泰聚 (已搬遷) 新店位置

去開太子想食泰國嘢，打開openrice見呢度評價唔錯，即管試下佢啦！去到餐廳門口見到有牌寫住9點後入座有85折（套餐同飲品無折），當時已經8點45分，諗住喺餐廳門口等一陣，有職員出嚟招呼，叫我哋入去坐低等，態度非常友善。兩個人order咗3個餸+2杯飲品1）串燒沙爹（6件，可選豬、牛或雞各2串）：我哋揀咗牛同雞各3串，雞串肉質夠滑又juicy牛串有香茅味，但燒到有d乾串燒表面有椰汁，令到串燒更有泰國風味2）肉碎生菜包（可選雞、牛或豬）：硬係覺得生菜包係要配豬肉，細細粒肉碎再用咗好多配料襯托，夠辣得嚟又帶少少酸味，加埋生菜，成件事好fresh好開胃3）蝦醬炒飯：非常足料，重蝦醬味又唔會太咸，但炒飯唔夠乾身；另外有泰式臘腸、豬肉粒同青木瓜絲伴碟。泰式臘腸比香港臘腸甜口，幾特別；豬肉粒有少少似回窩肉，肉質同味道普通。炒飯食到一半左右發現“寶物”沉歸底，成個碟底都係油😱明白炒飯要落油，但都唔駛油浸飯吧？！終於明白點解個飯唔夠乾身，因為油多過飯...我哋食咗一半就放棄，呢方面絕對絕對需要改善！4）蜜糖檸檬沙冰：好清新，有蜜糖味又唔會太酸，食完油膩食物可以平衡一下，不過有好幾粒大大粒嘅冰未攪碎，

小弟一直係重口味同炸物愛好者所以東南亞菜一直係我至愛之一聽朋友講呢到既咖哩同炸物係一絕所以就黎試下果然冇令我地失望==============================因為係閒日收工過黎,所以都唔算多人,唔洗等就有位另外呢到地理位置都幾好太子站出黎一兩個字就行到黎唔洗捱肚餓鍾意重口同炸物既我揀左青咖哩牛腩同泰式小食拼盤(細)口味輕一點既女友就選擇左肉碎粉絲湯飲品點左蜜糖檸檬沙冰同原個椰青本身以為未必夠食上左台先發現原來份量都唔少,好彩冇再叫==============================不得不提既係青咖哩牛腩,因為真係超好食其實重口味既小弟本身對青咖哩係麻麻地所以本身係想叫黃/紅咖哩但女友唔鍾意太重口,所以就折衷地叫左青咖哩估唔到既係佢竟然同時滿足到重口同輕口既我地咖哩口感豐富,香茅等等香料既味道發揮得好好而且平衡都做得好好,唔會太重口同太淡所以先可以同時滿足到重口同輕口既我地本身唔太鍾意食白飯既我地都因為佢而食左唔少白飯雖然我地兩個都係鍾意食牛,而且其實佢D牛腩都幾靚但係我地兩個基本上注意力都放晒係兜咖哩到泰式小食拼盤(細)唔好見到個細字就以為好少其實2-4個人食都

平時去花園街食野食得多，黎呢到食泰國野都係第一次！成條街有好多錶位，方便揸車黎食既朋友仔👯 搵唔到錶位都可以喺門口將就double park，餐廳周圍都係落地玻璃，方便睇車👏🏿👏🏿我叫左泰味炒金邊粉同蜜糖檸檬沙冰，朋友就叫左泰式滷水鴨湯麵同夢幻藍蝶花特飲泰式炒金邊粉有花生粒配搭，加上啲金邊粉好煙韌，食得啖啖都好有口感！雞肉都好嫩唔會被人忽視左，個人覺得成個麵再辣啲就更正🤤泰式滷水鴨湯麵個湯底好正，似係肉骨茶再加左好多肉去煮既味，十分推薦大家試一下！夢幻藍蝶花特飲，聽落個名夠晒特別，原來係用青檸梳打黎mix既一杯野飲。朋友覺得飲落好清新同好有花既味道🌸蜜糖檸檬沙冰飲落個蜜糖同檸檬都唔出，覺得似柑桔味多啲，不過勝在夠大杯👍🏿無論兩個人定係一大班人黎食，呢間餐廳都好適合～ 順帶一提，佢個廁所真係好乾淨😻

好喜歡用香草製煮野食或沖野飲，今日朋友就專門陪我黎到花墟買香草，多數香草都係只係賣$15一大盆，好抵架。可以用好耐，食完又會再生返，精明嘅我梗係唔會去CDsuper買啦，好貴架。掃左幾盆香草，但阿姐話啲香草啱啱施完咩肥料咩剎蟲，要個幾星期後先適宜食用。隔黎條花園街好多餐廳，抽住幾盆香草去搵食，見泰聚地方幾大，泰國野又出名多香草香料，就入黎試下。裝修得好靚，好RELAX，好似去左間高級SPA咁。樓底夠高，感覺好寬敞冇壓迫感。因為喺街尾，人流唔算多，可以靜靜地食餐飯，又坐得舒服。先黎杯野飲，好口渴。揀左原個菠蘿沙冰$58，用一個巨型菠蘿殼裝住，好大個，沙冰裏面有一粒粒的菠蘿果肉，涼透心。睇個賣相已經俾五星。見到隔離枱叫左一客原個西瓜沙冰，又係咁大個咁吸睛。朋友點的蜜糖檸檬沙冰$48，試左一羮，唔太甜但有清新嘅檸檬味，好清潤嘅感覺。雖然賣相點都唔及原個菠蘿咁吸引，但勝在大杯，佢飲左成餐都未飲完。呢度啲飲品真係出色，我地見到每枱客人都叫左大大杯飲品。再叫左細嘅泰式小食拼盤$138，有香葉包雞(2件)、雞翼(2件)、蝦餅(4件)、春卷(4件)、魚餅(4件)。全部都夠晒熱。我最鍾意梗係香葉包雞，雞