小欖燒烤樂園 (已結業)

說好的暴雨呢...點解會變左暴曬...既然咁好太陽，即刻約返個靚太聚會，至靚果位話想BBQ，我地就捨命陪君子啦！上次食過個個都好滿意，今次又再黎啦。雖然今日非常炎熱，但因為燒烤場係正海邊，所以場內有陣陣海風，唔會燒到出晒汗。洗手盆旁邊有幾張海報，設計得唔錯，懷舊又有風味。取食物既地方非常乾淨開揚，麵包蔬菜類自取，凍櫃食物有職員幫忙夾。設有小賣部，除左飲品雪糕，仲有d小玩具賣。今日賽車場有開，小朋友$50/20分鐘，賽道夠闊夠大，玩得好開心。食物依然保持水準。鴨腎夠爽，燒完都唔會乾。最愛豬頸肉，甜甜辣辣咁，肉質夠淋又唔太肥。豬扒雞翼都夠晒入味，小朋友就最愛墨魚丸腸仔。呢個真係必食，唔好慳個兩蚊，自家製蒜蓉包出面真係買唔到，非常香脆惹味，真係食到停唔到口，呢碟係一人份量黎架！錫紙燒粟米，粟米本身好新鮮，粒粒飽滿咁架，但好抱歉，我呢位地獄廚神冇睇火，就咁燒焦。包蜆連埋調味料，自己調教蒜蓉同鹽既份量，錫紙包住燒半小時就食得啦。隻隻都開晒口，蜆肉大大隻，又鮮甜，非常抵食，推介！原來仲可以book場開party，有獨立屋自家燒，仲可以跳彈床，啱晒小朋友開生日會。

天氣開始回暖，趁炎夏前約埋班好姊妹黎個全日燒，個個都有大有細，去自助燒烤場就最方便。今次揀左小欖燒烤樂園，早2年食過相當滿意，唔知keep唔keep到水準呢。燒烤場位於沙灘旁，佔地廣，環境優美，場內空間十足，乾淨企理，最令我驚喜係連洗手間都非常清潔。食物自助吧，有多款食物選擇，旁邊有小士多，出售飲品同小玩具。食物賣相新鮮吸引。我地加左燒烤網同夾，湊住小朋友，咁燒方便好多。蜆肉用加入調味料，用錫紙包住烤半小時，一打開已經鮮味撲鼻，全部開晒口，而且冇沙，蜆肉鮮甜多汁，絕對性比價高。食物水準唔錯，樣樣都好好食。粟米青椒等蔬菜類都好新鮮，而且處理得好乾淨。法包配上蒜蓉牛油（$2）隨便烤一烤就成為一道美食，蒜蓉牛油非常香滑，又唔會過咸，加上烤脆左既法包，結果係...我食左超過十塊，正！韓式五花腩，肥瘦適中，燒熟後油脂微焦，加上微辣既味道，味道比美韓燒店，仲要食多都唔覺膩。仲有雞翼同豬頸肉，我都非常欣賞，全部都醃得好入味，燒到外層微焦，內裡仍然充滿肉汁，非常juicy。場內有大空地，小朋友可以跑跑跳跳，大人就燒得更開心啦。環境舒適，店員非常友善，食物好似比上次黎更加美味，下次燒烤聚會，一定要再黎。

上星期日，爸爸媽媽忽然說天氣好好，好想燒野食，咁瞓醒都11點幾，根本就買唔切食材，人大了，好難再即興地約齊人，既然是這樣，我們就上網找找看，最後決定選了近我們家的小欖燒烤樂園！這個是包食物任燒的燒烤場，收費為每位成人平日/周日 $110/130人，入場包一支水及飲品券，開爐費$30 包碳兩包，當試過自己帶食物的話，這價錢也算合理。裝修有點遊樂場Old School 的感覺。在櫃臺付了錢，會即時每人派水一支及一叠券，包括燒烤用品，食物，開爐紙等。自己揀好爐，店員就會幫忙用火槍起火，不用再自己慢慢透火，雖然我記得Daddy 透火好叻！哈！旁邊是換領食物及用具的地方食物種類都幾多，大概有20-30款用具包括了蜜糖，燒烤叉，食物盤（銀色放生食），刀叉及碟，連紙巾手套也有供應，好細心！真正可以什麼也不帶哦！拎左第一輪食物，蔬菜只有翠肉瓜，粟米，青椒及茄子，肉類選擇比較多，說得出的也有供應喔！另外仲買左秋刀魚及蜆。我地開始了，識當然係燒腸仔（貪快熟！哈！）嗰日有啲海風，加上有上蓋的燒烤場，所以都幾舒服蜆肉可以用錫紙包著來燒，但我Daddy 決定就咁燒，不過燒野食就係亂黎～熟就得啦！同部隊鍋的原理一