餃子冰室

營業中

休息中

對住餃子--我真係0抗拒！就算山長水遠入到黎長洲，都係會選擇食餃子🤣雖然餐廳唔係好闊落，坐位亦唔多，等位都等左大約半小時，不過相信我！係值得架！ 今次我地2個人order左3樣野！1.黑白土匪餃子2.蜆肉芫荽餃3.腐竹洋薏米沙冰 整體上食物質素都唔錯👍特別係蜆肉芫荽餃，暫時係芫荽餃中嘅世一 同埋杯腐竹洋薏米沙冰，非常有gimmick, 而且簡直係夏天中嘅消暑飲品，飲完真係人都舒服哂！P.S 我真係好鐘意食餃子架！

清吓啲大假，就同老婆入嚟長洲宅渡假一下，點解揀長洲，因為都十幾年無入過嚟，睇吓變化有幾多，所以，專登請日假，星期五入，星期六走，諗住無咁多人，無咁擠逼。因為得兩公婆，都喺輕鬆自在遊，亦專登逛到2:00pm先食晏。「餃子冰室」一早就定好嚟試，一來睇見啲食評覺得頗有特色，二來餃子喺老婆喜愛嘅食物，而佢更喺長洲嘅人氣店。 鋪面就擺晒啲餐牌、食物相出嚟，既吸引啲遊人，亦讓等位嘅客人可以諗吓食乜，不過，今日喺閒日，又過咗飯市高峰時間，喺無人排隊，裡面仲有好多空位添。 裡面地方唔大，我哋被安排坐晌近門口嘅二人單向卡位，可謂自成一角。無行到入去，但目測估計都喺十多個位左右。環境比較昏暗，牆身貼滿好多食物相、餐牌……等等，而我哋個位，枱上擺咗個餃子模型同懷舊電話，後生一輩大多數都未見過，仲有自家製辣油同酸醋。既然喺以餃子為主打，菜式就以餃子搭配其他食物成為各款套餐，如酸辣湯、黑醬油雞飯、糖醋骨飯，而餃子更有成11款之多，標明全手工製、無添加，不過，未必有齊晒，睇睇門口個餃子剩餘數量牌就知邊一款仲有貨。 由於唔算多客，就算即叫即做，啲食物都算快嚟齊晒。我哋叫咗兩個餐，老婆鍾意食餃子，就點咗10隻餃子套餐