鼎泰豐 (已結業)

聽閒過鼎泰豐既小籠包出名，但都未試過，今日突然想食小籠包就決定一試。去之前都有上open rice睇下有咩推介，去到就發現，加價了，2019年小籠包係$62/籠，而家$66/籠。入座前門口已有牌標明用餐時間係90分鐘。疫情下，6點半咁早都算多食客。茶位(每位$10)小籠包($66)一籠有6件，溫度剛剛好，成件小籠包放入口，咬開既時候d湯汁流哂出泥，唔會被燙到，一啖一件，好正。蘸唔蘸醋都好味。我偏向唔蘸醋，原汁原味。”友人” 就覺得蘸醋可以調制下餡料既濃味，更好食。好食既小籠包，皮薄餡靚，一分錢一分貨，貴係有道理。平時酒樓係用蒸鍋紙墊住小籠包，而尼間出名小籠包既鼎泰豐，就係用白布墊底，可能係防黏效果比紙更好?(個人口味S: 3.6/5)(個人口味E: 3.9/5)炸醬伴麵($58)望落好細碗，但撈勻後都幾多。麵偏乾身，唔會好淋，用來伴麵係唔錯，口感唔錯。尼到既炸醬即係肉碎同臘腸粒，撈勻哂碗麵之後，就咁食麵略嫌淡味左d，要用匙羹”畢”埋d炸醬連埋麵一齊食先會有味，味道好特別，平時餐廳都無食過尼個味道，唔辣，唔難食，但又唔係特別好味。(個人口味S: 3/5)(個人口味E: 3.6/5)蝦仁蛋

雖然呢個都唔係咩新野，但自己本身未試過鼎泰豐，同朋友係尖沙咀想搵一間可以傾下計同環境舒適既餐廳，行到美麗華廣場，唔想食太多，見又有得飲啖茶，就揀左喺美麗華一期既鼎泰豐。入到去，可能平日緣故所以樓面都唔算多人，唔洗等直接入去。首先黎左蒜香粉皮肉，感覺似食緊輕量蒜版既蒜泥白肉，蒜味無咁重咁辣度勁d，食落肉夠嫩滑又夠惹味，但食完都係會口臭XD小籠包都算細粒，但皮薄多汁，望落小籠包汁佔左小籠包既一半，好在皮唔易穿，相比平時有d餐廳整到好易漏湯，味道唔算特別出色但已經相當唔錯。主菜今次試左兩個炒飯，排骨蛋同蝦仁蛋炒飯。基本上兩款炒飯主要分別係飯面個餸，賣相黎講，蝦仁較吸引，但數量有d少（得幾粒蝦仁），相比排骨炒飯份量非常充足。味道方面我就會揀排骨，食落塊排骨唔會乾，又有濃濃既胡椒味，配個蛋炒飯都夠鑊氣，乾爽得黎又未至於太油，值得推介。另外紹興酒醉雞都要一試，去骨既雞肉夠滑，酒味唔算太濃但岩我haha，唯獨分量唔多，3個人分既過每人只得幾件。總括黎講，食物質素算中上，唔點得多小食既話價錢唔會太貴，係幾個人搵個位食小菜飲啖茶，環境適合傾計既好地方。

今日嚟到尖沙咀食鼎泰豐，當然要講嘅就係小籠包啦，我地點左兩款小籠包，一款係雞肉一款係豬肉。嗰籠會有隻雞仔作識別，麵粉做嘅唔知食唔食得，味道上來講比較清淡，肉餡嘅質地比較實淨，雖然有湯汁滋潤，識落都係冇咁可口。豬肉做嘅小籠包，肉嘅質地比較細膩，更容易同湯汁混和，粉皮嘅厚度亦都夠薄，令到口感十分充實。另外仲叫咗一個蝦仁蛋炒飯，份量比較少，但上面大大隻嘅蝦仁一食就知係用鮮蝦做嘅，好鮮甜，飯都炒得幾乾身，蛋絲亦都冇過老，係幾出色嘅。