勝八鉄板串料理 (已結業)

又到食好lunch嘅時間。見呢間倒禁多笑臉所以去試試。中環人去銅鑼灣食飯，真係搭的士來回都有賺。啲set唔貴，大部分$98至$128，當然如果要有啲豪華版要$200+。埋單先知原來仲有85折。食物重好有驚喜，味道好不特止，仲一啲都唔孤寒，都幾大份!!我叫咗個薄燒牛肉，朋友叫咗網燒牛，但我仲意個薄燒多啲(但冇禁咸仲好啲)。兩個都好好味。另外，店員服務都想俾個又like! 好有禮貌，上菜又快一定會再來。

今日下午開學了，停左大半年，再次拎返起本書。放dinner break時碌下個fb，見有朋友食鐵板燒引到我流晒口水，咪whatsapp 話佢太過份啦，知唔知我咬緊白麵包咋，一問之下間餐廳原來好近我上堂個度，咪試下叫佢幫我訂枱，兩位好易搞掂，咁我就專心上埋下半堂然後放學同同學仔去食好野。 一去到坐底，店員介紹幾款食物比我試。一眼見到bar枱無人坐，原來大家都係一班人黎食野飲酒傾計，最正的鐵板燒枱竟然無人坐，即刻問可唔可以調過去？ 可以睇住師傳即叫即燒，由生整到熟，直頭好似睇表演咁過癮。 蕃茄沙律 新鮮日本溫室蕃茄已經去皮切片，加上開胃柚子汁，清甜的蕃茄配上酸味剛剛好的柚子汁調味，好fresh 呀。香煎鵝肝夠晒厚，外脆內軟，入口甘香豐腴，有油香但無油膩感，配多士同食，多士吸收了鵝肝的精華，份外美味。 食刺身，新鮮是最重要的。拼盤入面有油甘魚，甘蝦、三文魚，每樣各兩件／片，全部新鮮，件件厚切。刺身總類根據當日食材而選擇，所以包保新鮮，當然落單前都可以先問下店員今日有啲咩可揀，或者話比佢地知你的喜好。 串燒每人三串。師傳建議先食劍魚腩再食鰻魚，最後先食蟹膏帶子。好在有人教路，唔係實亂咁放晒入口

香港有二萬多家食肆，就是有七百萬人口，比例依然算高，要突圍成功，有人玩創意，有人卻平實，成功自有法，我認為，最緊要就是味道及找對客戶群。 勝八在同一大廈擴展，名字及主題改少少，專做鐵板及串燒，勝八居酒屋我未有到過，但這鐡板串燒店，不玩花巧，價錢合理走中價路綫，配合銅鑼灣，尤其是登龍街的形象，食品味道有水準，正合我們經常外吃之無飯一族的心意！ 招牌上的＂串＂字，特別打斜寫，看來動感得多，不知道可有特別意思？ 入口的燈籠及日本字垂簾，充滿居酒屋風範。新張有85折，正是我這夜光顧的原因之一。 室內裝潢簡約，乾淨企理，間隔四平八穩，開揚無遮擋，所有客人皆可見到廚房前的鐵板枱。 似乎特別喜愛招財貓，主廳內有3幅掛畫。 如果是鐡板燒粉絲，喜歡欣賞大廚之手來來回回的手藝，可以選擇坐鐡板燒位，只有四個座位，估計非常搶手，因為以兩個客人對一個師傅的比例，非常有優越感；話雖如此，這個居酒屋版本就少了一分豪感！ 餐牌上有鐵板御膳，非常平民的御膳，$380/位已有交易，而且有貴價的鵝肝及銀雪魚，亦有厚及薄燒牛肉，性價比高，適宜下次光顧預訂鐡板桌位品嚐。2016年的第二天，我們要吃得隨心，散點更能盡興。玉子