SMILEY CAFE with eGG (已結業)

太太由細到大都,好鍾意笑哈哈~聽朋友講朗豪坊開咗間 smiley cafe入面勁多哈哈笑公仔買就走入去睇吓，順個便就食埋晚飯~一到門口太太就好似中咗哈哈笑毒咁....勁同佢啲哈哈笑自拍.當然喺呢個時候，我就叫定嘢食先。估唔到有咁多嘢食揀太太最鍾意食薯條，我就鍾意食雞翼叫呢個一定唔會死錯人....雞翼味道外皮帶甜，蜜汁味好濃醃得好入味，薯條條都肥嘟嘟炸到脆卜卜~重點冇油溢味。之後就幫太太點做主菜" 慢煮帶子意大利飯"芝士味濃的加上帶子非常新鮮， 飯入面加咗露筍粒同埋蕃茄成個飯嘅感覺就變得輕鬆咗。本人係一名食肉獸，因為我相信食肉瘦。所以就叫咗一排自己食晒~肉排外嘅野味燒汁到咬到入去嘅肉汁...真係好食過出面好多餐廳，百零蚊大大排抵食!最後就梗係要叫個甜品啦～呢個朱古力脆脆杯,果然好脆...因為有時出面叫呢啲會食到林林杯...加埋coco加埋濃濃嘅朱古力醬，完美嘅句號~呢間餐廳好有趣，左邊係cafe右面係眼鏡鋪~咁啱我要買副太陽眼鏡比太太。太太一眼就睇中咗一副...買埋。今日肥仔功德圓滿，同太太開開心心過咗一日

星期六同朋友係朗豪坊行咗成日，終於行到肚餓想搵個地方食嘢，行行下就見到呢間egg餐廳，本身心諗，egg唔係賣眼鏡咋咩？原來都有嘢食喎，咁就吸引我地了解下，係門口望下餐牌覺得都幾平，就入咗去試下。入面全部嘢都有笑哈哈，個感覺都幾開心下！叫咗個小食先，蜜香雞翼配薯條($48)，雞翼好有肉，味道都好香甜，薯條厚切好食，五隻雞翼加薯條都只係四十幾蚊，好平。SMILEY Combo Pizza($78)，呢隻Pizza有四個味道，各有兩塊比我地啱啱好，每樣都可以試到少少又唔會太大份多，千島醬加蝦個款最好食。黑松露意大利飯($78)，雖然呢個份量唔係超多，但係兩個人Share就啱啱好，一嚟到就已經好大陣黑松露味，食埋落去味道仲勁，飯既濕度啱啱好，七十幾蚊一個黑松露飯真係無得挑剔！見到飯品咁多款又咁平，我地兩個人都叫咗三杯唔同既嚟試下。SMILEY Blue海洋檸檬梳打($38)，甜甜地，好消暑！蜜桃乳酸梳打($42)，朋友好鍾意，有啲益力多味既感覺。波子汽水沙冰($42)，波子汽水味勁重，呢個都好啱消暑。我同朋友都覺得呢間餐廳好適合一家大細嚟，因為餐廳入面成個感覺都令人好開心，色彩好繽紛，而且野食

過了忙碌的一星期，今天要獎勵一下自己！超級藍天，配上好心情，去了朗豪坊新開的Smiley Café with eGG。見到CAFÉ有雲朵的食物已經心心眼，最愛白雪雪的雲，如我的名字一樣。 星期日的中午時間，餐廳人流不算太多，反而更安靜舒服。餐廳的主調是黃色，滿是笑哈哈的佈置包圍著，充滿歡樂的氣氛 =) 小食我們吃了蜜香雞翼配薯條 $48，雞翼吃到有肉汁，甜中帶點特別的味道。薯條很不錯，炸得剛好，脆脆卻不會太空氣，配上少少辣粉。 主菜本想點一口牛，可惜沒貨，所以選了香煎虎蝦龍蝦汁意粉 $88，熱辣辣是最重要的，新鮮煮的食物最好吃。意粉汁很足夠。虎蝦雖是急凍，但也爽口。 包鍋西班牙海鮮飯 $98有不少好評，有決心地點了，反而失望。海鮮飯分量有點少，而且味道也不是很好。外層的包也可以的，很脆，不會因放了海鮮飯令其淋了。 甜品點了焦糖爆谷雲朵雪糕 $48，這朵雲是香蕉味的，雪糕是牛奶雲尼拿。 還有伯爵茶焦糖布丁 $28，伯爵茶甜品很容易是令人心動，這個也吃到有伯爵茶的味道，很可惜，布丁太實了，不及燉蛋般好吃。 飲品分別有凍岩鹽焦糖咖啡$38和熱岩鹽焦糖咖啡$34，只有熱的咖啡才可另加雲朵棉花糖

近期又做番《百萬富翁》，等我都同M佬玩番個A姐版《百萬富翁》先！A姐：$1題目，我最鍾意食嘅嘢？M佬：打邊爐！A姐：答啱！$2題目，我最鍾意飲嘅嘢？M佬：梳打水！A姐：答啱！$5題目，我最鍾意嘅男明星？M佬：余文樂！A姐：答啱！$10題目，我最鍾意嘅顏色？M佬：黃色吖麻！A姐：答啱！一百萬題目，呢度有幾多個笑哈哈...好彩M佬唔識答，因為我都唔知呢度有幾多個笑哈哈，而且我更加無一百萬！呢度係邊度？就係旺角朗豪坊嘅SMILEY CAFE with eGG！香脆炸蝦丸配雜菜沙律熱辣辣嘅炸蝦球，外脆彈牙，香口得嚟又唔會好油，配埋泰式辣醬就更惹味。蜜香雞翼配薯條雞翼夠晒入味，而且蜜味香甜，5隻雞翼真係同M佬分唔勻。蒜香蜆肉意粉上枱個刻已經聞到好香嘅蒜味，蜆肉好多，仲有色彩鮮豔嘅三色椒，夠晒健康，不過，略嫌意粉份量太少。香煎肉眼扒配薯菜平時去餐廳据扒，叫5成會俾7成你，叫7成就會俾全熟你。呢度就啱啱好，叫5成嘅肉眼扒真係夠晒火喉。肉汁鮮嫩，口感一流！雲朵特濃朱古力嘩！成舊雲係天空摘咗落嚟呀！呢個咁得意嘅雲就係綿花糖，而特濃朱古力好香濃好滑！Smiley Blue 海洋檸檬梳打除咗顏色好靚，好有夏

朗豪坊開左間好吸睛嘅新餐廳，星期六晚六點幾人流未算太多，唔洗等位最啱我，哈哈笑主題，隔離的egg眼鏡店應該都是同一間舖來的，眼鏡店做埋cafe，雖然兩者好似沒有關係🤔，但都幾特別吖。餐牌上菜式雖然不多，但就好多都好吸引，結果由小食開始到甜品我都一一有叫，太滿足了😂，加上價錢都好吸引，一點也不貴。首先點左蜜香雞翼配薯條，雞翼好好味呀，好甜好濃的蜜糖味，熱辣辣，仲有薯條沙律菜跟埋。虎蝦意粉味道恰到好處，虎蝦煎香了，爽口彈牙厚切牛扒份量適中，煎至6-7成熟，有肉汁，不錯。勁大杯芒果芭菲杯，加埋呢個甜品實在大滿足，好有層次，雪糕中夾著蜂蜜蛋糕，蜂蜜味超香甜，I like，中層仲有朱古力脆波，底部有芒果啫喱中和返，不會太甜。朱古力芭菲同樣都係好有層次，中間夾著蜂蜜蛋糕、焦糖爆谷及咖啡味啫喱。咖啡雖然飲唔出焦糖味，不過咖啡濃度剛好，淡淡的鮮奶味搭夠，好香滑。

放假同朋友去朗豪坊Shopping, 朋友話想佩副新眼鏡過新年, 陪左佢去呢間eGG眼鏡店揀, 原來呢度除左有眼鏡賣, 相連還有一間面積少少既CAFE。坐埋一邊等朋友慢慢揀, 同時亦順便食DINNER~ 餐廳內以笑哈哈做主題, 很有童真, 而且給予人一個開心環境下用膳。呢度提供小食、主食、特色飲品同埋甜品, 當中既飲品同甜品更有多款選擇, 大部分款式都很有特色呢~先來一個前菜小食開開胃, 【蜜香雞翼配薯條】HK$48雞翼煎得金黃, 表面更有一層薄薄既蜜糖平均包住雞翼, 甜甜的, 不過外皮不脆, 但內裡帶些少肉汁, 不會太乾。薯條好幼, 而且份量好似太少...朋友ORDER左【波子汽水沙冰】HK$42對於呢款飲品有點驚喜, 沙冰中層加左cream, 所以飲落有D似波子汽水奶昔, 帶點甜又杰杰地, 沙冰打得非常幼細而我一向喜歡食棉花糖, 看到MENU上既圖片, 立即被吸引住, 務必要order!【雲朵紫薯牛奶】HK$38大大個棉花糖已經很吸晴, 襯托一杯粉紫色笑哈哈既紫薯牛奶, 單看賣相已經很醒神! 味道更幼滑, 奶味濃郁, 淡淡紫薯香, 很少可係其他餐廳可以飲到。【香煎虎蝦龍蝦汁扁意粉】