Story Steak & Pasta (已結業)

剛在元朗收工，又唔想去Yoho食商場野咁貴！所以晌雞地周圍行下，睇下食乜好。行開元朗的朋友都知道雞地一向都多選擇，行過見到呢間叫Story Steak & Pasta，睇中佢個餐牌有得食肉醬千層麵，所以就走左入去。其實餐廳都有成27個款主菜食（佢寫1－28號餐，但唔知點解無21號的），而且小食加＄25蚊都可以轉做餐，所以都幾多選擇。主菜套餐包飲品的，加＄10重可以轉杯特飲。我就叫左自己想食的焗意大利肉醬千層麵同杯凍榛子朱古力。湯同飲品好快就到，有我濕濕個口先食晚餐。蘑菇湯有好多蘑菇粒，都幾香！凍朱古力就好香濃，都幾好飲。個焗意大利肉醬千層麵（＄98）就因為要即焗，所以要等多一等先上菜。不過等都值，個肉醬千層麵好足料，薯蓉同麵的份麵都唔少，食到我飽飽。肉醬芝士味十足，不稀亦不乾，入口即融！肉醬同麵層次分明，口感十分好。另外要讚的是千層麵配的薯蓉，平時出去食好多肉醬千層麵配的薯蓉都係會比較身體稀的；而餐廳的薯蓉十分足料，甚至我係食到有小薯粒的，配埋肉醬絕到可以成為另一道主菜。正今次試左pasta，下次再黎，應該真係要試下steak！ 

今日同朋友行街經過呢間店就入去試下，時間尚早店面冇乜人。我地叫左一個美國安格斯西冷牛扒，一個西班牙黑毛豬鞍架同埋一個水牛雞翼小食。每個餐都配一碗湯，餐包同埋一杯野飲，十分抵食。我地叫左一個南瓜湯同埋一個蘑菇湯。蘑菇湯都有蘑菇味，不過南瓜湯嘅味道就相對較為濃郁，覺得南瓜湯更好飲。餐包係蒜容包，包面好脆，十分好食。水牛雞翼係我十分推介嘅小食，雞翼味道辣辣地，底下仲配有沙津，十分好食。叫左一個5成熟嘅美國西冷牛扒，配薯蓉同埋有配菜。薯蓉配有醬汁，薯蓉十分順滑，點醬汁食十分好食。牛扒煎得好靚，肉汁豐富，好有口感，雖然望落唔係好多但其實食完已經好飽。朋友叫左個西班牙黑毛豬鞍架，配意粉同埋配菜。豬鞍架肉質結實，比牛扒厚身，配搭醬汁亦十分好味。不過相對之下我覺得牛扒更好食，多肉汁較易入口。今次野食真係好抵食，好推介！

今天，難得準時放工，與先生來到元朗Story steak and pasta餐廳，地點與形.點商場好近，十分方便！ 甫入到餐廳，就看到很多吊燈裝飾，閃閃發光的，很有氣氛！而座位則是軟墊式，坐得很舒適～ 先看menu, 有不同的扒餐及小食，還有飲品！ 我們點了五成熟的美國安格斯西冷牛扒+薯蓉、另配hot chocolate,以及點了黑毛豬+薯條🍟，另配凍檸水，還點了串燒水牛城雞翼！ 先呈上的是餐湯蘑菇湯，味道yummy 之後呈上的是蒜蓉包，脆卜卜的，good! 及後，呈上的是5成熟的西冷牛扒，一吃下十分香脆，這次是本人首次吃五成熟的牛扒（因先生極力推介），但竟然出乎意外地好味，肉汁多且軟滑～往後，呈上的是黑毛豬+薯條，不但份量多，而且呈上時熱燙燙的，加上肉汁多且可口，值得推介！最後，呈上的是小食串燒水牛城雞翼，雞翼帶有少許辣，適合愛辣人士。 最後，呈上兩杯飲品～ 整體來說，這裡的食物質素ok,而且價錢合理，每人約百多元就能吃到豐盛的晚餐，good!

已有一段時間未與女伴來到元朗晚餐，這次難得再來，當然要選一間好的餐廳才對得住我們。鳳琴街附近一帶一向匯聚了不少食肆，是晚餐的好地方，Story Steak & Pasta 便是其中一間，店外大大的餐牌吸引了我們的注意力，看到食物頗為合意，而且難得地不設加一，當然要試一試它。店內裝修簡潔而優雅，配合它西餐的格調，坐下不久我和女伴便點好了今晚的菜式。率先來到的當然是餐湯，分別是南瓜湯和蘑菇湯，前者的南瓜甜味突出，後者的蘑菇濃味甚厚，算是很不錯的餐湯。然後來的餐前小食-串燒水牛城雞翼十分惹味，把雞翼拆開後串起來，使得整隻雞翼燒得非常均勻，味道自不然好。期待已久的主菜之一-蕃茄煙肉辣肉腸長通粉看上去十分吸引，份量十足，鋪面的辣肉腸出乎意料地香脆可口，配上濃厚番茄醬汁的長通粉更是令人滿足非常。姍姍來遲的西班牙黑毛豬胺架配薯蓉未有令人失望，豬肉味道濃，配上黑椒燒汁可謂一絕，令人驚喜的是本來作為配菜的薯蓉居然煮得非常好，口感和味道亦是一流，遠勝普通餐廳的薯蓉。最後以清新的檸檬柚子茶和青蘋果氣泡茶結束了一頓豐盛的晚餐總括而言，餐廳從環境到食物均不錯，以西餐而言價錢亦不算貴，平均一人只需大概百五便足以埋

今晚和家人再黎呢條街覓食，被餐廳的裝潢吸引而走入黎，入到去同個舖名一樣，好有故事同好和諧嘅感覺。晚餐時間剛開始，同家人點咗兩個餐一齊食。餐湯有南瓜湯同磨菇湯，上面淋左cream，攪勻飲個質感好幼滑，而且好大碗！餐包係蒜蓉包，軟熟好味。我地仲加咗個去骨烤菠蘿雞中翼，新鮮燒好熱辣辣，juicy嘅菠蘿連埋雞翼一齊食好夾，底下亦有沙律，可以解油膩。主菜黎啦，呢個係焗意大利肉醬芝士千層麵，周邊圍滿薯蓉，內裡肉醬同千層麵比例恰到好處，酸甜度掌握得很好，加上溶了的芝士，每一口都回味無窮。另一個主菜係燒意大利式BB豬，我地叫左1/4隻，大概有5舊。家人對燒乳豬有研究，咬第一啖已讚不絕口，說實話真係燒得好好，外皮脆而肉質仍保持到嫩滑，而且咸度適中，配埋旁邊嘅蜜糖醋沙律好正。而個黑松露薯蓉份量成個湯碗咁大，超抵食，每一啖薯蓉都係黑松露味，食到勁飽。

大約晚上7點一入到間餐廳發現冇人，但坐耐左大概7:30 發現全場爆滿😱，最好訂咗位先去。嗌咗一個小食同兩個set dinner, 個薯蓉好大碟，焗得啱啱好，食起上嚟熱辣辣，又唔會好燶。跟餐送湯，個人來講比較鍾意飲南瓜湯，仲有好香牛油味嘅蒜蓉包😋煙三文魚pizza個底好脆，亦富有口感。個比目魚意大利飯，一上覺得有好香既芝士味，塊比目魚煎得塊皮好香脆，鹹鹹地，個南瓜汁味道較淡，飯質硬硬地，同食開嘅米唔同。總括來說，呢間餐廳啲嘢食大大碟，又一啲都唔貴，好抵食呀！

朋友多次提及黎呢間西餐廳…但轉過頭又遺忘了…今次終於記得啦…呢度既lunch set都算幾多選擇...唔只係一般既飯意粉...仲有pizza & burger…湯係另外加$ order...好足料…香菇味濃…依稀仲食到d菇碎…coffee用牛奶樽裝…幾特別…味道唔錯…呢碟比較齋同健康…雖然無咩料…但味道ok...飯軟硬適中…沙律一般…薯蓉都幾好味…豬鞍好厚肉…少少楷…整體食物ok…唯比得呢個價錢...仲可以有好多選擇…

話說呢間餐廳,去左3次,都食唔成,佢星期二係休息,開飯啦好似寫錯左,今次終於去試到了,叫了2個set,包餐湯,飲品,湯是忌廉蘑菇湯,幾有菇味,但少了一點,係冇面包跟 牛肝菌菠菜意大利飯,清清地,幾健康,也有香濃菜味板燒美國黑毛豬鞍架,啖啖肉,好厚,夠嫩,薯溶好滑,有味,汁料可能比錯,要了紅酒汁,出來有黑椒飲品比較特別,用牛奶樽的,夠凍,棒子咖啡唔錯,夠甜總結味道唔錯,服務尚可,企座位比較少,人流多