花說 (已結業)

想講下作為男仔去到咁少女既cafe既感想。話說女朋友成日叫我陪佢去cafe , 做佢cam man 既我 心諗 又去cafe ? 食吾飽架wo , 多數等半個鐘先出一樣野，真係會餓到吾想相機食先，直接暴風吸入。😂日前，陪女朋友去長沙灣少女系cafe , 個心其實吾係好願意，心諗gg了，女朋友見到咁靚既環境同食物一定會影更加耐先有得食，幫佢影到手軟都未有得坐，（又吾敢黑面🙄）不過估吾到呢間cafe 比到一個良好印象我，特此表揚一下。首先，點餐後，好快就上晒野食同野飲，我諗10分鐘左右到🤔 份量仲要吾細！味道幾ok, 正，今次夠飽了🤤 其實係食之前，當然要幫女朋友影刻意既不經意相🙄 影左好幾張，比女朋友過目下先，佢冇話我影吾好，但就扁咀囉，（我真係吾知邊個角度影佢先會笑番😭） 好彩店員主動上前問要吾要幫我地影相，除左幫我地影幾張合照，仲幫我女朋友影左好多張女神相，氹到佢笑晒口咁，希望我學到野🙈 Btw 店員好nice , 吾該晒你幫我地揸機！