Bella Shine (已結業)

今日跟朋友來個午餐小聚。半自助午餐包括一份主菜、任食沙律吧、餐湯、甜品和新鮮水果，還有一杯飲品。是日餐湯是蘑菇湯，以新鮮磨菇打蓉成湯，湯質細緻，健康味美。店員還送上芝士脆法包。任食沙律吧和新鮮水果，食材新鮮多樣。迷你甜品也有數款，我都吃了一遍 最喜歡味道清新的小泡芙和濃厚味道的巧克力小蛋糕。✨️ 蜜糖芥末燒豬肩扒配鳳梨他他蜜糖芥末燒豬肩扒帶來宜人的香氣。豬肩扒肉質嫩滑，軟腍多汁。配上鳳梨他他，為豬肩扒增添清爽，豐富了味蕾之餘，還帶點果香，襯托出豬肉的香味。還有軟滑的紫薯蓉，味道天然清甜。✨️ 香煎格陵蘭比目魚配白酒忌廉汁格陵蘭比目魚香煎至表面金黃，肉質雪白細緻，肉多刺少，魚肉豐厚嫩滑，味道鮮美。富香甜的白酒忌廉汁，增添味道層次。同樣以羽衣甘藍、甘筍和紫薯蓉作為配菜，健康又味美。☕️ 熱咖啡配搭熱咖啡的是加熱了的鮮奶，頗具心思，加入熱鮮奶更能增加咖啡的滑順口感。🍹 凍咖啡凍咖啡順喉不苦澀。以這個價格就能享用半自助午餐，值得再度來臨。

放假陪媽食好西，去左AＰＭ隔離大廈，餐廳環境唔錯，美食高質到你唔信。午市多款套餐吸引，價格都係一百蚊左右。有埋自助沙律、餐湯、水果和甜品，價錢經濟好抵食，一定會來多幾次。是日餐湯 - 蘑菇湯飲落菇味濃，粒粒蘑菇碎，唔錯。沙律菜好新鮮爽脆，配料多款選擇，都好好食。香煎格陵蘭比目魚扒配白酒忌廉汁 $118比目魚扒鮮甜超軟滑，表面煎香魚皮香脆，用鹽和黑胡椒調味。健康美味而且唔油膩。仲有羽衣甘藍和紫薯作為配菜，食完都相當飽肚。和風照燒汁烤菠蘿牛肉芝士漢堡 $108個包好軟淋，漢堡厚身好足料好有牛味，芝士溶了加上菠蘿和蕃茄，令到個包咬落多汁，提升了口感和味道，超級好食。連薯條都炸得香脆好食。甜品飲品

和朋友去觀塘考試，完成上午考試後，距離下午開考還有段時間，便找間cafe吃個午餐。首選的cafe需要排長龍候位，我們怕時間太趕而放棄。記起自己bookmark了Bella Shine這間cafe，便提議來試試，怕又要等位而立即在openrice訂位，並可享八折優惠。來到才知道lunch提供semi buffet。不用候位便能入座，絕對有足夠用餐時間。Lunch Semi Buffet包含每人一份主食，任食沙律吧、餐湯、甜品及水果，價格會按所選的主食款式而略有不同。主食價錢加$100，就是整份Lunch Semi Buffet的價錢啊～～甫進店內就會見到有一張長枱設在當眼處，雖然設有海鮮區，但不包括在Lunch Semi Buffet，只適用於「120分鐘牛扒放題」。沙律吧的選擇都算充足，有三款蔬菜、六款配菜、醬汁也有三款。蔬菜都算新鮮爽脆～～是日餐湯是蘑菇湯，質感較稀，奶味偏重，菇菌香不足。明太子煙肉忌廉汁扁意粉 ($78)，除了明太子和煙肉外，還有紫菜絲及芝士片，醬汁滿滿，份量足夠。可是一入口，味道好鹹完全不能感受到明太子與煙肉的鹹香，只是一陣死鹹。即使扁意粉夠掛汁，我倆也不太吃得下

人小小，安心食個半自助餐！講真疫情我唔太想出去酒店同一大班人食自助餐～搵到呢度有半自助餐～過下自助餐癮啦😆環境四正～坐入面有私隱，適合細聲講大聲笑🤣$305位，凍海鮮、沙律吧、小甜甜區、Movenpick雪糕、湯、仲有6款主菜無限任叫！6款主菜，嚟到發現係正常份量，哇食一份就飽咗啦～～想食齊六款就share好嘞～紐西蘭西冷牛扒：後面伴上紫薯蓉～so sweet~烤紐西蘭羊西冷配阿根廷青醬：肉腍唔夠蘇😆青醬點綴好味冬陰功雞柳意大利飯：意大利飯煮得剛好，有咬口，略嫌唔夠陰公，微辣開胃子薑菠蘿青口茄醬扁意粉：酸味味～Like! 成個味道好夾，有驚喜～蘑菇湯足料，菇味濃～入口粒粒蘑菇肉，開心❤️燒美國豬肩扒、印度天多利烤雞扒，呢兩款留待下次再試嘞～最後都要食埋個雪糕嘅！飽飽滿足🫶

同好友難得一齊放假，佢話呢間餐廳早去做折扣，所以約我一齊食，手1800左右到場，大廈在APM後面，位置都好易搵，門口係三廠走廊，門口裝修幾靚，入內裝修幾舒服，木紋加草皮，桌椅唔迫，最吸睛門口嘅兩組盔甲！朋友問清楚可以主餐牌散叫食物半價（用某apps)餐包（免費）蒜茸包烘得鬆脆，蒜味香微辣，好味！生蠔半打（$10/隻）生蠔較瘦，幾鮮有海水味，不錯松葉蟹肉沙律胡麻汁（$44/半價價錢）蟹肉絲多，加卜卜脆蟹籽，蔬菜片撈過胡麻汁，無澀味又濕濕地不失爽脆，好味！海膽醬燒龍蝦半隻（$64/半價價錢）賣相靚龍蝦肉嫩，海膽焗過無乜味，三文魚子新鮮，幾好味！（上枱比晒工具開蟹鉗濕紙巾，窩心）蒲燒鰻魚海膽忌廉汁扁意粉（$54/半價價錢）好大塊鰻魚，自己唔太喜歡食鰻魚，但呢塊鰻魚厚身燒到出晒油脂，醬汁入晒味，嫩滑好味（不過都幾膩口）意粉有咬口，醬汁薄身唔膩，加埋蘆筍同黃椒炒，爽口清爽，平衡到鰻魚嘅膩，好味！西京燒銀鱈魚配紅菜頭乳酪汁（$84/半價價錢）賣相好靚，鱈魚煎得好脆皮，肉質嫩滑唔腥，簡單灑啲胡椒鹽已好好味！墊底薯仔片稔口！紅菜頭汁上放滿蔬菜粒，新鮮爽脆！好好味朱古力餅、葡萄雪葩窩夫（$58）賣相好靚