良記餐廳(老鳳冰室) (已結業)

今晚又來到「老鳳冰室」吃晚飯。脆皮德國鹹豬手伴薯角$98 （送例湯）很吸引，熱騰騰的咸豬手夠份量，外型又吸引，豬手肉甘香，味濃而不鹹，只是略嫌皮不夠脆，尚有少許進步空間，墊在豬手下有美味薯蓉和爽脆鹹菜，伴豬手還有香脆薯條、沙律菜和開胃麻醬汁，$98一客德國咸豬手伴薯角，只此一家吃得到呵！ 每次必吃芝士豬扒撈一丁$48 奉送半件厚多士，因為芝士迷說：「好食又抵食，點解要捨棄？！」 蜜焦薯仔牛柳飯$59，薯仔是「走過油」，特別香口，配埋蜜焦汁嫩滑牛柳片餸飯，個汁可以添多碗飯！豬扒包食$26，有醬汁和洋葱粗絲的豬扒包，包脆肉嫩汁鮮美！又一好食又抵食之選！有信件收，雖然係餐牌在信封內，但信箱信件都是我們生活的一環，有親切感！所以，值得我們安哥、安哥、再安哥.........   

星期日訓醒上openrice睇下深水埗有咩野食，食完順便可以去睇下玩具；Look下Look下睇到間叫老鳳冰室，便入去睇下d相同食評，見賣相都幾吸引，便同老婆出去食這間老鳳。 一去到有好多人在門外等位，我們大約等左15-20分鐘才有位；入到冰室裡，地方不大，坐位很窄，裝修很懷舊，還播著懷舊中英文歌曲，好似在電視裡看到70年代餐廳的情景，很有趣；靠牆邊的每張枱牆上掛左個信箱，原來是放餐牌用的，設計很有心思；欣賞完店內環境都係時候叫野食醫下個肚了！我們在等位時已諗好食乜，便即刻叫阿姐落單，點了不夠5分鐘便陸續上枱，效率好快。芝士豬扒撈一丁 - 豬扒好林，芝士勁多，好邪惡呀，但好好味，仲送一件芝士牛油厚多士，不過多士凍了，同埋無芝士味 (可能要自己點碟麵d芝士 ) 蜜焦薯仔牛柳飯 - 牛柳同薯仔都好林，醬汁甜甜辣辣，面頭還灑了芝麻，好惹味，側邊仲有沙律菜做伴碟。蝦多士 - 出面炸到脆卜卜，不油膩，裡面蝦膠好彈牙，點埋千島醬一齊食真係太好食了，還有一碟仔水果沙律。飛仔華田 - 其實只係普通茶餐廳凍華田，但經過心思設計，便成為一杯賣相吸引既飛仔華田，面頭加左舊cream, 脆脆片同一塊啤牌，塊啤

現在香港很多新開的餐廳都打著懷舊的風格來招攬客人，而今次試過的就是新舊交融的感覺，是在深水埗的「良記餐廳」。很多時都會來到這條街行行，除了是去附近的鴨寮街買東西之外，還因為這段基隆街有很多的隱世美食，不過有點傷感是對面的鴻發糕品已經結業，以前路過這地一定會見到鴻發糕品的阿伯坐在店門口這盤大眼糕的旁邊，有人購買時就用他這把菜刀切一些給人客，而他們也有很多特式的糕點，價錢更是十分相宜，不過最後也經不起時間的巨輪而消失，這些價廉物美的食店消失時心中都有一點的難過，行過這地時也會勾起不少的回憶。「良記餐廳」是在基隆街216號，這一段的基隆街相對於北河街街市旁邊這一段靜一些，因為不在街市旁邊，而這一段也有很多平價的食肆，雖然沒有汝洲街這一段這樣多食肆但價錢上都相宜一些，不過晚上來到這地時都有一點點的寧靜，在現今深水埗治安不太好的情況下路過時也要特別小心。餐廳的格局以懷舊的風格為主，牆上掛有很多六七十年代的圖畫，例如是一些廣告或是文革時期的一些畫，擺設例如是鐘和招牌等等都是以前上世紀產物的味道。加上不停地播放著六七十年代的中西流行曲，令人回到當時情懷感覺更加強烈，眼見有些的年輕人在餐廳內也能哼出這

今晚我們經過深水埗基隆街見到間「良記餐廳［老鳳冰室］」掛住張李小龍經典珍藏海報而吸引咗入去食晚飯！我們叫咗焗芝士海鮮保齡球、蜜焦薯仔牛柳飯、黑松露海皇炒飯、芝士牛肉濃茄湯通粉、芝士豬頸肉撈丁、台式肉燥鹽酥鷄扒飯同台式肉燥一字骨飯！焗芝士海鮮保齡球嘅賣相非常吸引，將個大包切開之後見到入面裝滿炒飯，夾埋一齊嚟食，令口感相當豐富！蜜焦薯仔牛柳飯嘅牛柳肉質好嫩滑，蜜焦汁嘅味道比較甜咗少少，但都幾惹味！黑松露海皇炒飯炒得鑊氣十足，加埋香濃黑松露，令到味道更加惹味！芝士牛肉濃茄湯通粉嘅湯底非常濃郁，他們嘅通粉係用扭扭通粉，口感好煙韌彈牙！芝士豬頸肉撈丁嘅豬頸肉肉質好鬆軟，芝士汁嘅味道亦好香濃！台式肉燥鹽酥鷄扒飯嘅鷄扒炸得好酥脆，肉質好嫩滑，肉燥嘅味道調教得恰到好處，唔會過鹹！