博多拉麵別天神 (已結業)

好耐無食過拉麵啦！之前北角都有一間博多拉麵別天神，但最近執咗，為咗重拾佢嘅味道，我決定去佢嘅另一分店：銅鑼灣告士打道鋪。但係，一去到門口就打咗個突，因為店面俾我想像中細勁多，如果要走到店鋪最入嘅座位，就算再瘦嘅人都要「縮起個肚、舉高個袋」先可以入到(出嚟嗰陣挺住個滿載而歸嘅肚，難度應該再高啲)......食個拉麵姐，都要過五關斬六將咁......我嗌咗一客蝦味噌套餐，配日式餃子。拉麵嚟講，湯底一如既往嘅好味，濃郁得嚟又唔會過咸；叉燒軟嫩，溏心蛋入口即溶，配菜又恰如其分地吊到味，唔會喧賓奪主；最特別係放喺中間嘅櫻花蝦，鮮艷奪目，為呢碗拉麵加唔少賣相分！至於日式餃子就相對普通，我嫌佢淋得濟，只可以用不過不失嚟形容。服務方面，店內只有一男一女店員，見佢地全程都默默做無停手，對客人態度良好，既勤快又有禮，值得一讚！整體嚟講，除卻店內環境過於狹窄之外，食物質素同服務都好好，值得一試(再試)！

試過佢兩隻湯，私心偏愛豚骨湯！因為好難得地好清甜而唔膩，湯呈奶白色🤩，唔係黃色好油個隻！好喜歡！！食個陣會忍唔住飲左好多湯～佢聲稱湯係100%豚骨+純水，無牛乳、豬骨粉、味精。不過食完隔左一陣，點都會有d口渴既呢間拉麵係用幼身麵條，叉燒係比較瘦(我鍾意)，但肉質唔乾，味道不過不失💡順帶一提，套餐先會連埋半熟糖心蛋x1 ，所以想食蛋就要叫淨麵+蛋，或者叫套餐～蛋唔會過咸，但唔夠半生別天神套餐 $105 推介🌟必點！！蝦味噌套餐 $115 (櫻花蝦夠多，有粟米，成個湯會即刻清甜左~不過都係鍾意食呢間既豚骨湯多d!)而家好多拉麵店賣得好貴，成百幾蚊碗，呢間嘅套餐幾抵！可以配小龍蝦蟹籽沙律 / 餃子，所以叫左各一💛小龍蝦蟹籽沙律有驚喜，我地一致認為好好食！推介💛餃子都唔錯另外，個麥茶好好飲！！味道: 8/10性價比: 8/10📍博多拉麵別天神銅鑼灣告士打道277號地下3A號舖 (CWB近D4出口)

ғᴏᴏᴅɪᴇ ᴛɪᴍᴇ 今次食咗博多拉麵別天神💛入到去間舖頭，真係覺得好似去咗日本咁🥰首先要係出面買食卷先，入到去成個裝修就係日本嘅拉麵店，仲有啲配菜凍水都好似😆仲播住日本電視台，但係收得唔太好😂蝦味噌套餐🍜🦐($115)套餐包一碗蝦味噌豚骨拉麵同小食，呢個餐好抵，因為一碗麵都$85，套餐包埋小食同糖心蛋添🤩加蛋都要$10! 就咁飲個湯係拉麵常見既豚骨湯底，不過飲得出係冇味精，而且都好濃豬骨味！但係櫻花蝦味唔出🥺湯底都唔會好鹹🤪佢有提供配料比客人自己加上去，可以跟佢既配方，就可以濃味或者辣味🥳我就中意加啲拉麵汁、蒜蓉同七味粉，飲落有啲似一蘭🤤拉麵軟硬適中，糖心蛋都好好味😋蛋味好夠(⁎⁍̴̛ᴗ⁍̴̛⁎)其他配菜有粟米、青蔥，仲可以自己加辣芽菜🥰叉燒係比軟瘦，冇咩肥膏，味道不過不失！小食就試哂兩款，餃子🥟同小龍蝦蟹籽沙律，餃子就正常，日式餃子既味！至於小龍蝦蟹子沙律，龍蝦同蟹既味都有！味道幾好，加埋紫菜食好有特色🤤整體黎講都唔錯(⁎⁍̴̛ᴗ⁍̴̛⁎)仲好有日本feel🥳

今日要去銅鑼灣辦啲私事，咁就梗係食埋先返歸啦。友人話好耐冇食拉麵🍜，又係快靚正之選，我當然奉陪！別天神嘅Menu, 對於我呢啲有選擇困難症嘅，真係好幫到手！。📌別天神套餐 $105 ～ 豚骨湯麵 + 小食每次都保持水準，濃白豚骨湯底，唔會好咸啱啱好，感覺冇咁高鈉，加埋爽口木耳絲，健康啲！😃📌蝦味噌套餐 $115 ～ 蝦味噌豚骨湯麵 + 小食今次塊瘦叉燒啱晒我，薄薄哋又有口感，太厚反而好爛咬㖭，呢個啱啱好。仲有入口即溶嘅半熟蛋呀，見到都流口水！🤤特別鍾意佢嘅冰凍玄米茶，夠茶香，無限隨便添飲。自助調味吧、辣芽菜每次都令我碗拉麵生色不少！

在香港要吃地道日本風味拉麵🍜，個人首選‘別天神’。銅鑼灣店就在世貿中心附近，告士打道海旁，位置算就腳。跟日本一樣，門外都放有售票機。店舖只有兩款拉麵：豚骨拉麵、蝦味噌拉麵牆壁備有衣架、丫叉，冬天大衣不怕沒位放了！全店只有約10個座位，跟日本一樣迷你！不要漏了任吃的辣芽菜，可以凈食當前菜，放於麵中同吃亦可，超野味！餃子🥟皮薄多汁多菜，好味！湯頭濃郁奶白，配上櫻花蝦同吃，口感特別。温泉蛋夠入味，蛋黃半凝固的在齒篷間糾纏，久久不願離去⋯⋯厚切叉燒片帶一點肥，剛好跟較瘦位置中和了，並帶點回甘而不膩！不知何解湯頭只是和暖，如果可以吃到一碗熱騰騰拉麵🍜就好了！

因為幪面超人關係，去銅鑼灣行街就特地來呢度搵食。呢間拉麵店門面好細，有機會行過左都唔知，好彩佢門口有個易拉架見到拉打。呢個店好有日本拉麵店特色，係門口有部機自助買飛落order，店內坐位不多，10個左右🤔，無認真數過。2個人叫左2個套餐，一個別天神套餐，一個蝦味噌套餐，配小龍蝦蟹籽沙律及餃子。湯底好濃好好味，拉麵軟硬適中，別天神叉燒比蝦味噌嘅厚好多，唔知係咁岩定各有特色🤔，我鍾意食半熟蛋，一啜入口就溶左🤭。小龍蝦蟹籽沙律估唔到好多小龍蝦喎，啖啖肉，味道都唔差。餃子就一般，不過不失啦，同其他拉麵店差不多。

銅鑼灣行街順便食晚飯，經過見到呢間好有日式風味餐廳，就入左去試~塊面有自動售票機，成個感覺就好似日本食拉麵嘅時候咁~入面嘅裝修都好有日本風格，客人排排坐食拉麵，衣物可以掛起，而且都可以睇住廚師煮嘢食~叫咗別天神套餐，包左一碗豚骨湯拉麵同埋一份小龍蝦蟹子沙律~小龍蝦沙律作為頭盤食比較冰涼，較適合炎炎夏日作為醒胃嘅前菜，沙律入邊有淡淡龍蝦肉粒，都幾足料，味道都覺鮮甜，加埋紫菜一齊食別有一番風味~豚骨湯拉麵嘅白湯比較濃郁，味道都夠鮮甜，拉麵嘅材料都算多，有原隻糖心蛋同埋一啲黑木耳絲，木耳絲夠爽脆，拉麵亦夠彈牙，整體口感都不錯～餐廳亦有教客人如何調製更更濃郁嘅湯底，我食咗一半之後就嘗試跟佢嘅方法調製，包括加拉麵醬油同埋蒜蓉醬，撈埋拉麵一齊食，個人應為蒜蓉味嘅味道較重，落少少其實已經可以增加整體嘅鮮味，湯底的確係更加濃郁，亦都會食到額外蒜蓉嘅味道～另外叫咗蝦味噌套餐，小食方面揀左餃子，蝦湯拉麵湯底夠濃郁，食到新鮮蝦味，而且加咗櫻花蝦仔令整體口感提升，拉麵配料亦都夠多，除咗豚骨之外亦都有糖心蛋同黑木耳絲，豚骨肥瘦都夠適中，不會有滿口油膩感～餃子整體皮薄餡都足夠，比較欣賞佢能夠鎖住肉汁，唔會剪得太乾

喜歡食粉麵尤其意麵,日式炒麵,上海酸辣麵,麻辣米線,pad thai...但少去食日式拉麵因為比較不喜歡豬骨湯頭但這裡的蝦味噌湯正合心意清新鮮甜不膩半熟蛋也做得好又軟又滑麵質一般夾住櫻花蝦乾一起吃才能提升口感喜歡蔥花夠多自己再下了七味粉更合味道炎炎夏日食麵前喝杯免費凍茶來個小龍蝦蟹子沙律也不錯蝦肉多又爽口比舊太古店做得更好今晚來到剛好有兩個位子這種天氣如果要排隊再食熱湯麵是有點難受吧小確幸所以要給笑臉小店加油~

咁啱行過，又咁啱見唔駛等位，每次行過都想試，想睇下佢獨沽兩味拉麵有幾好味，結果好壞參半，始終重口味既一蘭先係我杯茶。別天神套餐$105 (跟餃子4隻)豬骨湯底，好有豬骨味道但略帶清，要自行加芝麻同蒜先夠味，我比較喜歡師傅調好既湯底，所以呢個湯唔係太啱我。叉燒好有肉味同口感，有兩大塊好慷慨，半熟蛋好creamy超正！餃子超多餡口感非常豐富，熱辣辣無得頂！蝦味噌套餐$115 (跟小龍蝦蟹子沙律)湯底好有層次，櫻花蝦同味噌味都嚐到，比豬骨出色好多，麵非常彈牙，靱度剛好，同樣有兩塊大叉燒，但敗筆點係塊 “淋pat pat” 既紫菜！沙律好好味，龍蝦有咬口而沙律醬又唔會太過搶，值得一試！二人共消費: $220