Simplylife Bakery Cafe

營業中

休息中

朋友想食simplelife,但睇評論講到間餐廳服務又差，食物選擇又少，以為今次會中伏，但可能無期望的關係，又唔覺得間餐廳有評論講到咁差。無異食物選擇不太多，一張紙睇哂，但好多cafe供應的食物種類都貴精唔貴多，我又唔覺得太大問題，重點係如果食物質素都差，咁就大問題了。今次點了烤蘑菇忌廉汁寬條麵配香草雞胸及醋漬什菌和紐西蘭燴羊膝配薯蓉，寬條麵的賣相及味道都可以，但燴羊膝就遜色一點，加$30轉餐配的冰茶有淡淡水果味，不太甜 ; 不過餐包真的外皮硬，裡面韌，好難食哂成塊。至於員工的服務質素，坦白講，沙田市廣場地下那一層間間都差不多，沒有邊間特別好，這間算不過不失了。

其實一個人食飯，食完後有啲覺得貴，下次唔好喇。諗住一個人食就食豐富啲。所以去咗依間餐廳叫咗大蝦海鮮冬蔭功糙米飯，加多$30跟餐湯及橙茶。餐湯是蕃茄湯，非常濃郁的蕃茄味。而冬蔭功飯非常重口味而且較咸，一個人食晒成碟會好滞，但碟飯的份量其實是非常少的，只得薄薄的一層(絕對是得一層飯，飯粒無重叠，無厚度的)，如果唔係咁重口味食完一定唔夠飽。而海鮮最好食的只是燒八爪魚鬚。橙茶方面我落單只叫少冰，但送嚟除少冰外亦好似走埋甜咁，無嚟味道。而坐位佢哋啲圓枱真係細得交關，因沙田店以前都幫襯過好幾次，兩個人坐圓枱，啲嘢食送到嚟擺滿成將枱非常逼及好唔舒服感，就算今次只得自己一個人都擺滿將圓枱，買這款枱的人係咪諗住啲客嚟叫杯嘢飲就算呢。整體嚟講沙田無銅鑼灣或又一城的好食，而且服務態度亦一般。

Simplylife 是一間我很喜歡的餐廳，雖然菜單不會有太大變化，但我還是每隔一段時間就會想起它。 今次是我第一次去沙田店，竟然發現了有新菜色！主菜選了兩款未試過的：慢煮紅酒肉碎手製闊條麵和燒美國嫩牛柳。薯餅，南瓜，黑松露汁。 在主菜到達前，會先奉上沙律/ 餐湯 以及麵包。麵包是法包和酸種麵包，個人非常喜歡simplylife的麵包，法包富有彈性，有嚼口，可惜沒有焗熱，是冷卻的。 是日沙律是法邊豆黑醋汁沙律，很喜歡這裏的黑醋汁，酸酸甜甜有橄欖香，很開胃！ 跟餐的蕃茄湯也很不錯，蕃茄味很天然，有少少蕃茄蓉的口感，好喝！ 主菜一： 慢煮紅酒肉碎手製闊條麵 $108 近期愈來愈流行慢煮的烹調手法，想不到連肉碎也用慢煮方式！ 意粉頗有彈性，肉碎吸收了紅酒汁，有淡淡酒香，配上芝士，絕配！ 另一道主菜： 燒美國嫩牛柳。薯餅，南瓜，黑松露汁 $218 牛柳很厚身，分量亦不少！ 牛柳下面是薯餅，但不是普通炸薯餅，而是用上薯蓉和煙肉一起煎的！ 薯餅保留少許薯粒，吸收了煙肉的油香，加上忌廉，很惹味！ 主角的牛柳五成熟，控制得剛剛好，肉質嫩滑沒有筋，又不會有血水。 配菜的南瓜亦不能錯過！南味道有點像栗子

終於都去左哩度食晚餐喇 真係好多人 係要早少少拎飛架喇 仲要等一段時間先有位的 今次order左燒黑鱈魚餐同埋美國肉眼扒餐 跟餐有沙律或餐湯 跟餐的沙律 有好多菜都幾健康哈哈 仲有啲汁撈埋食 味道都幾好不錯 餐湯係蕃茄湯 又真係幾好飲喎 端上枱還是熱的 而且味道很濃郁 湯又很滑 哩個要讚👍🏽👍🏽 除了沙律同餐包 還有幾塊麵包的 其實一叫完餐 哩盆麵包居然可以係兩分鐘內上枱 重點是麵包🍞又凍又硬 擺明就無整熱過 真係錯哂😟🙁烘下塊麵包都好丫 完全唔敢相信一間看似有水平的餐廳會係咁樣上餐包👎🏽👎🏽燒黑鱈魚 整體上都不錯 魚肉很滑也帶點肉汁 不會煎到過乾 只是魚皮比較麻麻之外 其他都可以 魚下面有薯蓉 一齊食又幾夾 薯蓉唔會太重牛油味 okay☺️ 美國肉眼扒 10安士 配上薯條同甘筍 甘筍幾爽同新鮮 薯條係幼薯條 炸得都可以接受 粗薯條的話會開心啲哈哈 肉眼扒7成熟 賣相係幾好但味道就真係麻麻 我覺得係韌 而且食唔到有紅酒汁的味道 只係食到燒的味道 好奇怪🙄🤔都有點失望😕🙁 餐具方面有鋸扒刀就會較好吧 其實都真係有啲切到手軟btw,, 待應方面其實大多數都是不錯的 都有禮貌為客人服務

香港人食個飯仔可以去到幾盡？當你平日去到Simplylife門口，而自己又唔記得用apps拿飛時，你就知道原來香港人可以為左食個飯仔，可以花成一個至個幾鐘等位食個飯仔。Simplylife 以簡樸風情為主，而設計上亦以英式設計為主 (可以參考摘星廚神 Burnt)。Simplylife 既食物如同其名 Simplylife Bakery Cafe 一樣，它的麵包真的非常出色；之不過咁，係我坐低無耐個 waiter 就拿左個麵包同牛油過來，而我就同佢講「我重未點野食喎！」個 waiter 就好好笑咁講「俾定你先啫！」Well... 唔係趕時間到咁呀？我唔點餐齋點飲品時，你個 waiter 情可以堪呢？係 Simplylife 好多人都會叫英式 All Day Breakfast，貪佢大件夾抵食；而我不知其他人知不知道英式 All Day Breakfast 既由來囉！係到食就唔好跟風，跟風就無左自己既風格，於是點咁幾樣好似隔離枱無乜點叫既野黎食！餐湯同餐飲要加HK$30元，抵唔抵就見仁見智。餐湯試過蘑菇湯同蕃茄湯，兩樣試完後都係覺得蕃茄湯好飲一點，或試我係比較鍾意飲蕃茄汁/湯既人。兩個湯