影片
更多
2018-01-21
396 瀏覽
呢一間叫 花說 嘅粉紅色Cafe店其實都已經開咗有一段日子，不過見佢嘅人流旺盛而且地點對於小編來講又唔係話好就腳，所以遲遲都未去試。不過放緊sem break有啲時間，而且見到佢哋嘅人流好似大不如前心諗應該唔使點等，所以最後都係決定去一去見識吓。之前都有上網睇都有人話服務質素麻麻，不過小編今次去到可能因為人流冇咁多，所以都有服務既。意粉一攞到上台真係超surprise，估唔到竟然咁有心機將煙三文魚整成玫瑰花咁😍小編冇記錯嘅話好似都有3塊煙三文魚架！不過明顯食得出煙三文魚真係啱啱係冰箱攞出黎，因為仲係凍冰冰㗎😂白汁嘅份量都幾夠下，意粉啱啱好可以撈埋啲白汁一齊食唔需要乾爭爭咁食意粉，而且意粉亦都唔會煮得好硬，個人覺得意粉嘅軟硬度適中。而佢哋嘅白汁亦都有好香嘅奶味，都算唔錯，而且加左啲白蘑菇喺意粉裏面，所以味道亦都唔會太dry。個人覺得呢個意粉都算唔錯，而且玫瑰花煙三文魚真係加左唔少分。呢一個All Day Breakfast真係超級豐富，但係個人覺得質素真係一般左少少。首先黑松露炒蛋方面，蛋炒得唔夠滑而且蛋味亦都唔係好夠香，黑松露味亦都唔夠香。另外煙肉方面小編就覺得鹹咗少少，不過如果夾埋個
不過放緊sem break有啲時間，而且見到佢哋嘅人流好似大不如前心諗應該唔使點等，所以最後都係決定去一去見識吓。
之前都有上網睇都有人話服務質素麻麻，不過小編今次去到可能因為人流冇咁多，所以都有服務既。
白汁煙三文魚意粉
$88
32 瀏覽
0 讚好
0 留言
意粉一攞到上台真係超surprise，估唔到竟然咁有心機將煙三文魚整成玫瑰花咁😍小編冇記錯嘅話好似都有3塊煙三文魚架！不過明顯食得出煙三文魚真係啱啱係冰箱攞出黎，因為仲係凍冰冰㗎😂
白汁嘅份量都幾夠下，意粉啱啱好可以撈埋啲白汁一齊食唔需要乾爭爭咁食意粉，而且意粉亦都唔會煮得好硬，個人覺得意粉嘅軟硬度適中。而佢哋嘅白汁亦都有好香嘅奶味，都算唔錯，而且加左啲白蘑菇喺意粉裏面，所以味道亦都唔會太dry。
個人覺得呢個意粉都算唔錯，而且玫瑰花煙三文魚真係加左唔少分。
All Day Breakfast B
$98
29 瀏覽
0 讚好
0 留言
呢一個All Day Breakfast真係超級豐富，但係個人覺得質素真係一般左少少。
首先黑松露炒蛋方面，蛋炒得唔夠滑而且蛋味亦都唔係好夠香，黑松露味亦都唔夠香。另外煙肉方面小編就覺得鹹咗少少，不過如果夾埋個牛角包食會比較好少少，雖然牛角包牛油味好香，但個人就略嫌唔夠脆口。另外呢一個All Day Breakfast裏面有兩條腸，一條係脆皮腸個人就覺得冇咩特別，而另一條就係德國腸，睇size都見到佢哋呢度嘅德國腸比平時嗰啲大條，以味道方面亦都同平時食到嗰啲有啲分別首先佢呢度嘅德國腸係冇咁鹹，而且豬肉味比較香。而薯條方面小編覺得亦都整得好好味，薯條不但香口亦都好脆口👍而最後仲要介紹埋佢哋個大啡菇，大啡菇上面應該有啲芝士同埋沙律醬喺度，因為食到有少少沙律味，個人覺得都整得幾好味嘅。不過個大啡菇裏面有啲啡色嘅水，小編建議可以上碟之前倒一倒左啲水佢，因為都幾影響食慾😂
獨角獸
$48
48 瀏覽
0 讚好
0 留言
獨角獸呢杯嘢飲其實主要就瞓咗上下兩層，上面嗰層就係波子汽水味梳打，以下面果層就係玫瑰梳打。講真波子汽水味就比較淡少少，但係下面嘅玫瑰梳打味就超級濃郁，所以小編係比較建議將佢攪勻嚟飲，玫瑰味會比較平衡啲。而且攪勻左嘢飲嘅甜度都會比較均勻返少少。
雖然飲品嘅味道就唔算好特別，但係攞嚟打卡就一流呀！隨手影都可以影得超級靚。
薰衣草白桃梳打
$38
50 瀏覽
0 讚好
0 留言
雖然呢杯嘢飲就唔係話特別靚，不過小編見到有薰衣草梗係要試吓啦！
飲品方面本身真係比較香白桃味，完全飲唔到有薰衣草味，不過如果將飲品表面嗰兩條薰衣草撈埋落去杯嘢飲度搞幾搞嘅話，薰衣草味就會開始浸出嚟，所以薰衣草嘅味道可以根據自己嘅接受程度作出調整，所以個人都比較鍾意你杯野飲，因為有小編最鍾意嘅花香味。
之前亦都見到有人話店舖嘅裝修好淘寶feel唔係韓式少女feel，不過個人就唔多認同啦，其實整體嘅裝修都OK嘅。
張貼
