宜家家居餐廳及咖啡室

營業中

休息中

入沙田搵食,如果唔想諗既話，可以選擇宜家，至少唔會唔好食，簡簡單單叫份肉丸都好醫肚。但估唔到現在宜家有得鋸牛扒。呢期佢地有牛柳食，價錢都好大眾化，點了一份後，再加蔬菜薯餅，都不用一百元，真係非常大眾化。牛柳配薯蓉雜菜，分量差不多有6安士之多，肉質很嫩滑，而且沒有太多筋位及肥糕，配燒汁一食，發覺味道很惹味，絕非一般的二流貨色可比，如果可以將雜菜薯蓉換作薯條之類，相信會更多人選擇。蔬菜薯餅是宜家的推介之選，現在只需要15元就有兩個可吃，加一點芥辣及茄汁，入口時更能吃出薯餅的味道，而伴碟的蔬菜亦很新鮮，分量亦剛剛好。

平民飯堂就係IKEA, 雖然打著北歐的旗號，但價格未有因此而提升，食物質素有了保証。之前去過瑞典，才發覺HK IKEA真係唔係流的，在瑞典最常見又出名的就係meatball和salmon。今日係沙田IKEA試下有幾北歐。蔬菜薯餅好食又健康，不用點sauce都很可口帶點crispy,但係salad唔係好fresh。Meatball 同我係瑞典食的有9成似，係度食只係$20，但係個度就$100。物超所值！最愛個紅苺醬，唔駛齋食肉咁dry。個 mesh potato and gravy 都好味。Honey sausages有驚喜，$10 三條，去邊度揾？！仲要堅好食，個皮又脆又甜，正！呢個係仲夏之美食，New menu, 炸魚都幾好，唔油利。fettuccine texture 幾厚，感覺幾fresh, 但係個汁真係少左D。整體唔係幾仲夏。Dessert係lemon tart, 有質素，好有fresh lemon味道，Good for summer!再試埋個organic drinks，個packing好得意，唔係好甜，但係味道一般。

因為糧尾既關係，大家都想食平dd ，我地四個女仔就近近地去宜家傢私食晚餐。因為我就唔太餓，所以就只係要左五粒肉丸配薯溶同蔬菜薯餅。肉丸配薯溶，肉丸焗得好香，味唔會太咸，咬落去唔會散哂，再配上果醬，又咸又甜咁好開胃。原來依家肉丸冇得揀配意粉或者飯，只可以配薯溶，不過我都中意食。薯溶好creamy 好香奶油味，再配埋平時食磨菇飯個汁，食落就知一定好肥！ 蔬菜薯餅配沙律菜，薯餅用左西蘭花黎整，中間好清楚見到薯仔粒同西蘭花，焗得好香，但一叉落就有少少散，雖說不上係濃味，但又唔算係清淡。

上星期日,去完探BB,就順道去了沙田宜家逛逛,為家中添置一些新的碗碟,小裝飾等雜物....點解 D分店間間都離我家10萬9千呎遠.....買少少野又要自己托返去,老老實實,迫我地上網買野嗎?行了一陣覺得有點累,就到了咖啡室食少少野,星期日,又近6點鐘,早已預計到是人山人海,我....一個人又不算太難搵位~都係自助的形式,先取食物付款,之後就自己搵位,不過,記住食完的餐盤要自己拎去回收站放好,是遊戲的潛規則....今日試下新野,蔬菜薯餅蔬菜同薯仔丁都算幾大粒,有適量的嚼頭吧,味道方面奶味都幾明顯,口感係外脆內軟的,利用焗的方法處理,油膩感也不重,我行左落樓下有Retail ,可以回家用焗爐自家焗,望左個成份,證實入面除了蔬菜薯仔,仲有芝士同洋蔥,即是奶蛋素!!純素的朋友要注意了!不過$15兩件都叫做幾抵食,發牙痕就very good了~另外,仲叫左鐵膽"瑞典肉丸" $19 有10粒,仲可以免費拚意大利粉或飯,我明顯係牙痕所以就配返薯仔粒就好,因為意大利粉的份量也多的,堆到一個小山丘,以肉丸來說都是最喜歡旁邊的果醬,甜甜地,點肉丸幾相配!如果不是,我也不能一個女生,吃下10大顆!哈!以小食

身為沙田友，平日開餐，IKEA一定係平靚正嘅首選!以下係我一個人平日開餐嘅一D選擇粗粗薯條十分抵食，粗薯好有口感，而且分量好多，比M記的好食香炸雞翼雞翼外皮炸到金黃酥脆，肉嫩多汁而雞肉醃得入味，食完一隻一隻真係好好味!推介!!!蔬菜薯餅一客有2個薯餅再加沙律菜，薯餅有薯仔粒同西蘭花，仲有D忌廉味，食落清新唔錯如果薯餅表面再脆d會更加好食(Y)牛油栗米 份量唔少，有少少牛油味，香香甜甜，抵食小食!!!香炒雜菌菇種都是常見的，油份比較多，名符其實的「香炒」，因為雜菌味十分濃烈，抵食沙田IKEA又大又多位，自己一個黎食都唔怕尷尬而且選擇又多，價錢又平，諗唔到食咩就黎食IKEA啦!!!

沙田的餐廳很多都吃悶了便想到很久沒去的宜家家俬餐廳。來到時大概七點多，餐廳內已經人山人海，位子都是滿滿的，而買東西吃的人龍亦不短。那就先看看吃些甚麼!瑞典肉丸配意粉 ($39):肉丸鬆化，肉味甚濃，雖然是雪藏貨，但質感亦不是乾巴巴的。意粉當然不能期望是Al dente，但亦不會過淋。酥皮三文魚菠菜芝士餡 ($39): 相比起starbucks/ pacific coffee 的pies，酥皮較厚，牛油味比較弱，麵粉味較重，但賣相脹卜卜的，挺可愛！三文魚質感不是太乾，混著香濃的菠菜芝士餡吃，味道亦不錯。蔬菜薯餅 ($15 for 2): 味道最出眾! 內裡有西蘭花，薯仔粒，忌廉，芝士。薯餅外脆內軟，充滿著西蘭花，比起炸薯餅健康得多！非常喜歡那些粒粒的薯仔，口感豐富，吃著吃著滿口濃郁的芝士味！濃郁