十三姨 (通菜街)

營業中

休息中

旺角人氣食店，晚餐等位大概廿分鐘，餐廳內座位都幾迫，入座會送上一盤彩色蝦片，脆口，未落單已經食唔停。① 十三飛 $76安格斯牛肩胛，牛肋條，溏心蛋② 十三么 $72手撕雞，雞叉燒，溏心蛋呢兩個湯麵原本係跟粉絲拼米粉，但見翠玉瓜麵好特別，於是就加$18試下。點知原來係將個翠玉瓜刨成麵條狀，雖然係比較健康，但感覺唔值呢個價，而且無左翠玉瓜的爽脆口感。.配料方面，賣相唔錯，溏心蛋係加分既，可惜兩款牛肉都唔夠腍身；手絲雞好香黑椒味但食落有啲鞋，好彩雞叉燒有驚喜，炙燒過，幾滑幾好食。至於湯底，牛湯比較香濃；雞湯看似清淡，但飲落有胡椒味，都幾清香。③ 椒鹽魷魚鬚 $40叫左款最佳配角，望落唔多炸粉，食落唔夠香口但都算好味。.整體感覺還好，菜單設計有gimmick，但係食物質素一般，唔係好值呢個標價，而且仲要收加一，性價比只是一般。