Noodies (已結業)

只有一小時的午餐時間，找了家快令正的餐廳吃車仔麵。牆上貼著現成的套餐，我們點完才發覺套餐更抵食！我倆都點了自選的車仔麵*自選($47)+喇沙湯底($6)+韓國拉麵+秋葵+手撕雞($3)喇沙湯底比起想像中不太辣，椰味重；韓國拉麵即是韓國的即食麵，麵條煮得剛好，夠彈牙；秋葵有三條，其中一條煮得不夠熟；手撕雞似是雞脾的部份，份量亦不少。不過麵底份量對女生來說剛好，男生可能要加底少夠飽了！*自選($47)+豬骨清湯+烏冬($5)+黑薯糕+八爪魚餅($3)朋友點的*是日精選($12)蘋果薑茶透明的不是白開水，而是即場用蘋果和薑煲出來的水。帶有少少的甜，和少少的辣。

去完薄扶林工作，梗係去西營盤食個lunch兼下午茶啦！每次行過呢度都會睇吓貼喺門口嘅訪問，次次都話好想試，擇日不如撞日，就今日試！細細嘅店舖只賣麵，而且唔係普通嘅麵，係有唔同風味嘅麵，連昆布麵、日本素麵、喬麥、馬來西亞手工麵都有，仲可以兩溝？！有創意！除咗豬骨清湯外，仲有較特別嘅冬蔭公及喇沙湯底，鍾意你夠特別！最基本嘅係自家制湯底+一款麵底+兩款自選標準餸=＄46；但好多有趣嘅湯底及麵款都要加＄5-＄20不等，第三個餸起標準餸+$6, 升級餸+$12冬蔭公 越南河 手撕雞 廣島蠔+$6 糖心蛋+$12=＄69冬蔭公湯底偏酸微辣，帶少少香茅味道，冇泰國餐廳嗰啲咁濃味，啱晒近排燥熱嘅紅魔鬼；廣島蠔外形唔算細，由於佢哋生於冷暖水交界，所以肉質會比較鮮甜，就算係邊位都肉嫩冇渣，第一次食麵有廣島蠔做餸，又幾好喎，下次可以去買啲返屋企試吓煮先！豬骨清湯 有機烏冬+$5 手撕雞 黑薯糕 糖心蛋+$12=＄63今日想食清淡啲，揀豬骨清湯啱晒喇，新鮮無味精，飲多幾啖；老闆娘話我碗麵好齋，叫我加啲炸蒜，當然我唔會只係加啲，而係成樽倒落去！炸蒜嘅質素非常高，冇油味而且粒粒分明，加咗落去之後簡直為成碗麵錦上添

除了上 “開飯啦” 揾食外, 睇飲食雜誌亦是一個好選擇, 前排坐在咖啡室看雜誌時, 讓我發現了它……一間很有特色的亞洲車仔麵店, 集合了星馬泰中日韓的風味, 有多款湯底和麵款任君選擇, 絶對是粉麵癡的喜訊, 雖然我只是魚癡和抹茶迷, 並非粉麵的愛好者, 但卻很喜歡試不同小店的自家湯底, 就是看中這裏的湯底, 一於走去試試。小店門面以黑色為主調, 大大個光管招牌高高掛在店子的正中央, 相當搶眼。客人站在外面可透過落地玻璃觀看到內裏環境, 眨眼看地方不大, 但骨子企理。門口則貼了一些教導, 亦有介紹不同麵款的配搭, 賣相挺吸引, 忍不住快快點一碗試試。內裏座位不多, 設有一排面向街外的單人位, 另一邊是一排 “L”字型的座位, 跟開放式的廚房, 全店約有14-15個單人位。以玻璃鏡作為兩邊的牆身, 一塊寫上小店推薦給客人的最佳組合, 另一塊則寫上是日精選, 務必細看, 總有驚喜。點菜紙枱上設備也算齊全, 有筷子、牙籤、兩款調味料、點菜紙, 再仔細看看, 還有一張小告示, 原來店子細心為客人準備紙圍巾和儲物籃, 可向店員索取, 的確湯麵汁較容易四濺, 有紙圍巾也不錯, 但帶上後有點似細路仔咁