十三姨 (通菜街)

營業中

休息中

入座就有一兜蝦片，七彩繽紛，好耐冇食過蝦片，好鬆脆。兩個人叫咗兩道招牌菜式share試吓。老闆娘鵝肝煎蛋撈飯 - 大碗份量，顏色鮮艷，材料豐富，鵝肝比較乾身，醬汁欠奉，要注意嘅係個飯本身係有啲辣的，整體味道不俗蟹肉沾麵 - 面和蟹肉醬兩碗上，另有湯和醬汁，麵條鬆軟，蟹肉醬濃郁，亦有一粒粒嘅蟹肉，個人覺得有少少鹹，撈上上湯剛剛好炸芝士年糕 - 睇外型已經覺得好邪惡，熱辣辣，咬上去軟腍腍，好食！每人叫了一杯400次岩鹽咖啡，一杯凍一杯熱，面層厚厚的咖啡，有層次口感，好滑，攪勻嚟飲會好啲，因為面嗰層泡較甜嚟一張食物大合照俾大家參考

今次已經唔知第幾次黎喇星期日7:00pm已經100％滿座，好彩等咗幾分鐘就有位一坐低就先送一杯蝦片加每人一杯茶茶杯入面有一整個茶包，茶味夠濃蝦片就多多脆，少少“林“老闆娘鵝肝煎蛋飯有4塊鵝肝，我兩塊撈飯，兩塊就咁食仲有自家制XO醬(怕太辣嘅可以好似我咁“另上“)十三飛(員工T-shirt寫住：食完十三飛 打牌都會飛)有安格斯牛肩胛，牛肋條味道好濃，唔咸，個湯都好夠味小食叫咗雞軟骨不過我覺得味道普通又唔算特別脆另外仲叫咗杯嘢飲 - 檸檬柚子蜜味道同出面嘅差不多，夠凍夠味，正常總結：我下次黎都一定會叫鵝!肝!飯!

早就聽聞十三姨嘅鵝肝飯超正，專門搵左個工作日來試下水。舖頭開門前已經開始排隊，入座之後店員都快手快腳遞上茶水同蝦片。舖頭細細間但係店員都積極有禮貌，落單上餸都算快～其實d飲品睇落都幾好，但係一個人食嘅話真係食唔曬，因為鵝肝飯真係超大碗！一個人食可能會好似我咁飽到扶牆出，建議多d人一起來食！鵝肝超正，煎到脆脆地又唔怕太油，d配菜都好好味，送飯食一流！貪心點多個拍黃瓜做小食，其實都幾大份～已經準備好帶家人朋友再來一次

旺角人氣食店，晚餐等位大概廿分鐘，餐廳內座位都幾迫，入座會送上一盤彩色蝦片，脆口，未落單已經食唔停。① 十三飛 $76安格斯牛肩胛，牛肋條，溏心蛋② 十三么 $72手撕雞，雞叉燒，溏心蛋呢兩個湯麵原本係跟粉絲拼米粉，但見翠玉瓜麵好特別，於是就加$18試下。點知原來係將個翠玉瓜刨成麵條狀，雖然係比較健康，但感覺唔值呢個價，而且無左翠玉瓜的爽脆口感。.配料方面，賣相唔錯，溏心蛋係加分既，可惜兩款牛肉都唔夠腍身；手絲雞好香黑椒味但食落有啲鞋，好彩雞叉燒有驚喜，炙燒過，幾滑幾好食。至於湯底，牛湯比較香濃；雞湯看似清淡，但飲落有胡椒味，都幾清香。③ 椒鹽魷魚鬚 $40叫左款最佳配角，望落唔多炸粉，食落唔夠香口但都算好味。.整體感覺還好，菜單設計有gimmick，但係食物質素一般，唔係好值呢個標價，而且仲要收加一，性價比只是一般。

人氣十三姨！原來呢間餐廳都幾出名，平日晚上都多人排隊等候。餐廳環境偏狹窄，會同後面枱嘅客人幾乎背脊貼背脊。每枱有一碗蝦片作為前菜，餐牌食物款式唔算多，我哋都係嗌啲招牌菜式試吓。十三么$72- 入面有好多手撕雞、幾塊雞叉燒、腸粉、半隻溏心蛋同米粉拼粉絲。雞叉燒有炙燒味，幾香幾滑。手撕雞鞋少少，同埋重胡椒味。有幾條腸粉又幾有趣。米粉同粉絲嘅份量太多，差啲食唔晒，湯底應該有味精，食完有些少口渴。十三飛$78- 朋友加$12轉翠肉瓜麵拼粉絲，翠玉瓜口感爽口，不過份量少咗啲。牛肉就一般般，普普通通。爆漿芝士煉奶炸年糕$36- 呢個年糕唔錯！流心芝士同煉奶配合得幾好，年糕煙韌，同朋友share啱啱好，推介！鮮奶溝忌廉$28- 個器皿係牛奶盒嘅樣，幾得意。400次岩鹽咖啡(凍)$32- 朋友自己扭岩鹽，用嚟打卡幾好。手作話梅可樂$22- 話梅粉酸酸甜甜，估唔到同可樂都幾夾。

事隔多年再食十三姨，所有野都冇點變，仲係坐無虛席，職員都係咁nice，仲係有蝦片食😋唯一變咗嘅係多咗啲新茶色☺️🐾金牌牛肋條銀針粉 $66之前食開十三飛，今次食吓其他嘢，上枱熱辣辣，牛肋條大概有5-6小件，估唔到差少少錢，啲牛會少咁多😯但係好重牛味，好食🤗糖心蛋就從來都冇令人失望過，有蛋香，有流心，做得好過唔少拉麵店👍🏻👍🏻但係銀針粉份量好似比其他麵多，定唔知個湯重口味咗，竟然會食唔晒😧所以下次都係會食返十三飛😆

經常我都大排長龍，今日少左人排，所以等一等，其實都好似等左差唔多半個鐘😅菜名都好特別，所以要留意下括孤嘅餸名。大三元：有炙燒手撕雞伴雞油飯，炙燒雞叉燒，溏心蛋。我覺得最特別係雞叉燒，做法似日本拉麵嘅叉燒。不過溏心蛋蛋黃冇咁熟會更好食。手撕雞油飯係日本珍珠米，加埋自家製醬料會更好味。十三飛 ： 有安格斯牛肩胛、牛肋條、溏心蛋、粉絲拼米粉 （我轉咗銀針粉）湯底濃，上面張相係安格斯牛肩胛，牛肋條我覺得好似牛腩。整體黎講都好味。無論食乜嘢，都會有蝦片。脆脆的秘制飯豉油

琴日經過女人街搵野食，其實次次經過女人街都見十三姨好多人排。朋友話想試下，咁就拎飛等。都等左一個鐘，其實等到燥燥地，終於等到我地。一入到去見到已經擺好2杯茶同埋蝦片。由於我地係外面已經揀好食咩，所以好快落order，也都好快上菜。我地叫左老闆娘鵝肝煎蛋飯、十三么、芝士年糕同黑牛。 鵝肝煎蛋飯真係好好食！好好食！好好食！本身都好鍾意食鵝肝，配飯/多士真係好好食。佢個飯仲有XO醬，甜豉油真係好夾，辣辣地令到個飯無咁膩同埋好開胃。我食到飽左都仲係好想繼續食。朋友食左個十三么，湯底好好飲，有陣胡椒既香味，然後加埋檸檬又好似變左另一個湯底咁好清新。但係個芝士年糕就一般，佢中間流心係甜，但佢面果塊芝士係咸，個人覺得又咸又甜太複雜。可能個飯實在係太驚艷，將佢比下去。原本等左一個鍾燥燥地，食完個飯開心返曬。

最近十三姨都幾火紅，咁岩去開旺角就試下。佢既環境怖置好中式不過係新潮type。麵類唔算貴，叫左個陽春麵試。當然都要試最出名既鵝肝飯啦，雖然係特別貴。杯呀，夾單既夾等等既細節都好靚。坐低會有免費蝦片，不過偏油，食左兩塊。個麵既湯我略嫌偏濃，不過牛肉同麵既份量都對得住價錢，麵質都 q彈，算ok！重唔既鵝肝飯！講真唔算好大碗，不過佢既鵝肝送飯係正既，加上撈埋流既蛋黃！我覺得最驚艷係佢側邊辣辣地既蝦乾，同其他野好襯，令成件事好食左好多。不過呢個價錢，間中豪下就夠了。

餐廳環境寬敞舒適, 喜歡其充滿中國風的桌椅。十三姨辣椒醬由青辣椒配秘製醬料而成。辣椒堅辣, 適合喜歡挑戰辣的人士。主食飯麵各有三款, 我選了炙燒手撕雞粉絲湯配珍珠飯。因為喜歡吃粉絲的關係, 特意要求珍珠飯改粉絲, 即粉絲加底。落單完畢, 店員奉上鐵觀音和蝦片各一杯。鐵觀音以獨立茶包泡茶, 甚有誠意。令人眼前一亮的是盛滿蝦片的金杯, 感覺有點少女夢幻, 有點驚喜。蝦片放久了依然卜卜脆, 把蝦片稍微索湯, 是另一番風味。餐飲點了雪碧, 雖然店舖用的是紙飲管, 感覺如紙飲管都可省去, 更為環保。主食到了, 份量可不少。有手撕雞, 椰菜絲, 葱花和腸粉。不知何解, 店員錯把粉絲改米粉, 為免更換做成浪費, 便算了。喝一口湯, 雞味濃郁, 滴上檸檬汁, 即時為雞湯提鮮。後悔把珍珠飯改為加大粉底, 當泡飯食, 應該相當不錯。腸粉吸收湯汁, 滑滑溜溜。雖然雞湯有雞油, 但不膩也不渴, 好味程度可一滴不剩。串燒一串只售$12, 便點了一串雞腎。雞腎沾滿味粉, 爽口味美。食時有點論盡, 弄到枱面都是味粉, 有點不好意思。