SMILEY CAFE with eGG (已結業)

朗豪坊開左間好吸睛嘅新餐廳，星期六晚六點幾人流未算太多，唔洗等位最啱我，哈哈笑主題，隔離的egg眼鏡店應該都是同一間舖來的，眼鏡店做埋cafe，雖然兩者好似沒有關係🤔，但都幾特別吖。餐牌上菜式雖然不多，但就好多都好吸引，結果由小食開始到甜品我都一一有叫，太滿足了😂，加上價錢都好吸引，一點也不貴。首先點左蜜香雞翼配薯條，雞翼好好味呀，好甜好濃的蜜糖味，熱辣辣，仲有薯條沙律菜跟埋。虎蝦意粉味道恰到好處，虎蝦煎香了，爽口彈牙厚切牛扒份量適中，煎至6-7成熟，有肉汁，不錯。勁大杯芒果芭菲杯，加埋呢個甜品實在大滿足，好有層次，雪糕中夾著蜂蜜蛋糕，蜂蜜味超香甜，I like，中層仲有朱古力脆波，底部有芒果啫喱中和返，不會太甜。朱古力芭菲同樣都係好有層次，中間夾著蜂蜜蛋糕、焦糖爆谷及咖啡味啫喱。咖啡雖然飲唔出焦糖味，不過咖啡濃度剛好，淡淡的鮮奶味搭夠，好香滑。