囍雲天酒家 (已結業)

放工係觀塘碼頭附近行下，約左媽媽食晚飯，所以就搵左附近一間酒家食晚餐啦。地點雖然唔算近地鐵，都唔算難搵，反而環境清幽，方便一邊食飯一邊傾計，座位都好寬闊，坐得舒服。蜜汁叉燒皇（例牌）呢個不得了，本人最喜歡肥叉，蜜汁夠濃好入味！上湯龍蝦仔伊面 （$58x2)龍蝦仔肉質好彈牙爽口，好新鮮唔係雪貨，面底份量多到一個點，食唔晒要打包。晚餐想食多少少菜，揀左個金銀蛋莧菜，份量都係好多，用料足料。日式燒汁牛肋骨，肉質腍滑，燒汁夠濃味。蝦籽柚皮，柚皮真係好難煮，又要出水，泡浸，但呢碟煮得好入味，食落無苦澀味，上湯汁好濃好配合柚皮。最後仲有甜品椰汁糕送～整體服務唔錯，茶亦夠香～

很久沒有三人行，不是老爸有約，就是老媽唔得閒，所以好耐沒有三人一起坐埋外出吃飯，但今晚終於夾到啦，太好了！又可家庭樂。老人家最愛還是中菜，今晚就揀間酒樓吃頓豐富的晚餐。門口貼滿和擺放了大量不同類別的餐牌，咁多選擇，他們必定找到心頭好。走進內裏，左右兩邊均設有一排多張舒適的四人卡座，接着就有一個大型的水缸，養着不同種類的生猛海鮮，看來今晚必定大飽口福。轉個小彎就是一個大廳，環境光猛，鑲上一排排水晶吊燈，但並不俗氣，反而高貴典雅。大廳設有多張四至六人的圓枱,亦大有數張十多人的圓枱, 還可一間貴賓房，地方寬敞闊落，坐得挺舒適。枱上除了有本厚厚的餐簿外，還有一大疊菜單紙，有推介菜式、特價菜式、精選菜式等等，而餐簿亦分有燒味、精工小炒、青蔬、香滑煲仔、蒸扣、養生燉湯、煎炸、川菜廚味、海鮮、鮑魚、翅、燕膠參等等，選擇多到令人眼花撩亂，點好？又係時候開家庭會議，哈！***********************一坐下就有碟青瓜酸菜花生小吃($12)，青瓜 和酸菜 相當爽口，而花生就很香脆，味道酸咪咪，不錯的開胃小吃。揀了一壺香片($12/位)，味道甘香，舒喉解膩。******************