Dodam Chicken (利舞臺廣場)

營業中

休息中

諗起兩年前同朋友去韓國旅行，食完晚飯再去食炸雞做宵夜，一啖炸雞一啖冰凍啤酒，真係好開心而家無得去旅行，但其實香港都有好多好味嘅韓國炸雞食位於利舞臺廣場嘅Dodam Chicken，已經幫襯過幾次。餐牌上有好多款口味嘅炸雞選擇，除咗炸雞同烤雞之外，仲有雞蛋卷，芝士豬肋骨同年糕拉麵等等。全份蜂蜜牛油脆雞份量都幾多，大概有八件。炸雞外層酥脆，炸粉唔會太厚，表面沾滿咗蜂蜜味醬汁，食落甜甜地好好味。炸雞唔會炸得太乾身，雞肉嫩滑而且咬開入面仲有肉汁餐廳有提供膠手套，食炸雞一定要用手食先夠滋味另一款香蒜豉油脆雞，醬汁比較深色，本身以為會好鹹好重口味，但原來豉油係偏甜，有豉油香得嚟唔會太鹹，而蒜味都好突出，食落非常惹味，配埋冰凍啤酒一流總括嚟講炸雞質素高，價錢合理。而餐牌上有好多選擇，下次會再嚟試下其他菜式。