七月餐室 (已結業)

今次又黎呢間餐廳食lunch，貪佢夠大夠多位。今次嗌咗個和風豬頸肉撈公仔麵試下，點知佢個汁係甜甜地嘅日式豬扒汁，撈完個公仔麵好唔夾……應該揀返瑞士雞翼會好食好多。係選擇問題，呢間餐廳唔錯嘅，豆腐火腩飯同埋椒鹽豬扒必食！

工業區周圍都係工廠大廈，餐廳睇落巖巖巉巉，但係其實周圍收收埋埋好多好好食嘅餐廳。呢間茶餐廳睇落平平無奇，仲有啲頹廢。但係就成日坐滿人，換枱都換得好快。呢度最出名呢個椒鹽豬扒飯，勁香！勁惹味！仲要係蛋炒飯嚟。除咗椒鹽豬扒，仲聽到好多人嗌豆腐火腩飯，跟住就聽到啲啊姐話賣晒，好受歡迎😂

同對上一個評價一樣！難食😮‍💨L1 嗰啲豬頸肉，我懷疑係豬油渣，韓式汁甜到一個點，仲有個枝竹火腩飯鹹到⋯⋯呢根本就係工廠區兩餸飯，餐廳化嘅收費！人均消費$60 呢口價大把選擇，唔係 HK 人唔爭氣唔留香港消費! 根本係啲做飲食嘅自己唔爭氣搞死自己。

豬頸肉無燒，好細條。撈麵，無熟透。等餐等了40分鐘。待應冇靈魂咁，只回覆冇諗過咁多人。餐牌好多野食只供星期一至五，選擇不多，仲要難食，連自助式水都冇哂水，完全不似餐廳應有的野

食茶餐大家我諗應該都食得多㗎啦，點知呢間常餐嘅燒豬頸肉撈公仔麵同埋黑松露炒蛋蒜蓉多士嘩勁大份啦仲要個豬頸肉係勁好味啦勁煙靭同埋個撈麵係包住晒啲汁汁完全唔會好鹹係勁好食咁另外呢黑松露味都幾香，個蛋應該都落多咗牛油，所以入少少油，但係都唔影響我食嘅因為我加埋啲多士一齊食究竟香勁好味蒜蓉味勁香咁常餐嚟講都幾大份都幾高質咁對於我同事細食嘅話佢都食唔晒，我自己就成個食晒咁茶飲嘅話就正常冇乜特別 咁下次食飯都會再去

呢間叫做"七月餐室"嘅地方，環境樸實，質樸得嚟又唔失温馨🍜。老火湯紅蘿蔔豬骨湯，靚湯煲得啱啱好，甜度啱啱好，飲落去好似回到屋企嘅感覺。酸菜魚煮得啱曬味，魚肉滑而唔膩，入口即溶，辣得黎唔燥火，真係叫人食得停唔到口😋。馬來咖喱雞肉飯，軟滑嘅雞肉搭配微微嘅椰香，唔膩口又唔太辣，啖啖肉嘅感覺好滿足！至於甜品，奶茶紅豆冰料多實在，齊齊啖啖紅豆，配上滑順奶茶，清新解膩。再一杯暖笠笠嘅熱奶茶，茶味濃郁，一試難忘，咁嘅打烊後嘆飲點心，實在太滿足👌。

呢間餐廳味道冇問題，不過如果你係返工時間過嚟就要自己小心啲。中午一點到餐廳，同枱另一食客落單後大約10分鐘已有食物，由於餐廳同時俾咗一杯咖啡我，我都冇留意到佢漏單。等到同枱食客已經食完，我都覺得等太耐就催單，侍應隔5分鐘再問我落咗咩單，再隔5分鐘返轉頭過嚟話常餐賣晒，叫我轉餐。轉完再隔2分鐘又話賣晒，真心玩野喺平日返工時間，中午咁就等咗成半個鐘，仲要唔承認自己漏單，一開始連唔好意思都唔講。食飯咁多年，好少特登上嚟打負評，真係嬲

九龍灣食lunch有好多選擇  今次去附近一間茶記試試佢😜！    12:45去到，門口都排滿人😲 今日好彩算快有位，等咗大約10分鐘就入得  個啲人應該等外賣多 入面座位唔算迫，服務態度都幾好～   🍴常餐：日式燒豬頸肉撈公仔麵＋黑松露炒滑蛋&蒜蓉牛油多士 $58 食物一嚟到 ，我同同事”嘩”咗聲，因為真係好大份🤣 豬頸肉有用燒汁一齊煮，好入味，撈麵係每一條都有醬汁包住，但又唔會過多，剛剛好😙  🍴常餐：沙嗲牛肉通粉＋黑松露炒滑蛋&蒜蓉牛油多士 $52 沙嗲牛肉通粉就正常發揮，多牛肉片👍🏻 炒滑蛋都唔會馬虎，真係好滑，同蛋面會有適量嘅黑松露醬而個蒜蓉牛油多士，係每個位置都搽滿蒜蓉牛油，勁香勁好食😋  依個常餐真係好大份又高質，$58/$52真係性價比極高！！ 細食嘅人真係會食唔晒，而大食嘅男仔會食到好滿足😎～

一心諗住開工前個早餐，叫咗碗牛肉公仔麵，得三少塊牛肉放在上面，與相中post出來的大為不乎，雖不期望多，但又不合理地咁少得很，失敗，一天的開始就這樣被摧毀了！😤

今日同朋友嚟開九龍灣，食厭咗地鐵站附近嘅餐廳，在openrice search到呢間嚟試下。下午茶點了蝦餅公司三文治$53 及天多利烤雞配薯條沙律$45。蝦餅公司三文治是第一次見，蝦餅食得出自家製，偏淋，味道幾好，蝦餅份量略細，但其他配料充足，三文治有烘底，總括新鮮熱辣辣幾好味！天多利烤雞原來是香料烤雞髀，似是印度的香料，上面再加綠色醬，是東南亞風味，以茶餐廳下午茶來說是幾有特色！而且仲要配薯條+沙律，份量充足。餐飲配凍檸茶，要讚一讚呢度服務很好，記得幫我哋走飲管呢！

[ 七月餐室 ]今日來到九龍灣搵食，見呢間七月餐室坐滿哂人，午市仲有好多唔同類型嘅食物選擇。✿ 全日早餐 $60L30. 香煎雞扒•煙肉• 德國腸•茄汁豆黑松露炒蛋．番茄．蒜蓉牛油多士全日餐由早到晚都有得食🤪而且份量都唔少，好足料呀。多士烤得脆脆，炒蛋份量多，不過好似漏咗黑松露無比😅😅但整個餐都大件夾抵食。✿ L19. 鰻魚滑蛋蓋飯配鰻魚汁 $68估唔到冰室都有鰻魚飯食，賣相都好唔錯👍🏻👍🏻呢個價$食到簡直係超值。✿ 奶茶紅豆冰 $26超多紅豆，奶茶味濃，不會過甜。✿ 雜果賓治 $26好多生果，仲配埋樽裝雪碧比你自己fill，唔錯。總結🫦性價比高嘅餐室，唔怪之得座無虛席啦。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿七月餐室地址: 九龍灣宏開道19號健力工業大廈地下2B號舖電話: 35687437✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

九龍灣的一間冰室：七月餐室位於地舖，非常方便，入去試試發現性價比高。首先是廚師推泰皇咕嚕魚柳飯，這道菜式絕對是令人驚喜的美味佳餚。咕嚕魚柳的口感非常嫩滑，搭配上泰式的糖醋醬汁，讓整道菜式帶有微甜微酸的口感，讓人回味無窮。飯粒軟糯，搭配上魚柳和醬汁更是恰到好處，讓人忍不住一口接一口。另外也選擇了常餐沙嗲牛肉湯公仔麵伴黑松露炒滑蛋，蒜蓉牛油多士。湯頭非常濃郁，鹹香十足，牛肉的肉質鮮嫩，搭配上公仔麵更是讓整道菜式變得更match。黑松露炒滑蛋的味道特別，滑蛋的口感柔滑，搭配上黑松露的香氣，讓人非常回味。最後，蒜蓉牛油多士的口感酥脆，搭配上菜式更是一絕。另外加了兩款飲品包括雜果賓治及熱檸蜜，雜果賓治更加有大量雜果及樽裝雪碧，有心思。與朋友點的這兩道菜式都非常美味，讓人回味無窮。用料新鮮，味道豐富，口感多樣，而且價錢平民，可以值得試試！

-🔸七月小炒皇 $72🔸韭黄蝦仁炒蛋 $70🔸瑪莎拉咖喱牛肉飯 $68🔸XO醬豬扒炒公仔麺 $62🔸奶茶紅豆冰 🔸檸檬雪碧-有時想快靚正都會去食港式茶餐廳，依間七月餐室裝修新淨、地方闊落，坐得舒服，嘢食又平又快，味道都唔錯！七月小炒皇估唔到有好多海鮮配料：蝦乾、魷魚、炸魚仔、腰果等等，同韮菜一齊炒，好香好足料。韭黃蝦仁炒蛋係我至愛，炒蛋好嫩滑唔會過咗火喉，蝦仁都係大大隻好彈牙，正！瑪莎拉咖喱牛肉辣得好惹味，撈飯食一流！XO醬豬扒炒公仔麺係男友至愛，邪惡得嚟好香，一啖接一啖食唔停口啊～再飲埋茶記特色奶茶紅白冰同凍檸七，勁滿足！

六點鐘嚟到位於九龍灣工廠區嘅餐廳食晚飯～🍚餐廳離地鐵站唔算遠~而由於為時尚早，所以唔使等就入得！！餐廳有一部大電視📺～店面闊落，坐得相當舒服！岩哂一家大細👨‍👩‍👧‍👦嚟食家常便飯。當晚叫咗一個套餐：1. 先嚟一個清甜嘅青紅蘿蔔豬骨例湯🔥🔥2. 水煮牛肉飯$72🔥🔥🔥🔥：一上菜有驚喜！！水煮牛嘅份量非常之多，其實夠兩個人食。水煮牛唔會太油膩～食落口，嘴唇會有少少麻嘅感覺，整體香辣為主😋😋除咗有份量滿滿嘅牛肉片之外，仲有腐竹、豆芽、木耳，口感豐富。麻辣汁送飯一流！$72嚟講，性價比可謂非常之高！3. 飲品就叫咗杯凍檸蜜 $22 (跟餐半價)，冇特別嗌少甜，而甜度剛剛好！食完辣野飲番啖冰涼檸蜜，感覺相當舒服。

After my work, I walk in to the restaurant in Kowloon Bay nearby. Seeing that the facade of the restaurant in July is so new and attractive, I decided to try this restaurant to eat lunch-Eel Egg Bowl with Eel SauceThe food is very attractive. There are a lot of shredded wooden fish on the surface. It is hot enough when it is on the stage, so it will be smoldering. There are two pieces of eel, which are so beautiful and colorful. Eel juice is more delicious which I finished the whole set of food