韓珍 (帝國中心) (已結業)

本人勁中意食韓國菜，之前同同事食過一次lunch，覺得唔錯，於是今次帶埋朋友嚟食晚市。🤤🤤🤤我哋叫左鐵板小章魚五花肉、豬手、醬油蟹、生牛肉、蛋卷。一入嚟店員就會上小菜，泡菜偏酸，其他嘅豆芽菜幾好食，個鵪鶉蛋食落似鐵蛋，就唔太啱我哋口味啦😅第一道上嘅係生牛肉，我同另一位友人都中意冒險食生嘢，所以叫左嚟試。將蛋黃篤穿，蛋汁混和牛肉同梨，一啖食落口感似平時食嘅吞拿魚刺身，冇乜令人好怕嘅牛腥味同血味，反而芝麻油味同梨嘅甜令碟生牛肉好加分，唔錯👍🏻👍🏻👍🏻然後係醬油蟹，我係香港都搵唔到好食嘅醬油蟹，上次仲係間香港幾出名嘅韓國餐廳食到未退冰嘅醬油蟹….今次都抱持一試嘅心態再食醬油蟹，今次隻醬油蟹好好食，係我多年前係韓國食到嘅味道，非常多膏，個醬油係偏甜，蟹肉都鮮甜，撈飯一流！👍🏻👍🏻👍🏻個豬手整得幾好，肥瘦相宜，脂肪嘅部分唔會令人覺得好油膩，反而有啲彈牙，烤過嘅香味都幾明顯，瘦肉都唔會柴，用生菜蒜頭包住食好正！👍🏻👍🏻👍🏻係個蝦醬太鹹我唔識欣賞😂😂😂雞蛋卷我覺得一般啦，一開始我哋以為係厚厚嘅雞蛋卷，但原來係蛋皮包住生菜等配料，口感係豐富，但個人中意厚實嘅蛋卷多啲。然後係朋友中意嘅鐵板烤小章魚五花肉

耐冇食過韓燒，所以就嚟到呢一間係尖沙咀帝國中心嘅韓珍。之前有朋友介紹過，仲要係由韓國人主理，相信質素都唔差☺️ 當日七點幾去，幾旺場，仲見到有唔少韓國人食。餐廳抽風系統幾好，唔會有好大陣油煙味，座位都幾寛落。前菜韓珍有好多前菜，有六小碟：魚糕、泡菜、辣醬魷魚、茄汁腸仔、雜菜、沙律，六小碟可以refill😍 同埋生菜(叫燒肉送一份)。我最鍾意食辣醬魷魚，佢唔會太辣，有濃郁蒜頭味😆，仲有啲芝麻調味，魷魚爽口，好好味，我仲refill咗碟。蜂窩五花腩 $150五花腩腩肉層次分明，可以見到有一層脂肪一層肉。餐廳特意割到蜂窩紋，燒起上嚟就更加靚同多脆邊😛。我會建議五花腩燒耐少少，等啲肥膏燒到脆香，入口仲帶啲溶化感覺。雖然五花腩無特別調味，不過本身嘅五花腩已經好香口夠肉味🤤，撈埋生菜一齊包住食，就冇咁肥膩。特級牛肋骨 $250牛肋骨好靚，油脂分布都好均勻。餐廳同樣割咗一條條嘅坑紋，令牛肉更容易咬。我覺得呢份牛肋骨份量都幾大份同厚身。店員好好人咁介紹咗我點樣燒牛肋骨，佢提議我原塊牛肋骨鋪喺爐頭上燒，可以保留返牛肋骨入邊啲肉汁。燒到大概五成熟，之後先再剪細。牛肋骨冇特別醃製，所以我就點啲麻油、鹽，突出

好耐冇食過韓燒啦，一於上網搵間正野食下佢！見到呢間既燒肉拼盤好似好正咁，所以就黎試下！由於位置在尖東，附近有不少酒店，吸引唔少旅客光顧！看過餐牌點餐後，店員為我們送上不少前菜，泡菜、酸瓜、蛋餅等！而蛋餅內有芝士，特別惹味！八色珍味拼盤，這款拼盤上網睇的時候已經覺得好惹味，果然大家都冇講錯！拼盤包括雪花肥牛、牛舌、調味烤排骨和調味烤裹脊，當中牛舌爽口，雪花肥牛肉質鬆軟，烤排骨當中辣味最為惹味，再用上附有的生菜及生蒜包埋一齊食，更加fresh!這個拼盤兩個人真的會幾飽！醬油雞肉，因為已經調味，所以基本上也不用再點醬已經有味！雞肉肉質嫩滑，味道惹味！蜂蜜梨汁生牛肉，係香港唔係間間韓國食店都有生牛肉，而這裡的生牛肉唔會出哂血水，拌上蛋黃汁和雪梨肉特別清新！Fruit Ade(grapefruit)，飲品帶有西柚味，加上有仔，用黎送燒肉最好不過！Soju Rita(blue lemon)，這款由於用上燒酒，酒精濃度都幾高！檸檬味稍稍緩和燒酒的味道，令飲品很易入口！這間餐廳食物質素高，而且服務也很好，見到鐵板有少少燶面都會主動幫忙更換，回頭值高！

今晚約左3個食肉獸朋友去尖沙咀食晚飯，見到呢間韓珍d 五花肉大大件好吸引咁，就當然要食下啦點餐後侍應隨即送來各款精美韓式泡菜及沙律蛋薄餅呢一份蛋薄餅雖然係送既，但做得一d 都唔馬虎架，蛋香味十足蜂蜜梨汁生牛肉 - $180食完少少泡菜之後，就食個頭盤先，呢款生牛肉混入左麻油同生雞蛋，口感非常嫩滑，拌入新鮮青瓜同梨條，又爽又鮮甜美味四色五花肉+牛肉 - $675雖然呢度主要食五花肉，但d 牛肉一樣好靚架，有一小舊牛脂，燒熱塊鐵板之後放上去燙一燙，先食韓牛，雪花牛肉肉脂平均分佈，快速燒完一邊反轉再燒，keep住鮮嫩肉汁，燒至5成熟食，更嫩滑肉香無比。五花肉有多款口味，有咖哩有香茅有黑椒有泡菜味，肉醃得好入味，五花肉好厚身，好有飽滿感Raspberry Wine - $148, Plum Wine - $88食完咁多肉當然要回下氣，叫左2枝韓國酒，Raspberry 非常濃味香醇拌冷麵 - $88食番個冷麵過下冷河先😂麵質煙韌，辣醬香濃傳統炒年糕 - $120韓式辣醬非常惹味，配埋煙韌年糕，絕對係天衣無縫海鮮煎餅 - $150大大件又非常足料既海鮮煎餅，薄得黎又包得住d 海鮮餡料，而且蛋香味