沙嗲王 (現時點)

營業中

休息中

有好幾年無食過沙嗲王了 今日出街經過沙嗲王突然好掛住佢地既蟹粉豆腐鍋飯就自己一個入咗去食 ～點餐方面，可以 QR code 自助落單非常方便 👍蟹粉豆腐鍋飯 $85沙嗲王既招牌菜除咗白咖哩豬扒飯外仲有就係呢個蟹粉豆腐鍋飯蟹粉豆腐鍋飯以石鍋奉上金黃色既蟹粉湯在石鍋內滾下滾下，熱氣騰騰佢係以鮮味蟹膏配上香氣十足既鹹蛋黃烹調而成蟹粉味同鹹蛋黃味都好濃郁，好好食 😋入面有不少真既蟹肉絲豆腐都好滑絕對係沙嗲王必試既菜式

黎開油麻地買模型figure公仔，通常都懶得諗食咩，就過隔離食沙嗲王白咖哩豬扒飯。白咖哩豬扒飯:食左咁多年，味道其實無變，變既係價錢同環境，份量都少左，以前豬扒大d洋蔥同炸蔥頭都多幾條。。不過每次都係叫佢，貪佢多白咖哩汁撈飯，豬扒又夠鬆軟。蟹粉豆腐鍋飯:女朋友叫呢個，呢個送飯真係一流，蟹肉係搵到既，不過唔多，個汁好食，有好香咸蛋味，雖然佢話係蟹粉。。。最重要係夠熱辣辣。啖啖魷魚脆:貪口痕想食香口野叫左呢個，魷魚唔多，炸得死死實實，硬的，沒有鬆脆口感，我知。。。29蚊真係唔可以要求咁多，下次我都係安份食白咖哩豬好了。。Top 10兩個人食價錢算係咁，阿姐又好禮貌，都係會再去。

經過一個月的辛苦後，終於在今天結束了。我和幾個好姊妹一起去慶祝一番！今次是我第一次在沙嗲王食晚餐，完全令我喜出望外！這些就是我們叫的套餐。等我逐一介紹下︰蟹粉豆腐鍋飯 我是一個不喜歡食豆腐的人，覺得有種怪味，但這個反而是我最喜歡的豆腐菜色。這個好重蟹味，用蟹膏去除豆腐的怪味和質感，送飯的最佳之選。煙肉菠蘿PIZZA 這個PIZZA很好味，雖然餡料同PIZZA HUT 的不大分別，但唯獨餅底不同。這個餅底是同薄餅一樣的，但有種脆脆地的感覺。白咖喱豬排飯這個的豬排肉質又結實又軟。外衣薄薄地，很脆。薄餅這是另加$18叫的，雖然是無醬，但沾白咖喱一齊食，都好好味。食時，完全不油，又香又煙韌，令人食過不停。