樂天經典 (奧海城二期)

營業中

休息中

今日同老公黎食蟹餐，個餐包左前菜、蟹、熱炒、粉麵甜品、飲品；揀左蒜香紅海頭，有醋香蒜香，海蜇頭仲好爽脆，好開胃～蟹有幾款，招牌有星洲黑胡椒蟹，蟹味、少辣同黑胡椒，惹味加上食落有蟹鮮，好多肉而且好嫩。餐飲嘅檸檬薏米水去濕清熱又好飲，估唔到呢度食到好有鑊氣嘅薑蔥爆生魚片，魚片大塊夠鮮啖啖肉，加上超超超好味蝦味魚子蝦球炒飯，大大隻蝦，好多蟹子同好有蛋黃香嘅炒飯，呢餐飯好滿足～食飽食埋個甜品就更完美，招牌酸甘香茅凍又靚又清新，清心丸綠豆爽清甜滋潤。呢度d位又大又闊落，裝修都唔錯，而且就腳會成日幫襯。

🙋🏻‍♂️餓底探員今晚去咗大角咀調查呢間星洲過江龍旗下嘅菜館，講起呢個品牌，就會諗起佢旗下最有名嘅八色小籠包，而呢間菜館以休閑同家庭式餐飲概念為主，以中式料理加入星洲元素，令人回味到家嘅味道🇸🇬新加坡風味套餐 $668🌶️椒鹽香酥鮮淮山🙋🏻‍♂️表示個淮山炸到酥脆，面頭灑上椒鹽，食落外層香脆，口感似薯仔，但比薯仔更加爽口，非常惹味嘅一個前菜小吃🦀花雕雞油蒸螃蟹🙋🏻‍♂️表示個蟹用上花雕酒同雞油嚟蒸，呢個煮法比較少見，食落充滿淡淡花雕酒味，蟹肉鮮甜肉厚仲好多膏，底下有層蛋白，食落嫩滑，蛋白吸收咗蟹，花雕酒同雞油嘅精華，味道鮮甜好入味🍖沙拉排骨🙋🏻‍♂️表示個排骨係煎豬扒，啲骨已經處理好，食落肉質鬆軟，配上香濃嘅沙律醬，口感香滑，味道濃郁帶微酸，好開胃🦐蝦味魚子蝦球炒飯🙋🏻‍♂️表示炒飯用上蝦球，魚子，雞蛋，蔥花等配料炒成，個飯粒粒分明，每粒都金黃色，食落充滿蝦嘅鮮味同蛋香，炒得好夠鑊氣，仲有粒粒魚子，口感層次突出，蝦球肉質彈牙，味道鮮甜，個炒飯真係好美味🍸招牌酸柑香茅凍🙋🏻‍♂️表示個香茅凍面頭有粒酸柑同冰碎，果凍口感Q彈，食落充滿濃郁香茅味，加上酸柑嘅酸甜，味道好清新🥛無糖豆漿｜🍋檸檬薏米水🙋🏻‍♂️

.‼️❤️ 記得CLICK我PROFILE關注我呀 ❤️‼️.🦀 𝐄𝐱𝐩𝐥𝐨𝐫𝐢𝐧𝐠 𝐅𝐥𝐚𝐯𝐨𝐫𝐬 𝐨𝐟 𝐒𝐢𝐧𝐠𝐚𝐩𝐨𝐫𝐞𝐚𝐧 𝐂𝐮𝐢𝐬𝐢𝐧𝐞 @ 🌟 樂天經典《👽食神大媽食星馬菜》.💁‍♀️ 圖片展示美食為：二人套餐B HKD 668- 椒鹽香酥鮮淮山- 星州黑胡椒螃蟹- 沙拉排骨- 蝦味魚子蝦球炒飯- 清心丸綠豆爽- 檸檬薏米水- 無糖豆漿.🇸🇬 最近聽朋友講主打星馬菜嘅「樂天經典」推出咗有蟹食嘅套餐，即刻嚟試試吓。呢個二人套餐真係超抵食！性價比超高，選擇款式多，份量多，仲要好味。.🥒 先嚟前菜揀咗「椒鹽香酥鮮淮山」，淮山炸得酥脆但係唔油，椒鹽調味得宜，好開胃。.🥩 再嚟熱炒就揀咗「沙拉排骨」，有別於一般嘅餐廳嘅排骨一係好硬，一係沙律醬好求其，呢度嘅沙律醬調味有落過心思，而排骨係非常之外脆內嫩。.🦀 主角嚟啦，星洲蟹呀！有四種味道選擇，我哋就揀咗星洲黑胡椒味。蟹足足接近一斤，兩個人食絕對夠。肉質新鮮，黑胡椒醬汁香辣濃郁，刺激味蕾，令人回味無窮，非常好味！.🦐 主食就揀咗「蝦味魚子蝦球炒飯」，炒飯香氣四溢，每一粒米都炒得乾身入味，真係好好味。.🍵 甜品揀咗「清心丸綠豆爽」，滿滿嘅綠豆都清心

同屋人去樂天，唔食胡椒蟹，唔食喇沙，試下家常小菜及老火湯，兩餸一湯，另有一番風味。乾貝冬瓜排骨湯$155靚湯特質色水清澈而濃味，哩嗰湯入面有大量排骨，冬瓜及乾瑤柱，每啖湯盡是濃郁及精華，整個湯連材料都可以食，3-4個人飲都足夠。 星馬金磚豆腐$60十分推介這個金磚豆腐，外邊炸得酥脆，而且表層脆薄，外面灑上了七味粉及椒鹽等調味料，咬下去，裡面嫰滑而濕潤的豆腐充滿豆香，令人食完一件接一件，停不了口。手剁馬蹄鹹魚蒸肉餅$85想知一間餐廳烹調及材料是否馬虎，叫一個肉餅就呼之欲出。肉餅係我其中一個最愛嘅小菜，基本上如果餐廳有提供，我都會落單。呢個蒸肉餅都食得出有誠意，食得出喺用人手剁嘅肉餅，因為真係剁到有起膠，所以食落去口感帶點彈牙，半肥瘦嘅豬肉，有少少肥脂，食落去好香唔會太乾，而且烹調時間剛剛好，粉嫰色上台，單是哩個肉餅已經好好送飯。蝦味魚子蝦球炒飯 (例)$78有大或細份(例)選擇，呢個炒飯絕對能突出到星馬菜嘅味道，炒飯炒得乾身且粒粒分明之餘仲好惹味，幾粒大嘅蝦球爽彈飽滿，魚子穿梭喺炒飯之間，喺口腔咀嚼時逐粒爆開，口感層次好刺激，亦都食得出個炒飯好夠鑊氣。酸柑香茅凍餐廳好好，飯後送左個甜品俾

好味指數😋😋😋回頭指數 ⭐️⭐️⭐️開心指數🤗🤗🤗朋友揀咗呢間頗 fusion 嘅餐廳食飯，係星馬泰廣東菜，而網上評價都唔錯！由於大家太懶諗嘅關係，就叫咗一個4人套餐 + 湯 + 海南雞。4人套餐（$888）🍴招牌酸柑香茅凍呢個甜品竟然成為整個套餐我覺得最好食嘅食品，香茅凍非常Q彈，味道清新，甜度適中，如果要感受酸柑，就要用手將上面嘅酸柑汁榨出嚟，夾埋酸酸甜甜好好味！🍴星馬特色拼盤拼盤有4款小食，最特別嘅係1️⃣椒盬香酥鮮淮山，冇諗過可以用咁嘅方式食淮山，外面脆入面爽，有趣！2️⃣金磚豆腐都唔錯，外脆內軟。3️⃣脆皮蝦醬雞中翼，都係外脆肉滑，不過味道就似就咁嘅炸雞翼，冇咩蝦醬味。4️⃣黃金魚皮係香脆，但又係唔睇都唔知係有黃金，只係一舊魚皮，可能咁啱我食嗰舊冇咸蛋啦～🍴蝦味魚子蝦球炒飯蝦球頗大隻，肉質新鮮夠爽，飯炒到粒粒分明，呢個幾好味！🍴星洲黑胡椒螃蟹蟹唔算好大隻，肉唔算多，蟹蓋冇咩蟹膏，黑胡椒味比較嗆喉，完全蓋過咗蟹味，相比起新加坡當地食嘅，醬汁調較上有少少距離。🍴菜香鐵板豆腐嚟到嘅時候，未有發現鐵板滋滋聲嘅狀況，唔係好熱辣辣，方型嘅豆腐浸咗響肉碎、榨菜醬汁中，用匙羹切開時，豆腐有外皮，食落有兩種口感，外