Non Kitchen

營業中

休息中

好耐無去觀塘Non Kitchen食飯，今日心血來潮，所以決定收工去嘆返個美味嘅晚餐。亞拉斯加蟹肉牛油梨塔依個係我好喜歡嘅一個沙律菜，不但只外表美觀，美道亦相當唔錯。蟹肉、牛油果、番茄粒等味道完美配合，再加上魚子醬，帶入海洋嘅氣息。果一少少嘅咸味、更加突出蟹肉嘅鮮味。鮮蜆意大利扁麵廚房似乎落錯咗意大利麵唔係扁麵，不過因為唔想浪費食物，所以都無同餐廳講到。蜆都落得幾多嫁，個汁微辣，同鮮蜆好夾，越食越開胃。黑松露野菌薄餅上枱嘅時候，完全feel唔到黑松露嘅味道，反而係一陣黑醋嘅香味，心諗：會唔會攪錯咗嫁？一食落，先發現原來黑松露醬收咗係芝士底下，咁樣反而無咗果種喺唔喺都用黑松露嘅反感。黑醋同黑松露都幾配合，兩者都唔會搶咗風頭，加上火箭菜同野菌中和返，成個pizza一啲都唔膩。蘋果撻依道係我喺Non Kitchen 最喜歡嘅甜品。薄薄嘅蘋果片鋪滿整個穌皮，再入焗爐焗得香脆可口。一面食蘋果撻，再一邊食上面嘅雲呢拿雪糕，雙重享受。破曉對於個名點嚟，真係無咩研究。依個係一杯咖啡、榛子同Baileys嘅飲品。Baileys令榛子咖啡味道升級、再加上雪糕，令飲品更順滑。