Dodam Chicken (利舞臺廣場)

營業中

休息中

Dodam Chicken炸雞我嚟喇～！一到餐廳有店員打招呼禮貌好好環境都好夠大夠整潔乾淨😀同男女朋友或多人聚會都好合適枱與枱之間都有距離 傾吓密偈都唔怕🤫兩個人叫咗2杯野飲+2個主食1·蕃茄卡邦尼Rose炒年糕2·蜂蜜牛油脆雞（半份）3·藍莓乳酸Smoothie4·柚子乳酸Smoothie蕃茄卡邦尼Rose炒年糕夠大碟兩個人食非常滿足好夠飽味道都同蕃茄肉醬意粉好似如果可以再粉紅色啲會更吸引🌸蜂蜜脆雞最令我驚喜又係最好食😋呢個比其他連鎖快餐店/餐廳都好味淡淡嘅蜂蜜甜味 唔會死甜似食糖漿亦唔會食完要狂飲水 而且炸得剛剛好食落似焗到好脆嘅雞 好夠熱又夠嫩肉👍🏻兩杯Smoothie都好夠大杯柚子味嗰杯個味好突出非常好飲藍莓嗰杯好似食杯雪糕🍦飲緊仲會有啲柚子藍莓粒粒幾好口感另外推介大家試下食新出嘅火山麻辣牛鍋店員都話呢個好食推薦我但因為皮膚敏感不能食辣同牛肉所以冇試見隔離枱有叫 份量都好足聞到麻辣香味大家如果去食嘅話可以trytry佢啦🤘🏻

我的銅鑼灣朋友上次已經想幫襯，今次終於可以約到一齊去食雞，因為呢間食店經常多人排隊，所以我12:30p.m.上去攞位先，等朋友放飯時間上來就不用花時間等位。Lunch 時段可出去雪櫃取一份飲品，和出去大枱任食 Kimchi 和韓式炒粉絲。$70~原味烤雞，伴碟有沙律菜，烤雞賣相色澤均勻，好似影相咁靚，內裡肉汁豐富，味道也出色👍$72~蜂蜜牛油脆雞，伴碟有沙律菜，皮脆肉滑，牛油不太油，蜂蜜又香又甜，份量仲好多，今餐真係又平又好味又夠飽👍👍👍

諗起兩年前同朋友去韓國旅行，食完晚飯再去食炸雞做宵夜，一啖炸雞一啖冰凍啤酒，真係好開心而家無得去旅行，但其實香港都有好多好味嘅韓國炸雞食位於利舞臺廣場嘅Dodam Chicken，已經幫襯過幾次。餐牌上有好多款口味嘅炸雞選擇，除咗炸雞同烤雞之外，仲有雞蛋卷，芝士豬肋骨同年糕拉麵等等。全份蜂蜜牛油脆雞份量都幾多，大概有八件。炸雞外層酥脆，炸粉唔會太厚，表面沾滿咗蜂蜜味醬汁，食落甜甜地好好味。炸雞唔會炸得太乾身，雞肉嫩滑而且咬開入面仲有肉汁餐廳有提供膠手套，食炸雞一定要用手食先夠滋味另一款香蒜豉油脆雞，醬汁比較深色，本身以為會好鹹好重口味，但原來豉油係偏甜，有豉油香得嚟唔會太鹹，而蒜味都好突出，食落非常惹味，配埋冰凍啤酒一流總括嚟講炸雞質素高，價錢合理。而餐牌上有好多選擇，下次會再嚟試下其他菜式。

中午同朋友兩個人想食韓式炸雞，平時一份炸雞多數價錢唔平又太大份食到好膩，見到利舞臺dodam chicken有lunch set就啱晒我哋～我哋各嗌咗一個lunch set，分別係蜂蜜牛油炸雞同芝士熔岩泡菜飯😛炸雞份量午餐嚟講啱啱好，好有蜂蜜味，再配上沙律同蘿蔔，酸酸地好開胃👍🏻店員都提供夾、手套同放骨嘅筒，方便食客😆食完之後先發現原來好多款炸雞仲可以揀無骨，方便啲又想食又懶嘅人🐷芝士泡菜飯好邪惡，撈埋好好食😆溫馨提示一上到嚟就最好即刻撈，好似我同朋友放到食晒炸雞先撈就有啲啲困難😣全部lunch set都會包埋飲品，可以自己去雪櫃揀👍🏻最後埋單每人都係八十蚊，環境都唔錯，適合同朋友嚟食！

同屋企人慶生,就諗不如一齊去食炸雞,反正母親大人怎少去試新嘢。唔知係唔係做緊裝修關係,如果響後門入,都要兜少少路生上到去。餐廳環境算唔錯吖,可能因為平日夜晚,餐廳唔算full.我地4個人叫左4樣嘢,咁都唔算好過份吖!第一款叫左嘅係招牌甜辣芝士無骨烤雞,我食到嘅感覺係辣,有很大的一片芝士,做到拉司嘅效果,而雞嘅口感算是幾滑。而第二道菜就係芝士年糕拉麵,我覺得佢上枱嘅賣相唔係咁靚仔,同餐牌見到個樣有啲落差,唔知係唔係因為主打芝士緣故,味道同烤雞差不多,唔係咁特別。第三道菜就係 kimichi pizza, pizza 的口感頗鬆脆,尚算足料,但就沒什麼大驚喜,感覺就是同kimichi味道唔係好夾到。而最後一道菜就係蜂糖牛油脆雞,響咁多道菜入面我最愛的一道,因為可能係之前食左好多辣嘢,所以食番甜嘢可以緩和一下啦,肉感亦都算係嫩口。整體黎講,覺得如果想響銅鑼灣食炸雞,呢間都可以推介一下,因為環境都算清靜,而且食物質素都算不錯。如果大班人黎慶生也是不錯的選擇。

話晒呢間都係炸雞專門店，但炸雞真係唔出色囉，衝住炸雞黎嘅話，會好失望芝士雞蛋捲 $128全晚最好食嘅一道菜！雞蛋軟滑，包住小小流心拉芝芝士，芝士口感有小許煙韌，好似麻薯的質感，食多咗都唔覺漏👍🏻.😋：8.5/10.韓式海鮮煎餅 $138可以唔叫🙊餅煎得有點油膩，味道太淡，即使沾上辣醬都冇吊返餅的味道，味道冇層次可言.😋：4/10.芝士年糕拉麵 $158呢度菜永遠都令我流晒口水。辣度可揀，我哋揀咗小辣。年糕煮得夠腍夠煙韌，基本上全部食材都索晒個甜辣醬，好食！拉麵多返小小就好啦🤤.😋：8/10.韓式辣焗烤雞 $185說真的，佢哋嘅烤雞同炸雞都唔太出色。呢款係烤雞，烤得頗老，除咗外層有調味醬嘅味道外，內面d肉唔入味。.😋：5/10.蜂蜜牛油脆雞 $192炸雞處理得好過烤雞，肉質較嫩。同樣，入面嘅肉都唔入味。蜂蜜味唔突出，係甜，但唔似蜂蜜味，明冇😅.P.S.香港暫時最好食之炸雞係Gxxbxx Chicken！食過好幾次水準依然！...CP：6/10😋：6.5/10

難得的Girl’s day 好久沒有吃韓國菜所以大家決定要吃吃一入到店內 已經好似身處在韓國一樣門口由一位韓國女士招待 態度笑容親切而店內的大電視播放著不同的k pop 充滿了韓國風味韓國菜必定要點是炸雞！餐廳提供了不同口味 最後點了蜂蜜牛油脆雞一定要吃！！！ 超香的牛油味 經油炸後 竟然不覺得油膩 而且還可以保持肉的嫩滑 超讚另外不可缺少的人參雞湯絕對是材料充足 一鍋裡已經有兩隻超大的雞腿也是超嫩滑 還有 粉絲 香菇人參也算蠻多 所以湯超鮮甜朋友最愛的部隊鍋超大份 每人吃了一碗 還淨超多配料也是超多的 最愛吃午餐肉：）挺滿意湯的辣度 剛剛好喔 對它的辣味又愛又恨最令我最驚喜是韓式手抓飯沒想到簡單的配料混起來是這樣配合朋友發揮個人創意 製造不同形狀的飯團 哈哈整體每一道都要超大份量我們4人都覺得超多 吃到捧著肚皮另外一提 餐廳好貼心提供wifi 位置相當寬敞 適合一大班人來

餐廳位置好方便，地鐵站一出行一兩分鐘就到入面環境幾大，好寬濶，啲燈喺一個個燈炮吊落黎，我幾鐘意哩個設計。成個感覺好有feel好有格調今次同朋友兩個叫左:韓式海鮮煎餅 ($138)蜂蜜牛油炸雞($198)益力多燒酒嘅雞尾酒($138)見到紅紅綠綠滿佈個餅就知道份量十足每一淡都食到海鮮而當中嘅海鮮有蝦八爪魚青口分佈十分平均不得不提喺哩一個拌醬 將成個煎餅嘅味道提升因為佢喺一個醋醬 酸酸地 同個餅十分之夾 亦都令到成個餅食落好惹味煎餅份量十足 睇下幾厚舊舊海鮮 仲有佢嘅蝦喺爽口!!蜂蜜牛油炸雞 大家記得小心熱 佢喺新鮮熱辣炸出黎一咬落去唔小心啲都會辣親因為啲雞肉汁即使喺雞胸肉 都唔覺得鞋口 滿滿肉汁佢面頭嘅醬做得好出色 炸漿唔會過厚 食落唧時候蜂蜜牛油同雞肉溶埋一體 炸卜卜會忍唔住食完一舊再一舊兩個人大食啲先食得晒 因為份量都好多下!YAKULT COCKTAIL SOJU相信佢喺跟咗韓國人嘅口味因為普遍食開嘅韓國餐廳嘅cocktail都得冇咩酒味令人驚喜嘅呢次竟然燒酒味幾出 益力多味都夠唔會話一味得益力多味!!唔錯唔錯一jar大概有四杯滿!

openrice 網上預約 有優惠 有里數，加上好想食炸雞，於是訂咗Dodam Chicken 試一試。雖然話食雞，但係佢d薄pizza 都幾出色。Margarita pizza,芝士足，服務員還很有禮貌地說：親熱食芝士最軟熟很貼心味道很好另外，試了蜂蜜牛油脆雞本身可以選跟窩夫，但份量會很多，有一隻雞窩夫唯有等下次了這個炸雞很出色外面的蜂蜜汁甜度適中，脆皮很脆，沒有因為上蜜汁而變軟。肉汁很多，肉質也很好。服務員回應快，服務好。整體而言，是很滿意的用餐體驗。