金冠大酒樓

營業中

休息中

我們七個人，食到又飽又開心，又有湯、鱔、點心、甜品，一共都係$610，最重要係食物質同量都好，服務態度又好，咪以為舊式酒樓服務唔得，侍應都唔知幾主動積極友善，讚。😊😊全日套餐 $320，包一煲湯、燒味兩款、兩款點心、兩個餸、甜品。我們再另再加兩個餸。白飯 $13, 茶錢每位$5。老火湯 葛湯 正👍😋唔覺有味精，原來在座七人中大部分人都中意葛湯，有埋湯渣食，正。燒鵝燒肉啖啖肉，唔肥，皮就唔係卜卜脆嗰種。椒鹽焗蒜香骨 ($108 單點) 😋👍呢個合我口味，我個人喜歡他們用有少少肥的，香口啲，並非全瘦排骨，好容易會太乾，焗得唔會太乾。雲腿扒津白 ($98 單點) 🆗雲腿和津白比一般上海餐館量較多，菜則較大條，無咁幼嫩同細塊，同時又不是老，可以的。雲腿唔錯。點心蝦餃😋本不抱期望，以為平酒樓蝦餃唔會高水準，會少蝦多肥肉淋皮，結果全部無呢啲缺點，完全意外驚喜，比好多酒樓好，無乜肥肉，多蝦肉。讚。😊豉汁蒸大鱔 $128 👍😋好抵食，抵過自己買回家煮，量足之外，夠新鮮，$128去街市買都要睇下邊個街市，未必買到咁多，又嫩又新鮮，極推介。金銀蛋浸菠菜 ($88 單點)夠多鹹蛋白同鹹蛋黃，皮蛋相對比鹹蛋少

今日同男友去長洲玩拉，因為太熱，咁當然去酒樓嘆冷氣拉。一入到酒樓，環境一般拉，但d食物質素，真係勁差!佢d蒸既點心，例如蝦餃燒賣，全部都吾係即叫即蒸，係蒸完放係度，仲要放勁耐，可能2個鐘左右，咁樣一定吾會好食拉!我地叫左蝦餃，我未見過咁樣衰既蝦餃!d蝦餃皮爛既，又吾好食。d蝦肉仲衰!發霉既!勁難食! 價錢貴，但同d質素不成正比!我地又叫左燒賣，個樣中規中矩拉，至小靚過蝦餃，但味道都係超級唔掂，勁難食!!硬倔倔咁，未食過咁難食既燒賣lo，小食店d魚肉燒賣仲好食過佢。另外，我地又叫左鳳爪排骨，個樣ok既，但都係好難食，排骨勁（鞋），完全唔滑唔軟，鳳爪個味唔知想點，一句講哂好難食!最後我地叫左星洲炒貴刁，個樣ok架，但都係好吾掂，完全唔似即炒，暖暖地，好似返叮咁，味道又難食，總知唔掂拉!價錢吾算太平，2個人飲左$114，但食d咁既野，唔會再幫襯lo!