Story Steak & Pasta (已結業)

今日同朋友行街經過呢間店就入去試下，時間尚早店面冇乜人。我地叫左一個美國安格斯西冷牛扒，一個西班牙黑毛豬鞍架同埋一個水牛雞翼小食。每個餐都配一碗湯，餐包同埋一杯野飲，十分抵食。我地叫左一個南瓜湯同埋一個蘑菇湯。蘑菇湯都有蘑菇味，不過南瓜湯嘅味道就相對較為濃郁，覺得南瓜湯更好飲。餐包係蒜容包，包面好脆，十分好食。水牛雞翼係我十分推介嘅小食，雞翼味道辣辣地，底下仲配有沙津，十分好食。叫左一個5成熟嘅美國西冷牛扒，配薯蓉同埋有配菜。薯蓉配有醬汁，薯蓉十分順滑，點醬汁食十分好食。牛扒煎得好靚，肉汁豐富，好有口感，雖然望落唔係好多但其實食完已經好飽。朋友叫左個西班牙黑毛豬鞍架，配意粉同埋配菜。豬鞍架肉質結實，比牛扒厚身，配搭醬汁亦十分好味。不過相對之下我覺得牛扒更好食，多肉汁較易入口。今次野食真係好抵食，好推介！