Casa Di Luna (已結業)

🌕 Casa di luna 🌟 最近港女媽媽成日都周圍到訪啲打卡cafe, 最近又話想去銅鑼灣睇聖誕樹，就順便食個晚餐再去行下～🎄Dinner set ($368)位於銅鑼灣中心既26樓，自然可以睇哂夜景，餐廳差雖不大，幾張枱靜靜地食飯都好有氣氛。🍅蕃茄流心蟹肉盒🦀配上溫泉蛋同滿滿既蟹肉，擺盤亦非常精緻，有別於其他cafe以沙律作為前菜，用清爽酸甜既蕃茄配上鮮甜既蟹肉係令我地非常欣賞既頭盤！龍蝦湯🦞濃厚既龍蝦湯裡面有少許龍蝦肉。🦀炸軟殼蟹白松露意大利粉🍝擺盤精美，味道不錯，白松露味好香有點蓋住左軟殼蟹既味道。烤羊架🐏如果你鐘意食羊就一定會鐘意，大概5成熟，一啲都唔騷，唔會太肥而且好嫩！如果可以問埋客人想要幾成熟會好啲，始終有人唔太超甜或者太熟！🍫Tiramisu 🌑🌚本身黎呢間餐廳就係為左呢個隕石tiramisu，開頭我仲以為要敲碎佢😂厚而唔算好甜既cream加上軟軟既海綿蛋糕，鋪上濃郁既可可粉！超推介！

在人來人往的銅鑼灣鬧市中心竟然有一間以月球為主題的意大利餐廳，於是相約閨蜜來一趟登月之旅。餐廳外已放置了一個大型彎月燈箱作打卡之用，亦為是次登月之旅打開了序幕；一個可愛太空人在大大小小月球下漫步帶領着我們開展了這趟旅程。 ⭐️蕃茄流心蟹肉盒大大的蕃茄內放有流心蛋黃及美味蟹肉，顏色鮮艷，絕對吸睛。⭐️龍蝦湯香濃味美，而且還有蝦肉及洋蔥，仿如置身在海洋世界當中。⭐️炸軟殼蟹白松露意大利麵軟殼蟹炸得香口鬆脆，意大利麵口感軟硬適中再配上濃郁可口的白松露醬，層次豐富兼且食不停口。⭐️香煎石班魚柳配海龍皇湯石班魚柳啖啖肉，外皮同樣煎得香脆；再放在鮮味十足的海龍皇湯內，相得益彰兼且營養豐富。⭐️提拉米蘇必食之選，月球造型充滿特色；口感細膩順滑，甜度適中。