Goobne Chicken (荃新天地)

營業中

休息中

今天放假休息，同朋友三個人黎左荃新呢邊行下商場，一早就聽講呢邊有韓國嘅goobne烤雞分店，行完街趁人少唔洗排隊嘅時候就黎食啦。我地就比較喜歡韓國料理，佢地嘅韓國小食都幾多，本來想點埋炒年糕，但係專門黎食烤雞怕食唔落就無叫到。先點左一個果味蒜香烤雞，蒜香味好香，加上有點蘋果嘅清新味，超好食囉，而且一d都唔硬，入面雞肉係嫩架，我地兩個大胃王一下就食完啦。然後另外再點左個蜜糖咖喱烤雞，呢兩個菜單都是goobne人氣款，只係微微有d甜，反面咖喱香味好濃。上次同呀媽去吃goobne佢就特別鐘意呢個口味，而且係脆皮嘅口感好好。呀媽話呢個烤雞比炸雞健康，仲好食D。哈哈呢個韓式雞蛋卷每次都要叫架，做到同紫菜包飯一樣，雞蛋的口感是無得頂，雞蛋有種入口即滆嘅感覺。入面有黃瓜、蘿蔔、午餐肉、海苔等等 如果鐘意淡口味的直接吃就很好吃了，鐘意有D味道嘅可以點埋個醬食仲爽。我朋友叫左杯鯊魚之淚，上次去尖沙咀店就想叫啦，一直心掛掛咁。我點就叫左個藍莓特飲，新出的凍飲都無飲過，平時又比較鐘意食藍莓。味道都算OK，以為會好酸但其實甜甜地，加冰之後仲好飲。下次仲要黎試埋藍莓沙冰，個樣都好OK岩打卡架。反正三個人印食到捧

今日同家姐去咗荃灣行街，行到又累又肚餓，突然好想食韓式烤雞，去咗荃新天地嘅Goobne Chicken食晚餐由於五點幾，未到繁忙時段，餐廳客人未開始多，不用等位。另外餐廳一直播放著韓國歌，一邊聽音樂一邊食烤雞，好relaxing。家姐話要飲Somersby Apple Rita, 大大杯，一邊食一邊飲，好解渴而我就點咗無酒精飲品嘅柚子沙冰，很重䄂子味，很開胃，很好飲我哋見到有新野-凱撒沙律當然要試下，份量超大又新鮮，配上沙律醬同芝士粉一齊食，味道很清新，好fresh ，啱曬食烤雞前食。另外，我地點咗人氣韓式雞蛋卷，裏面有黃瓜，紅蘿蔔，芝士，餐肉同海苔，味道很夾，很好味，果然係best seller 烤雞方面，我地點咗蜜糖咖喱烤雞，啱曬唔食辣嘅我地，皮脆肉嫩，香甜蜜糖同咖哩味很夾，配上香脆可口嘅杏仁簿片一齊食，好好味。而且呢度d烤雞吾似炸雞咁乾身，一d都吾熱氣，肉質好Juicy, 超好食。下次我要同K先生黎食先，因佢超喜歡食烤雞，我都想試下佢其他野食同飲品呢

不少荃灣朋友都力推呢間烤雞，但人少要食韓式烤雞或炸雞真係唔容易，所以想試好耐都食唔到。於是我首次食反而係剛剛去濟洲旅行叫外送，叫咗佢最經典嗰款烤雞，坦白講有啲失望，只可以話係正常貨色不過不失，無朋友講到咁驚為天人。返香港後念念不忙都仲係想試吓荃灣店，想睇吓本地同韓國會唔會有唔同。食過好多次嘅朋友本來想試新出嘅芝士炸雞，但我驚又一次失望而回從此black list, 所以都係食佢食過好多永冇難食嘅蜜糖咖喱烤雞。$168，分量好足，二人分享有啲辛苦先食得哂。蜜糖係比平時BBQ蜜糖燒雞翼嗰隻稀身，盤底會有水狀蜜糖汁液。咖喱是卡樂B咖喱味薯片那種味，香而不辣，非常非常討好。雞肉保持濕潤。附送酸蘿蔔同黃色炸雞沙律醬，酸蘿蔔可以任添。因本身雞已非常夠味，所以點唔點沙律醬都無咩差別。賽果：香港完勝PS 呢度只可以坐90分鐘

係韓國返左黎一個星期 依然未回魂唯有搵啲韓野吊下命先啦放工見到goobne 即刻買返屋企慢嘆！都幾多款㨂 重多過韓國㨂左top3之一嘅蜜糖咖喱烤雞份量好大下喎 蜜糖沾滿了烤雞 咬一啖 勁juicy 再點一下咖喱 另一番風味重有我至愛嘅酸蘿白 幫手消消膩吞拿魚沙律又係勁大份 有蛋 車厘茄 青瓜不過唔知係咪餐廳俾少左沙津醬我 勁乾⋯宜架外賣重送隻杯 冷熱都得 岩晒放係公司用

早前同老友到訪過尖沙咀Goobne Chicken，嗰時嘅總結喺「烤雞的確唔錯，烤得出色，韓式雞蛋卷更深得我心，值得翻兜再嚟！」最近，從食友嘅食評得知佢哋有新店落戶荃灣，更喺小弟常出沒嘅區域，所以，約埋舊同事一齊嚟嘆番餐，兼傾吓來年去旅行嘅事，夾夾時間睇吓成唔成行，講旅行嘢就最開心，真喺傾到雞喙唔斷。因為有上次尖沙咀店嘅經驗，知道佢哋好人氣，超多人等位，所以，稍稍避咗最旺嘅午市，我哋1:30pm先過嚟攞位，不過，都要等10min先有位。由於餐廳晌商場中庭位置，超開揚，裝修主要以木系為材料，襯以白色為主調，光潔鮮明。較入嘅位置，更佈置成一個半開放式木屋，睇落又幾得意。但個人覺得，枱櫈嘅編排有點逼，其實，上次尖沙咀店都有此感覺。睇睇張紙餐墊，除咗荃灣新店，原來佢哋已經開到去馬灣，真喺估佢唔到！餐牌同樣保持揭頁式，印刷精美，圖文並茂，每款菜式都有簡單介紹。而主打嘅烤雞一共有12款供選擇（$140-$188），此外，仲有年糕、魚糕湯、鍋巴湯、雞蛋卷、雞爪、豬肋骨、沙律、雞串、豬蹄……等等。海鮮鍋巴湯 $190一份鍋巴沙啱唔好分到4大碗，不過，鍋巴就只得3件，老友讓我食一整件，先淨食煙韌而帶脆口

每次經過這韓式烤雞店都非常多人等位，之後，發現避開午市尖峰時段，2:30pm後來就可以不用等位就可以入座，所以，與朋友來一頓周末愉快late lunch。由於餐廳位處商場大堂，所以，地方大而開揚，一室白色襯淺木，感覺悠閒舒適。每張桌子已放有夾子、匙羹、叉子和膠手套，正好一齊也準備就緒了。先來一客特製雞蛋卷（$148），從餐牌介紹所見，知道以蛋皮捲着青瓜、醋醃蘿蔔、火腿、紫菜、芝士，清楚地看到蛋皮薄薄一層又一層的，可說是手工之作，一客分開為9件，吃下，蛋皮鬆軟，蛋香十足，餡料配搭令口感有層次，食味多變，蘸一點芝士醬，美味得無話可說。主打菜式烤雞隨後登場，之前參考了很多人的食評，似乎以蜜糖咖喱烤雞（$168）最受人歡迎，所以，我們也選了這一款烤雞，果然，沒有令人失望。雞件份量十足，每一口也是熱辣辣的，高溫烤焗令肉汁被鎖着，所以，雞肉嫩滑多汁；味道方面，蜜糖和咖喱的互相牽引，既有蜜糖的甜，又有咖喱的香，配合得宜，令我倆都喜出望外。烤雞還附上了一碟酸蘿蔔，可以平均一下滯膩感。Shark Blood Rita（$88）是事前想好的心水飲料，因為藍鯊的造型實在有趣，搶盡視覺。要了非酒精的，大杯足以

之前一直想試，見到荃灣開分店，可以唔洗去到旺角比較遠，但見到食評好怪同好少，不過試下都可以。可能沒多期望，食完後感覺得好好味。好滿足。粉絲蛋卷（唔記得正統叫咩），加埋醬好好食不過好難用叉拮黎食，d料好易散。蜜糖咖喱烤雞，值得推薦，真的不錯蜜糖甜甜配咖喱好夾，咖喱有少少辣但我唔食得辣既人都覺得岩岩好，超好食。雞又外脆內嫰，正。沙律，覺得普通，和外面食到差不多，唔建議食。題外話，這間可能岩岩新開，冇酒精飲品。烤雞最好配酒精飲品才滿足，希望盡快攞到酒精飲品果個牌吧。場內唔顯眼有個指示牌，可以係出面帶酒精飲品進場，記住keep收據，因隨時有咩野都係自己帶入黎，唔係關店事。不過最終都係問場內職員再確定生效與否。（今晚外帶酒精飲品到場，有keep單）