小城鎮 (已結業)

星期五放工去咗北角搵朋友食飯，我哋幫襯咗「小城鎮🏰」，如果唔係街坊未必識嚟😳，因為佢位置喺內街。餐廳裝修行工業風，用上舊式火車模型同復古路牌作點綴🚞，配合返外國小城鎮嘅主題。整體環境舒服，朋友聚會或情侶拍拖嚟呢度都好適合！餐廳定價比想像中平🍽，大部份薄餅、意粉同飯類嘅菜式一百蚊樓下有找；而肉扒就貴少少，但都係講緊百幾二百蚊，而且份量仲要好多！佢設有二人套餐，但想食嘅嘢都不在其中，所以最終散叫。三文魚卡邦尼意粉($98)，🍝意粉賣相吸引，麵條偏幼身，口感富嚼勁，兼且非常掛汁。我認為比起所謂專門店嘅手工Pasta更出色！卡邦尼醬汁唔會好膩好黏，偏近忌廉風。面頭散上脆煙肉粒🥓，而內裡就有煮熟咗嘅煙三文魚、煙肉片同雜菌，每啖食落都好豐富。蒜蓉香草焗羊架($168)，🐑🍖羊架一客有三件，羊羶味適中，並滲透出蒜蓉香草味，但又唔會蓋過肉味。羊架肉質唔韌，沾薄荷醬食一流🌿！伴菜擺盤好有心思，包括車厘茄、翠玉瓜、西蘭花同椰菜等，全部蔬菜都好清甜。忌廉黑菌牛柳粒($75)，小食滿有驚喜，因為無諗過個汁咁惹味，而且同牛柳粒都好夾🤤。牛柳粒有七至八粒，質素唔錯，牛味濃郁兼肉嫩。除咗肉之外，佢仲有好多菇🍄同三色

今晚收工想食返餐好，去左北角既西餐廳小城鎮，餐廳位於内街，不過都唔難見到。餐廳主打西餐，餐牌有沙律，湯，手工比薩，意大利大廚麵，特色飯，大廚推介主菜，滋味小食，飲品，酒類。今晚叫左兩份沙律，一份小食，兩份主菜同兩杯飲品分享。煙三文魚沙律配蜂蜜醋 $72 另加一煙三文魚沙律配蜂蜜醋有4大塊煙三文魚，味道正常。沙律菜好新鮮爽口，份量好多，抵到爛。仲有少少紅蘿蔔絲，車厘茄同半隻熟蛋，再灑上香草。蜂蜜醋另上，要幾多自己加，味道酸酸甜甜，有陣陣花香，感覺完全唔肥。科布烤雞沙律 $68 另加一科布烤雞沙律有一大塊切件烤雞扒係面，皮烤得好脆，好有誠意，搞到我忍唔住食。下面既沙律菜同另外一款沙律一樣，份量都一樣咁多。沙律醬換左香滑既醬料，非常邪惡。忌廉黑菌牛柳粒 $75 另加一忌廉黑菌牛柳粒有7大粒，整得好腍又有牛味，份量多到似主菜。伴有菇片，洋蔥絲，青椒絲，而個汁加左黑椒，又滑溜又好味。仲有少量滑溜薯蓉。呢個小食好食又抵食。香煎厚切鵝肝伴紐西蘭牛柳 $228 另加一一上枱就聞到好香嘅黑松露味，原來兩塊鵝肝上面有黑松露醬，鵝肝整得外皮脆脆地而入面好稔，唔算油。紐西蘭牛柳超大舊，雖然差唔多全熟，但係都唔

星期六晚同老公搭叮叮去北角食晚飯。我地叫左兩個主菜，都加左$48升級做套餐，另外再叫左三樣野食。套餐既酥皮湯同平時既唔同，用上羅宋湯，而唔係忌廉湯，成件事健康左好多，酥皮好香口。慢煮羊腿配薯蓉羊腿肉質好軟腍，帶點好香既羶味，薯蓉綿滑，牛油味重，好多洋蔥、雜菇、椰菜，仲有西蘭花，蔬菜都整得好好食。香煎厚切鵝肝伴紐西蘭牛柳鵝肝肥美，加上黑松露醬更香，牛柳超級厚身，真係啖啖肉，亦有蔬菜伴碟，營養均衡。深海鮮蝦凱撒沙律好大碟，沙律菜新鮮，醬汁幾好味。白酒忌廉燴青口青口數量頗多，唔會好細隻，唔錯。煙三文魚牛油果醬沙沙多士超級足料又好食，正。套餐甜品揀左朱古力曲奇慕絲蛋糕同藍莓芝士蛋糕，我鍾意後者多啲。餐飲揀左百香園水果茶同綿綿朱古力，賣相幾得又好飲。