2DP (已結業)

我們在平日晚上來食晚飯，餐廳較細又多人，非常嘈，每枱只限90分鐘，我們叫了三個主菜、三杯特飲及兩個甜品。坦言，今次是慶祝生日，90分鐘實在不太足夠吧！當我們超出90分鐘後，職員叫我們結帳，當時還未食完甜品。食物好食又健康，可以不加奶或蛋，我們不是素食者也非常喜歡每款食物，特別喜歡推介的沙冰特飲。甜品也很好味。訂位時，我也問職員要加生日牌及蠟燭，要加$18 雖然未能寫名，原來是有兔仔的生日牌及金色的蠟燭，總算很靚

朋友想食得健康啲所以再次揀左尼間主打素食同甜品既餐廳記得一開頭幾次經過都排哂長龍今次一早book左位但當日星期五晚上去其實walk in都可黑松露薯條•薯條香口，加上軟硬度很好，唔會太脆又唔會話林batbat，配上的黑松露醬好夾，而且老板唔吝嗇，配有額外嘅醬！比喜歡較濃黑松露味的食客飲品🍹有機綠茶檸檬發酵茶•好似冰凍既氣泡茶，很解渴荔枝西柚烏龍•感覺清新，甜度適中蕃茄水牛芝士薄餅•薄餅做得十分薄而且好脆，水牛芝士味道十分濃又不會太膩，2個女仔都食得哂純素魚子醬•牛油果三文魚他他•賣相靚，但可能係素魚子個人覺得味道較淡但配搭牛油果&青瓜味道都算清新，份量都適中

依間舖頭經過好多次，都好想試下，今次終於試到啦！唔係失望反而有驚喜。以我所知依間素食餐廳成日都推出唔同嘅新野，價錢嚟講食晚餐會化算啲。反而午餐就覺得貴咗少少。泡菜煙肉卡邦尼意粉：有驚喜，因為個汁調敎得十分適中，有濃濃嘅卡邦尼味道。泡菜汁亦十分突出，發揮到開胃作用，唔會令人食完覺得好漏嘅感覺。唯獨以為有泡菜係入面，同埋佢哋用咗係我唔中意嘅扁意粉。總括意粉大力吸收到泡菜同卡邦尼汁，所以扁意粉食落無咁介意。蕃茄水牛芝士薄餅：驚喜在於用「薄餅」。薄餅都整得好鬆脆，水牛芝士完全發揮到主角嘅作用，十分有水準。至於黑松露薯條及沙嗲素雞串就普通咗啲。炸物來説始終唔係佢哋強項。薯條就太過乾身，沙嗲雞串比較油。總括而言，主菜係唔錯，小食就普通啲，未試過佢哋嘅飲品。

星期五晚約幾個老朋友出嚟食飯。由於其中一位朋友係食素嘅 ，所以好順理成章就揀咗一間素食餐廳 。呢間餐廳都幾多人食， 晚市好快就滿座喇 。我哋睇住個餐牌 ，結果揀咗幾樣嘢。冬陰功蒟蒻麵呢個麵質彈牙 ，冬陰功辣辣地好醒胃 。朋友唔食得辣就覺得辣咗少少。菠蘿素牛漢堡呢個呢我哋覺得好驚喜， 因為佢嘅素牛真係好像真，似一塊肉漢堡呀!佢嘅外表就好似一塊煎左嘅漢堡中間係有粉肉色嘅，就好似漢堡未完全熟透嘅顏色 。味道方面佢都幾似一嚿肉，幾可亂真! 如果唔話畀我聽係素牛漢堡，我都唔會懷疑佢唔係牛肉。香脆素雞槌素雞槌正正常常，棒狀的雞槌中間係雪條棍，應該係扮雞骨(？)炸蜜香素薯條係用番薯嚟炸， 個人認為同餐牌相片有所出入。餐牌上嘅薯條係比較粗， 上枱嘅番薯條係比較幼，數量比較多。 但係我就覺得比較乾身 。如果切粗啲攞嚟炸，應該可以保持到番薯裏面嘅濕度。蕃茄水牛芝士薄餅呢個嘅芝士好香 ，分量亦都足夠 ，好好味。由於餐廳唔係好大我哋食完冇幾耐就埋單走人啦 ，讓番啲位出嚟畀排緊隊嘅人入座。