Forkers (已搬遷) 新店位置

位於之前介紹過嘅#楚撚記 旁邊 呢間本身主打精緻西餐嘅小店 喺疫情之下亦推出咗外賣自取優惠 #🍎👧🏽見有8折就心郁郁試下🤓▪️虎蝦濃湯🦐 ($54.4)橙黃色嘅湯入面 真係有原隻蝦肉😋 雖然質地唔係杰身嗰種 但蝦味都好濃郁 睇得出落足料👍🏼 (⭐評分：6/10)▪️特選香料粗薯條🍟($30.4)最驚喜係呢個薯條😆 食倒落左黃姜粉 好惹味！意想不到嘅夾 (可惜再訪的質素略為遜色 偏乾身 可能翻炸過🤔)⭐評分：6.5/10▪️美國牛肩🥩 跟沙律 ($110.4)▪️西班牙棕毛豬肩胛🐷 跟沙律 ($110.4)牛肩嘅份量望落比較少 略嫌熟咗啲 肉質稍為硬☹️豬肩肉的肉質較為鬆軟 脂肪位置煎香後帶點爽口 比牛肩更好食👍🏼兩款肉都加咗黑醋作為醬汁 微酸 但略嫌調味不足🤔 (塊肉好似冇味咁) 要自己額外加鹽同黑胡椒 配菜的沙律🥗味道正常(⭐評分：牛肩 6/10 豬肩7/10)▪️炒虎蝦配油封番茄意粉🦐 ($78.4)▪️傳統博洛尼亞乾熟成牛粒扁意粉 ($78.4)(**外賣目前沒有意粉供應)呢兩款扁意粉份量都幾多 虎蝦意粉有勁多隻蝦🙀 加咗啲乾蕃茄 好香～熟成牛粒意粉 個名好長好勁咁 食落其實係似肉醬意粉🤣 味

土瓜灣的美食多籮籮要找一間高質素，服務好兼且性價比高就非Forkers 莫屬了！晚市套餐由$298起有不同種類選擇我們一行四人可以選擇不同食物！由頭盤到主菜我們既忙於食又忙於對老闆的服務與大廚的廚藝讚賞！頭盤是西班牙黑毛豬火腿36個月或48個月，兩款各有特式！個人比較喜歡48 個月因為適中又不過份油膩而且很配西班牙酒！至於餐湯我們揀了虎蝦濃湯，大廚有心思的製作味道可以媲美龍蝦湯！十分鮮味！另外我們加了兩款頭盤分別是香煎帶子加茴香沙律與西班牙辣腸蒜片蝦！這個西班牙辣腸蒜片蝦令我們四人讚不絕口特別配上紅酒更加是天生一對😉至於主菜絕不失色我們分別叫了法式油封鴨髀，新西蘭羊架，美國頂級肉眼！每道菜也令我們有驚喜特別是美國頂級肉眼！外脆內軟而且肉汁鎖住好有口感！老闆更介紹西班牙紅酒配羊架把味道昇華, 想不到的好味。餐廳有不同的紅酒白酒配對食物，老闆好細心的介紹而且酒的收費合理！另外配菜的薯條與沙律是無限添！薯條居然有卡樂B薯條味道！十分香口一條也沒剰！我們四人臨離開時已經計劃下次何時再來及試其他菜式！

有次偶然喺網上見到一個德高望重嘅食評家對《Forkers》嘅讚賞，身為土瓜灣之友，梗係要身體力行支持下小店。Forkers位於兩間《楚撚記》中間，西式嘅風格同走大排檔路線嘅楚撚記截然不同。餐廳樓面唔算大，大概20-30個座位到，不過枱與枱之間 其實都幾近，至少一定聽到隔離枱講緊咩。晚餐base係$298，包指定前菜、指定餐湯、指定主菜、任食配菜、甜品及餐飲。想配其他菜式呢，就要另外加錢。- #1 前菜 -西班牙黑毛豬拼盤不錯吃，配上四片多士份量唔算大嘅前菜另外可以 加$38改配橡果飼養前腿 (36-month dry-aged)／加$68改配橡果飼養後腿 (48-month dry-aged)- #2 餐湯 -是日餐湯唔駛加錢嘅是日餐湯 － 忌廉南瓜湯，飲到南瓜蓉，唔錯另外可以 加$68改配虎蝦濃湯蝦味好濃，隻虎蝦好大隻🍤 - #3 主菜 -主菜嘅份量都足夠，不過盛載嘅碟比較細隻，所以賣相so-so唔駛加錢嘅主菜只有「美國牛肩」一款，我哋兩個都加咗錢改配其他item西班牙棕毛豬肩胛 (+$98)西班牙棕毛豬以天然橡木果為主要食糧，唔使煮到全熟都食得。不過呢到就整得有啲太生，完全咬唔開。

好耐之前已經食過一次，因為念念不忘（個任食薯條同沙律），所以又一次返黎。今次黎到發現個menu唔同左，好似易睇左啲。我地叫左個兩個set share。西班牙黑毛豬拼盤：呢個拼盤之前食過，已經好鍾意，最主要佢個肉唔會覺得咸，感覺得出係好新鮮整出黎既，配埋個蒜蓉包真係好match。虎蝦濃湯：呢個之前未試過，朋友揀既係是日餐湯，咁係羅宋湯，我就想試佢個虎蝦濃湯，要加錢。個蝦啲肉好結實，同埋真係好大粒，店員教我地飲之前要用個粒蝦搞一搞個湯先，個湯堅係好濃蝦味，好飲。任食薯條同沙律：呢個係要refill嫁，任食既都好食呀。加拿大豬鞍排：個豬排好大塊，肉質都幾嫩。呢個唔錯。Crab Cake：會覺得個豬排只係唔錯，係因為比個crab cake完全迷住左。佢地落足左蟹肉，係啖啖都係肉呀，如果好鍾意食蟹既人(例如本人)，會好鍾意呢個cake。芝士蛋糕：呢個芝士蛋糕又係好好食，佢係跟餐既，細細件，唔會覺得罪惡。overall最鍾意係個crab cake同埋個虎蝦湯。