Non Kitchen

營業中

休息中

呢間西餐廳lunch嘅semi-buffet主食好多選擇 salad bar亦好豐富✨而家逢星期一至五午市仲做緊優惠 更抵食啊‼️.➿Lunch Salad Buffet ➿半自助餐包左任食沙律及餐湯, 一款主菜同一杯咖啡/茶😋.📌飲品 $free熱檸茶正常發揮🍋.📌Salad bar1️⃣蕃茄湯味道好濃🍅2️⃣粟米紅腰豆沙律正常發揮🌽🫘3️⃣薯仔好綿 調味唔重 好清新🥔4️⃣紅菜頭清甜爽口❤️5️⃣青瓜拌以印度香料醬 好爽脆🥒6️⃣蕃茄仔酸甜🍅7️⃣沙律菜好新鮮 蓮藕片好脆口🥗8️⃣三款麵包: 蕃茄包口感紮實 茄味濃🍅牛角酥鬆軟🥐芝麻包口感煙韌 味道似普通餐包🍞.📌水牛芝士蘆筍野菌薄餅 $138Pizza口感唔錯 批邊超脆口 批底軟身🍕配料主要係野菌同爽甜蘆筍 好健康🌱菇菌種類好豐富 有大啡菇, 冬菇同茶樹菇 鮮甜juicy🍄‍🟫鋪滿水牛芝士 奶味香濃 仲令Pizza更加軟綿🧀配埋微酸蕃茄醬 味道更清新🍅.📌炭燒美國豬鞍扒 $188豬鞍扒煎到微焦脆 網紋位焦香味突出🔥豬鞍好厚身 爽口唔鞋有肉汁🥩調味唔重 保留肉嘅鮮味 但豬香就唔太濃🐷.📌蘋果撻 $48酥皮鬆化酥脆 充滿牛油香🧈內餡係軟嫩肉桂蘋果蓉 加埋啲蘋果粒 更有口

觀塘高質semi-buffet lunch🍝Non Kitchen （觀塘）身為觀塘打工仔嘅一份子，精棉工業大廈嘅樓上西餐廳Non Kitchen我已經食過超過5次😆唔單止因為近，仲因為佢真心性價比高，食物又高質，有時諗唔到食咩又想食decent少少，佢一定係首選👍🏻❤️午市半自助餐時段🍽人均：$88-$200 （視乎揀咩lunch set）（提提大家lunch用現金付款仲唔收加一服務費😊）🕰時間：lunch不限時，我12:30到達都仲有位，不過就建議預先打電話留座比較穩陣，因為都幾多人食😆以下都可以喺自助區自取👍🏻店員會不停refill，大家唔洗擔心唔夠拎）：·沙律🥗（咩菜都有，我就最鍾意佢個烤南瓜🎃）·餐湯🫕（蕃茄濃湯）·餐包（牛角包🥐等）☕️所有餐都包一杯冷/熱飲（咖啡/茶）我哋揀咗以下2個lunch set：🍝Stir-fried Spaghetti with Smoked Duck Breast 蒜香煙鴨胸炒意粉 $128有少少似Pizza Hut 招牌蒜香炒意粉，不過當然Non Kitchen就再足料啲👍🏻鴨胸係切條狀，睇相睇唔出，但份量都算大！🍗 Africa Style R

做完大project係要慶祝下～ 同事搵咗呢間隱世工廈西餐，有Semi Buffet Lunch真係食幾多都得❣️記住睇下精棉工業大廈地下張相，唔係miss咗都唔出奇😂 餐廳好大，枱同枱中間嘅空間非常闊落，係呢啲時間都食得好安心。兩個人點咗一份 慢煮無骨黑椒豬手 (💰$138) 同埋一份 炭燒西班牙伊比利亞黑豚扒 (💰$228)，再加多一個甜品 蘋果撻(💰$48)。主菜未嚟，梗係快啲食個任食沙律。驚喜嘅係有好多款唔同嘅沙律菜，食多幾碟沙律都回本！連麵包都有兩款😉飲埋個湯，如果你細食，其實都可以有少少飽😂自己本身好鍾意食豬手，呢個無骨慢煮豬手係第一次食，口感十分驚喜，真係有入口即溶嘅感覺😮唔鍾意煮嘢食嘅我都想買支慢煮棒試下自己整。黑椒入味之餘又唔會太鹹，100分 !個炭燒西班牙伊比利亞黑豚扒亦夠曬分量。 Pork Loin本身油脂偏少、肉質有咬勁，加上餐廳控制火候得宜，夠曬juicy唔會硬班班（因為好多人都覺得豬要煮熟啲，搞到好硬），值得encore !本身都好飽，不過真係忍唔住加多個甜品 - 蘋果撻。賣相絕對一流😉整法亦都唔係普通舖頭見到嗰啲蘋果撻，真係做到佢Non Ordinary嘅想

觀塘區工廈餐廳林立 今次lunch time試左呢間環境十分寬敞嘅西餐🤣🥗自助沙律吧多款新鮮疏果可以揀 有羅馬生菜 綠葉生菜 紫葉生菜 羽衣甘藍 紅菜頭 青豆 薯仔沙律 蕃茄仔 菠蘿 🍶醬汁有千島醬 意大利油同埋醋 😋配料仲有芝士碎🧀 麵包粒🍞 杏仁片 十分豐富▪️蜜糖燒美國春雞 ($138)雞皮燒得非常香脆 肉質嫩滑🐓 伴碟嘅薯蓉加入紅蘿蔔粒及翠肉瓜粒 令薯容添加一份清爽🥔▫️ 香煎盲鰽魚柳 ($138)魚柳肉質香滑 魚皮煎得香脆 配合白汁 令味道有所提升🥰▪️朱古力心太軟 (+$48)Brownie 外皮焗得香脆 切開後裏面嘅朱古力醬緩緩流出 配埋雲尼拿同埋Oreo 碎 食落好有層次 伴碟仲有新鮮嘅藍梅 士多啤梨🍓 同奇異果🥝▫️ 蘋果撻 (+$48)薄酥皮上放滿一片片新鮮蘋果 酸甜度適中上面仲有雲尼拿雪糕 令味雷倍感清新

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗返工食 lunch，通常都會係好趕又坐得好迫… 竟然俾我響觀塘工廈入面搵到一個綠洲，空間好寬闊，檯同檯之間一D 都唔擠逼，坐得好舒服！所有嘅午餐都會包自助沙律吧 + 餐湯，如果只係食沙律吧就$78。沙律吧所有蔬菜都好新鮮！有比較貴價嘅羽衣甘藍、紅菜頭，亦都有兩款餐包同牛角包！🍴炭燒紐西蘭西冷牛扒（$178）西冷牛扒好大塊，炭燒嘅紋好靚呀😍 下面有蔬菜薯蓉。我叫咗五成熟，牛扒鬆軟得嚟有少少咬口，有肉汁，肉味濃，夾雜住牛扒面嗰層炭燒味，真係好香！明火炭爐燒嘅果然唔同！質素唔錯！🍴墨西哥芝士藜麥植物肉牛油果餡餅（$108）朋友係食素嘅，原本lunch set 除咗 salad bar 外，都有一款素食選擇，而餐廳逢星期一仲提供多3款素食選擇，呢個方面係好貼心！見到餡餅大大份，爆多餡！朋友share 咗D 俾我試，個餅皮好香脆，入面仲好cheesy！🍴薯條（+$18）嘩～ 原來咁大碗！兩個人share 一份就啱啱好！係我鍾意嘅粗薯條，外脆內軟熱辣辣！🍴蘋果撻（+$48）呢個係我誠意推介嘅… 開頭以為個撻係厚身，入面個餡係一粒粒蘋果嗰種！嚟到時見

觀塘工廈，係地下行上一層就到，其實都幾方便😉餐廳仲有個corner可以篤波，一邊食一邊玩，太正了吧😍----------自助沙律吧及餐湯沙律菜同配菜有10樣左右選擇，餐湯係忌廉湯，包有牛角包同黑芝麻包 炭燒鹿兒島黑豚扒 $198炭燒格仔紋好燒得好靚好清晰，食落好腍，真係估佢唔到😍 菠菜芝士意大利餛飩配黑松露忌廉汁 $118黑松露味突出，餛飩滑嘟嘟，入面有滿滿既芝士🧀最喜歡一口size，岩晒綿羊呢類懶人😂 蘋果撻 +$48用左酥皮做底幾脆，上面舖左蘋果片，有濃郁既玉桂香，最後配左雪糕做返個冷熱交融🍦 朱古力心太軟 +$48心太軟朱古力味特濃，食落唔太甜，亦都係有雪糕，徘徊在冷與熱之間😆最鍾意旁邊啲生果，應該用左檸檬汁撈過，酸酸地同心太軟balance返🤗----------*設加一服務費

工廠林立的觀唐，怎會想到有一間好食坐得舒服又高質素的西餐廳 Non kitchen, 今次叫了凱撒沙律🥗，南瓜湯，黑松露野菌意式燴飯，炭燒美國特給牛肉眼扒，蘋果撻。指定動作😏,第一出場是餐湯和餐包，南瓜湯香濃滑口，重南瓜味，美中不足是太細碗，唔夠喉添😋😋.凱撒沙律的菜都幾新鮮，有清新的感覺，沙律以生菜為主再配以脆卜卜既麵包粒🍞 而最重要既沙律醬就係自家製既🤞🏻 酸酸甜甜好開胃😋。牛扒真係超有水準,我今次就揀咗七成熟，無諗過咁好食，完全不膩既口感,肉嫩而多汁,一陣炭燒嘅風味，好食過好多有名的餐廳👍👍這個黑松露野菌意式燴飯的特點就是有一點外軟內韌的感覺，很Creamy的，值得一吃再吃😋😋最後吃這個蘋果撻，批底用酥皮,蘋果片切得薄如紙堆疊再焗香,食到酸甜口感之餘有有酥皮既脆口感仲有雪糕既冰凍甜味。餐廳整體令人舒適，員工服務態度良好，食物質素高，除咗享受食物，餐廳環境都係高質享受。

朋友係觀塘返工，今次就介紹左一間係工廈中但又坐得舒服嘅西餐廳😜試完之後都會再來😆👉 燒德國🇩🇪鹹豬手配酸椰菜估唔到一個main有齊脆卜卜薯條🍟、沙律🥗同主角德國🇩🇪鹹豬手🐽，份量大到可以幾個人開心share🥳豬手肉質軟嫩😋但近皮的部分偏脆硬🙊味道好似帶膠質又帶鹹香的燒腩仔🐷🤣餐廳仲會提供好似肉汁加豆豉豉油汁俾你Dip，超有特色👻👉 菠菜芝士🧀意大利餛飩配黑松露🍄忌廉汁同平時食的意大利🇩🇪餛飩唔同，餐廳提供好似中式餃子🥟形狀🤔 第一啖咬落去黑松露同羅勒🌿味幾香幾出，不過薯仔🥔內餡偏實唔夠軟滑，希望下次可以改善😬👉 蘋果撻餐廳啱啱焗好就上枱超級熱辣辣🔥，蘋果批🥧酥皮脆口豐層次👍🏻，微酸的口味配埋凍冰冰的雲呢拿雪糕🍦中和十分開胃🥰👉 甘筍湯🥕配Focaccia義大利包🥖值得一提好少餐廳會提供Focaccia義大利包🥖，手工的Focaccia裡面有番茄乾🍅、香草🌿、Oliva Oil等，材料簡單但口感和香氣真係好食到爆🤩

一流嘅環境，好寬敞，餐台好大張，坐得好舒服，裝修係工廠風，好舒適😌⁣⁣𝗟𝘂𝗻𝗰𝗵 𝗠𝗲𝗻𝘂有好多選擇，每個𝗟𝘂𝗻𝗰𝗵 𝗦𝗲𝘁都有自選沙律吧同餐湯提供，𝗠𝗮𝗶𝗻 𝗖𝗼𝘂𝗿𝘀𝗲就揀左兩款加兩款甜品🍮⁣⁣🥗自助沙律吧𝗦𝗲𝗹𝗳-𝘀𝗲𝗿𝘃𝗲𝗱 𝗦𝗮𝗹𝗮𝗱 𝗕𝗮𝗿⁣沙律吧嘅菜同𝘀𝗮𝘂𝗰𝗲好多選擇，完全唔馬虎！🫕自助精選餐湯 𝗦𝗲𝗹𝗳-𝘀𝗲𝗿𝘃𝗲𝗱 𝗗𝗮𝗶𝗹𝘆 𝗦𝗼𝘂𝗽⁣今次係南瓜忌廉湯🎃超𝗬𝘂𝗺𝗺𝘆！⁣🍽1️⃣<菠菜芝士意大利餛飩配黑松露忌廉汁 𝗥𝗶𝘀𝗼𝘁𝘁𝗼 & 𝗦𝗽𝗮𝗻𝗶𝘀𝗵 𝘁𝗼𝗿𝘁𝗲𝗹𝗹𝗼𝗻𝗶 𝗶𝗻 𝗯𝗹𝗮𝗰𝗸 𝘁𝗿𝘂𝗳𝗳𝗹𝗲 𝘀𝗮𝘂𝗰𝗲>⁣菠菜芝士嘅餡好濃郁，啱啱好唔會有好膩嘅感覺，個汁好香好滑，好味😋😋😋😋⁣⁣🍽2️⃣<炭燒紐西蘭西冷牛扒 𝗖𝗵𝗮𝗶-𝗴𝗿𝗶𝗹𝗹𝗲𝗱 𝗡.𝗭. 𝗕𝗲𝗲𝗳 𝗦𝘁𝗿𝗶𝗽𝗹𝗼𝗶𝗻>⁣好濃烈嘅炭燒風味，炭燒格仔網紋盡現大廚心機，𝟱成熟嘅粉紅色好靚，配上燒汁同雜菜薯蓉伴碟，認真不錯💪🏻大滿足🤩⁣⁣🍽<蘋果撻 𝗔𝗽𝗽𝗹𝗲 𝗧𝗮𝗿𝘁>⁣份量大，蘋果薄片密密麻麻排起香脆酥皮底上面，甜度同蘋果香好𝗕𝗮𝗹𝗮𝗻𝗰𝗲，加上雲呢嗱雪糕，一冷一

餐包配的牛油果醬跟麵包很搭配，脆皮麵包非常開胃香蒜薯蓉焗田螺，啖啖肉配香滑薯蓉，味道濃郁，口感豐富，甘香軟滑的螺肉滋味非常。煙三文魚薄餅，火箭菜、煙三文魚、芝士拉絲、特製醬汁配搭出色，脆邊的薄餅像小食般香口，吃多兩塊也可以😋香辣茄汁魷魚墨魚汁意大利麵，黑黑的墨魚汁配搭鮮紅的辣茄汁味道有驚喜，酸辣鮮甜的，非常開胃。魷魚也毫不吝嗇，份量頗多。這杯美人魚🧜‍♀️由橙汁、芒果汁和七喜調配，入口清新脱俗，消暑解渴😬以蘋果撻作結，啖啖果肉和焦香酥皮，塗上雲呢拿雪糕🍨二人分享剛好，大滿足🥰❤️

今日去咗同事之前介紹嘅一間隱世高質西餐廳，位於牛頭角站附近嘅一幢工廈。由於呢間餐廳係一樓，所以直接行樓梯上去就ok。比較方便。餐廳環境幾大，所有枱都有隔開左1.5米嘅距離，冇咁大壓迫感，令你坐得更加舒服。我同朋友分別叫咗兩個lunch set，一個係菠菜芝士意大利餛飩配黑松露汁，另一個係炭燒紐西蘭西冷牛扒，lunch set都會配上餐湯、沙律同埋餐飲，抵食。另外，我哋仲嗌多咗份甜品，係蘋果撻。炭燒紐西蘭西冷牛扒 （$168）一上枱已經聞到好香嘅牛扒味，牛扒有靚靚炭燒紋，肉質唔會韌。由於我嗌左五成熟，完全冇見有任何血水，而且佢燒得火喉啱啱好，肉身依然係粉紅色。廚師只以鹽同黑椒簡單調味，但味道已經好夠，唔使刻意點汁都夠晒味！再者，牛扒配上牛油薯蓉，薯蓉應該另有加入芝士，而且有啲薯粒，有驚喜。菠菜芝士意大利餛飩配黑松露汁 （$118）菠菜芝士雲吞有好多粒，佢係細細粒嗰種。每一粒入邊呢都包左好豐富嘅芝士餡。而黑松露汁香濃稠身，會有松露菇菌味。羅宋湯羅宋湯好足料，每一啖都係有好多雜菜粒，味道濃郁，呢個羅宋湯絕對係成個餐嘅一個好開始！自選沙律沙律本身可以任添，係自選沙律吧。但因為疫情關係，所以餐廳

連續兩個星期和好友在上班日吃午飯，就是快樂無極限! 今天在她公司附近的Non Kitchen用餐，她的公司曾在這裡開週年會，一早已向我推薦過這裡的食物，這次便來吃個半自助午餐。餐廳位於接近牛頭角站的工廈，工廈其中一個入口上樓梯至1樓便到，室內天花懸掛星星、球體燈飾，這佈置跟快到的佳節氣氛甚匹配。餐廳環境大，全為4人座位，桌子間有足夠距離，出入取食物頗方便，當然也方便店員穿梭。每人點了一個餐後便可自行取沙律、餐包及餐湯。無限任取沙律對喜歡多吃菜的人如我是佳音，而沙律選擇不少更是值得推薦的賣點，補添速度亦理想。正餐以外還點了最近愛上的蘋果撻和好友喜歡的心太軟，想不到擺盤也不馬虎。最後還是要謝謝店員的親切態度，滿場是客也不忘有禮，特別喜歡長髮帶點綠染的女店員! -#自助沙律吧 以個人認識的品項，沙律包括羽衣甘藍、羅馬生菜、火箭菜、紫椰菜、菠蘿、青瓜、小番茄、西蘭花、椰菜花、水牛芝士伴番茄、馬鈴薯等; 醬料有黑醋、橄欖油、千島醬、花生醬和羅勒青醬。餐湯應是雜菌馬鈴薯，馬鈴薯磨成粉，喝下不算濃稠，馬鈴薯味較出眾; 餐包則有甜的和鹹一點的芝麻包，軟綿綿的。個人十分喜歡這個沙律吧，我絕對可以只叫A餐

香港是一個獨特的地方，人口多、地方少，所以衍生了不少特色的樓上或工廈餐廳。原是工業區的觀塘區，亦慢慢演變成一個新舊融合的商業區域，大量食肆出現在樓上的工業大廈，吸引到不少區內工作人仕光顧。這間餐廳位於工廈的一樓，佔地全層，地方寛倘。他們的午市套餐價錢吸引，加上有自助沙律吧和餐湯供應，性價比甚高。自助沙律吧👍👍👍👍自助沙律吧有多種新鮮蔬菜，每一款都以有蓋盛器載著，確保衞生，加上客人要戴上口罩才可取食材，令人食得安心。自助精選餐湯👍👍👍👍是日的精選自助餐湯是羅宋湯，還有兩款餐包無限量供應。燒香草羊卷肉 （HK$148)👍👍👍👍薄切的羊卷肉烤至邊位香脆並帶點焦香，裡面的肉質還保持鮮嫩。下面一層的什菜薯蓉，調味剛好，亦令到整個菜式更豐富。茄汁海蝦天使麵 (HK$128)👍👍👍👍五隻海蝦既大隻又爽彈，天使麵入口還保持少許彈性，酸酸甜甜的茄汁十分清新，令人胃口大開。蘋果撻（+HK$48)👍👍👍👍👍一片片薄薄的蘋果片舖在酥皮上，加上一球清新的青檸雪糕，多重口感和味道，怎不叫人心動。朱古力心太軟（+HK$48)👍👍👍👍經典朱古力心太軟配上一球雲尼拿雪糕，加上少許什果令甜品加添果香。咖啡👍👍👍👍最後來一

疫情期間出外用餐，偏好會選擇餐枱分佈距離寬闊的餐廳，工廈地方比較寬敞，加上週末人流減少，所以這晚就來到位於牛頭角隱世工廈內的Non Kitchen吃晚餐。內裡空間極盡寬敞，枱與枱之間保持一定距離，完全沒有侷促感。裝修簡約不落俗套，氣氛閒適，仿如漫天星空的佈置，別具浪漫情調。餐牌選擇繁多，有小食、沙律、湯、主菜、薄餅、意粉及甜品等。點菜後，侍應就會奉上烘得暖暖的餐包拌以蒜香味牛油。意大利芝士條 $88炸物小食都是即叫即炸熱得盪口，芝士條炸得外脆內軟。一拉開就見到內裡注滿半溶拉絲Mozzarella芝士，滿口都是奶滑芝士香，芝味無窮。炸魚薯條 $108想不到原來一碟份量也不少，足夠兩至三人分享，炸魚脆漿加入啤酒，因為啤酒是充滿氣泡的液體，可以讓粉漿變膨鬆，炸起來就會特別鬆脆。吃前滴上檸檬汁，口感會更清爽也能消除滯膩，特別醒胃。從橫切面也可看到金黃的外皮十分輕薄，咬下去口感特別酥脆，裡面包著嫩滑雪白的魚肉。厚切薯條連著薯皮炸得金黃酥脆，保持乾爽不油膩，肉心軟綿細密。菠菜芝士意大利餛飩配黑松露忌廉汁 $118醬汁調較得香滑濃稠，讓每顆意大利餛飩入口更奶滑，散發濃濃的松露菌香。餛飩麵皮口感滑身帶