佢其他抹茶甜品！❗️如果大家中意睇我地分享美食, 可以比個like同follow我地@foodmarker.hk, 大家的支持好重要😚