INN - I’m Not Nothing (已結業)

睇到呢間新開既Cafe一開就連續開左四間分店 一睇就俾佢地既食物吸引左 已經bookmark左好耐想去 宜家係Openrice book位仲有優惠 真係幾抵 我地book左平日晏晝兩點半 但當日落大雨又塞車 我地遲左成半個鐘 好彩冇影響 餐廳仲有位 由元朗西鐵站行過去餐廳都要啲時間 都要十幾分鐘左右 餐廳既位置都幾隱蔽 都唔易搵到 我地搞到三點先去到餐廳 當時餐廳得一枱客 可能過左食飯時間同埋落大雨既關係 所以冇乜人 叫lunch就會包埋是日餐湯同埋飲品 特飲就半價 今日既餐湯係南瓜忌廉湯 本身我就唔中意食南瓜味既野 但朋友話好飲 咁我就試下啦 點知一飲發覺真係幾好飲 飲落好滑身 甜甜地 幾好味主菜我揀左香燒焗豬肉眼配肉桂蘋果醬 呢個應該係呢間餐廳既招牌菜 必叫 豬肉眼份量十足 真係好大舊好厚身 肉質食落岩岩好 唔會太乾身 肉桂蘋果醬食落完全冇肉桂味 食落只有好香甜既蘋果味 呢個配搭好夾 如果可以再多啲蘋果就好了 豬肉眼下面仲有薯蓉 炒雜菜 仲配埋燒汁 薯蓉份量都幾多下 食落好滑身 點埋燒汁好好味 炒雜菜有五條露筍 兩條粟米芯仲有幾條紅蘿蔔 成個配搭好夾好好味 絕對係招牌菜 一定要試下

INN係YOHO行去大概10分鐘內，位置亦易搵～有得揀坐外面或者入面👍🏻入面既枱枱櫈櫈🪑都具有歐洲元素，彷似去左歐洲食lunch 咁🤣另外，店員既服務十分有善，亦主動問需唔需要碟仔share食物，而且好好傾🤩🥣是日餐湯 蘑菇湯賣相已經被吸引到，飲啖後有濃濃既蘑菇香味，口感比較偏糊狀😋🦀蟹肉🎃南瓜意大利飯依碟真心推介，最上層有蟹籽，再下一層有蟹肉，而risotto入面有蘆筍，意大利米煮得唔會太硬，口感亦粒粒分明，而蟹肉勁足料🤤🐟英式炸魚配薯條🍟炸魚勁大舊😋薯條係粗薯條，分別配沙律醬同茄汁，旁邊亦有沙律菜，可以減油膩感，炸魚外脆內魚肉嫩滑，啖啖魚肉🥰🍹香橙芒果薄荷梳打依杯夏天飲一流😳因爲橙味道清新配埋芒果好夾，甜度亦適中～🍹香蕉朱古力奶昔甜度無想像中咁甜，較重香蕉味，面頭加左啲cream，令賣相度加分～✨總括而言，下次我會再黎，因為味道💯服務💯，重點係食完飯後一啲口渴既感覺都無，唔重味精對我而言值得加分👍🏻