七月餐室 (已結業)

呢排都唔係好得閒所以連好西都食少左😵‍💫今晚都係去開九龍灣先有得食—————————————————————番公司擺低啲嘢上網搵到間餐室喺附近行到去見環境都唔錯又可以坐得舒服最搞笑係咁都撞到熟人🤣可以一齊食試多啲雖然款式唔算特別多但樣樣都好啱中島心水搞到都唔知食咩好一於揀左最想食嘅先再決定嗌幾多🤤先嚟個蝦醬蒸豬頸肉咸香蝦醬配嫩滑爽口豬頸肉肉汁精華喺晒碟底用嚟撈飯「正」再嚟個馬拉盞小炒 香口鮮味韭菜花爽脆 鮮魷彈牙大大件 性價比高之後仲有個香辣椒鹽肉排帶骨肉排鬆脆嫩口加上香辣佐料又係一碟欲罷不能最後嚟多個海鮮煲砂鍋入面有大蝦 鮮魷 斑腩同大大隻嘅青口青口本身中島唔太好但呢個好好味完全食唔到雪味又唔霉😍以豆腐做底就可以吸收曬啲鮮味👍🏻睇落唔大碟但食落都好飽就證明足料—————————————————————➜ 蝦醬蒸豬頸肉 $72➜ 香辣椒鹽肉排 $68➜ 馬拉盞炒鮮魷韭菜花 $70➜ 七月海鮮煲 $78

星期日晚７點同小朋友上完興趣班，搵地方晚飯。行返去德福又驚太多人要等位，經過健力見倒呢間餐廳幾新淨光猛，仲重要唔駛等位，就入去試下。啲位都幾闊落，起碼枱同枱之間唔駛側身行入去，唔洗驚啲人行過撞倒小朋友。我地嗌左個泰皇咕嚕肉、西蘭花青衣魚柳同埋蝦醬蒸豬頸肉。泰皇咕嚕肉醬料酸甜度剛好，又唔會咬落淨係粉，啲肉唔鞋，好好食。仲要冇骨，啖啖肉，岩晒小朋友。西蘭花炒青衣魚柳呢間野都幾揼本，食材幾好，唔係一咬就爛果啲魚。仲有少少菇加埋一齊炒，值得一讚～蝦醬蒸豬頸肉一上枱就好香蝦醬味，豬頸肉爽口有口感，最驚喜竟然係有粉絲墊底，就甘睇菜名唔知道有粉絲。建議餐廳可以加返落去。例湯都足料好飲。小朋友飲晒成碗。總括黎講，一家三口晚餐HKD250有找，坐得舒服，味道又幾好，CP值真係高。見倒牆身有漏奶華相片介紹，好吸引，下次去要試下先得。

之前送友人返夜學時已發現這間新店，誓要搵日來吃飯，皆因我很喜歡這個店名。「七月」一個好名，是我的生日月份，所以特別有親切感。門面仲用上我最喜歡的綠色，更吸引我。內裏環境光猛，整齊企理，設有三排四人枱，兩旁係卡座，地方都幾大，坐得舒服。晚巿選擇不少，有餐室新品、小炒套餐、馬來咖喱系列、焗飯/麵、炒飯/粉麵和飲品。每客小炒奉送白飯、老火湯和飲品半價。是日老火湯($0/跟餐)是粟米紅青蘿蔔豬骨湯，湯面沒有泛油光，湯料有紅蘿蔔、青蘿蔔、粟米、南北杏等，少油少鹽，味道合宜，煲得夠火喉，很有家的味道。豆腐青衣魚柳煲 （$75）熱辣辣上枱，正！豆腐和魚柳都唔少，全部都大大件，仲配了不少草菇，好足料。魚柳外微脆，內肉一梳梳；豆腐外皮柔韌，內裏滑溜，兩者都好入味！蝦醬蒸豬頸肉($72)註明需時15分鐘，所以熱度十足！豬頸肉嫩帶微爽，啖啖肉，唔算好肥，配上鹹鮮的蝦醬，鹹香惹味，用來送飯一流！另加一碟蒜蓉炒時菜（$58），選了炒芥蘭，條條翠綠粗壯，咬落去好爽嫩，完全無渣，炒得好有鑊氣，帶些蒜香，味道剛好。奶茶紅豆冰（$13/跟餐半價）和咖啡紅豆冰 （$13/跟餐半價）都相當吸引，估唔到咁大杯添，而且紅豆差唔