台灣麵 (已結業)

經過始創中心,見到呢間有個好特別既雙排雙格餐,1個價錢就可以食到2個主食,岩曬鐘意試新野既我.地方好寛闊,坐得幾舒服,我叫左紅燒牛肉麵拼蒜香雞翼肉燥飯,蚵仔煎,&鳯梨綠茶沙冰.紅燒牛肉麵拼蒜香雞翼肉燥飯,隻碗好特別,分開2格,每格分量都好大, 紅燒牛肉麵,湯底微辣,紅燒味濃厚, 麵質粗身彈牙,有咬口,有D似手工麵,牛肉厚身,肥瘦適中,肉質軟淋,吸收左紅燒汁,好入味. 蒜香雞翼肉燥飯, 蒜香味濃,外皮香脆,又唔會乾身,好好食.蚵仔煎,蠔都幾大粒,唔會腥,唔會太厚粉漿,加上秘製醬汁,甜甜地咁,好好食.鳯梨綠茶沙冰,有新鮮鳯梨肉,冰冰涼涼,酸酸甜甜,消暑一流,特飲跟餐都係加9蚊,好抵.

今日同朋友去旺角行街，經過始創中心，見到附近好多賣台灣飲品的舖頭，醒起始創中心地庫有一間食台灣食物的舖頭，可以食午餐之餘，又可以坐得舒舒服服飲台式飲品，就一於幫襯一下。星期六的下午原來都有午餐供應，亦有單點菜單，無論食物種類定飲品種類都唔少。我們叫了一個紅燒牛肉麵餐，牛肉湯底濃厚，帶有香濃的牛肉湯味和微微辣味，台灣麵爽口彈牙，牛肉好大件，炆得軟滑入味。再叫了一個台式三寶麵餐，三寶有牛味重的牛𦟌，炆得好淋唔韌的牛肚和入味軟滑有骨膠原的牛筋，牛肉湯底和麵都同牛肉麵一樣。因為是套餐嘅關係，加$9就可以叫到一杯水果茶同加$4就可以叫一杯珍珠奶茶。水果茶酸酸甜甜，有好多生果，有橙、西柚、菠蘿、士多啤梨等，好豐富好清新。珍珠奶茶方面算是好正宗，奶茶不過甜，珍珠煙韌得來得軟淋，能坐下慢慢享受實在是幸福。 之後我哋叫了一個滷水雞翼及滷水溏心雞蛋，滷水好入味，雞翼都算滑，溏心都做到流心感覺。最後為食的我們叫了一份蚵仔煎，柯仔好大粒，煎得香脆可口，配上甜辣醬，好滋味。

今天在旺角逛街，經過了始創中心，看見有一間台灣麵，想起好像很久沒有吃台灣菜了！這間餐廳地方也很大，座位也不少。看見餐牌有一個雙併雙格餐，非常特別！就是一個碗可以同時滿足兩個希望，對於選擇困難症的我，表示高興😆叫了晚餐加$4便可以台式飲品，當然是叫我自愛的香芋奶茶，也可以叫少甜， 正合我心意。蚵仔煎也是我至愛的台灣菜！在香港很少可以食到正宗的蚵仔煎，這間的煮法絕對合格。終於來到主菜，我選擇了原味牛肉麵併香酥雞扒肉燥飯！牛肉及雞肉分別有兩件，這裏的肉燥不是太油，而且牛肉麵裏的肉非常滑及入味！份量也不少，而且一個人可以嘗試到兩個味道真的很特別。

今日同女人出開花園街買野，行完就去左始創搵食。間野喺地牢嗰層幾顯眼，好明顯就知係食台灣野，又唔係貴。都幾多枱，唔係坐得迫，所以好快有位坐。招牌生果茶，百香果茶做底，加左橙同檸檬落去，令到杯野甜得黎又酸酸地。寶島珍珠奶茶，女人話珍珠幾煙韌，奶茶好滑，唔係好甜幾好味。涼拌雞絲粉皮，滿滿的麻醬撈埋爽口既青瓜同粉皮，一啲都唔漏好好食。金銀蒜炒白菜仔，啲蒜炒完幾香好入味，菜炒得幾淋身。蚵仔煎，食落真係好似台灣既質感同味道，韌韌地唔黐口，醬都係同當地差唔多味，只係無用菜做底~紅燒牛肉麵，湯底香濃又有少少辣，肉質腍得黎又幾有嚼口，麵條亦都幾煙韌。

同fd約左食lunch，佢話想食台灣嘢，於是揀左嚟間新開又多分店的‘台灣麵’門面同店內位置也很大，所以坐得很舒服仲有vip房，可供訂坐坐底後同友人相討，一人揀一個午餐再另加一個小食紅燒牛肉麵-微辣，不吃辣的人也可，而且湯底味濃，我重口味覺得好正，牛𦟌肉亦超淋蚵仔煎-我真係覺得好正，因為我第一次係香港食到台式蚵仔煎，通常係香港其他地方都係潮式，好少有台式，令我回想起去台灣之旅當時台灣嘅味道，內軟而煙韌嘅口感再配配上酸酸甜甜嘅醬汁，以為自己係台灣香酥雞排肉燥麵-湯底本身很清，但配合肉燥，味道剛剛好，雞扒香脆，當小食吃也可酥炸花枝丸-外面薄薄的脆漿包裹著脆口彈牙的花枝丸，口感非常豐富，再加配上專用醬汁，令鮮味再提升椰香胚芽奶露-很重的椰奶香，配合大量胚芽，好味有益又有營養，朋友都話正珍珠奶茶-不像外面街鋪買得珍珠過甜，有清甜的珍珠配合濃厚奶味的奶茶，配合得天衣無縫

太子咁多間餐廳唔知食咩好，行街比我發現咗一間台灣麵，之前都吾覺有，應該係新開。七點半入去唔使排隊，正 🍀 lucky。開動🥢🥢🥢荔枝茉莉沙冰我點了少甜，都好好飲，清清地又有果香味，沙冰上面裝湯滿了荔枝肉，見到都覺得開心🥳重點推介這碗台灣牛肉麵，啲湯超甜，麵有咬口，牛肉都算入味。D湯真是正👌🏻👍🏻👍🏻👍🏻墨汁花枝香腸👍🏻👍🏻👍🏻要推薦比大家，特別好食有口感，而且好香口🥰🥰🥰蚵仔煎口感彈牙有嚼勁，蚵仔仲有大粒🐷一共先食咗二百幾蚊咋，份量都算多。我地都食到好飽。