和牛88 (已搬遷) 新店位置

好想食和牛既關係搵到呢間餐廳，仲發現Eatigo book有半價😍即刻book黎食🤤————————❦ 五款壽司拼盤 $208有d牛係全生，如果介意就唔好叫。有和牛鵝肝海膽個d既關係價錢偏貴，味道唔錯，不過我覺得原價就唔係好抵食。評分：🌕🌕🌕🌗🌑- ❦ 薄燒和牛壽司 $98揀左五成熟，食到好香油脂味，加埋d蔥同蒜蓉食真係超好食！！勁想encore🤤🤤評分：🌕🌕🌕🌕🌖-❦ 火焰和牛雞蛋拌飯 $118味道係幾好食既，不過我覺得都係打卡用，冇特別驚喜。評分：🌕🌕🌕🌗🌑 -❦ 炸石垣和牛薯餅 $58岩岩炸好真係超好食！牛味唔係好食到不過好好食🤣🤣🤣評分：🌕🌕🌕🌕🌗-❦ 蟹膏甲羅燒 $88成個蟹蓋都係蟹膏，加埋隻鵪鶉蛋燒🤤配青瓜食幾fresh，但食得多覺得好鹹😂評分：🌕🌕🌕🌘🌑-半價食好抵！和牛好高質，下次會試佢地既sukiyaki😆

登龍街一向都係銅鑼灣出左名既食街，而永光中心更加係美食雲集，朋友知我喜歡食牛，所以行完工展會就帶左我黎呢間和牛88食晚飯入到餐廳，由於時間尚早既關係，所以冇客人，侍應帶左我地去張四人枱，但未坐低就刻意提醒我地要坐埋一邊，感覺有點odd😑😑餐廳入面其實有2人枱，做咩要咁樣做😔😔另外坐低左一陣子，叫埋野食都冇俾杯水我地，要出聲先有，服務認真一般餐廳既裝修其實還可以，但d枱排得比較密，d人行出行入時都會撞到，幾影響進食既體驗😔😔不過去餐廳食野，最緊要係食物質素，前菜黎左碟牛筋腩，入口肉味好夠，煮得又夠稔，加埋個汁同味粉，夠曬開胃之後到魔鬼魚干，味道其實同雞泡魚干差不多，但口感更好更有咬口，用黎送酒一流❤️❤️甲羅燒就稍嫌腥左少少，我唔太喜歡，不過朋友就食得津津有味，話配埋d青瓜食好正🙄🙄主菜上場，火焰牛扒黎到再點火，5成熟岩岩好，牛肉呈漂亮既粉紅色，入口有濃濃既牛味而鬆化，好味😋😋可惜係d配菜失色左d，洋蔥好食但實在太多，令到部分肉味被洋蔥味蓋過左，稍為扣左分不過最驚喜都係呢個泡菜豬肉炒飯，每粒飯都俾香濃既泡菜汁包住，泡菜味濃之餘又唔算太辣，易入口，我自己最喜歡呢度菜整體黎講，食和牛就預左唔會平

早幾個月前同太座係日本番黎，佢一直對日本既和牛念念不忘所以搵左好耐之後，我擇左和牛88同佢慶祝情人節，諗住比個小surprise 比佢。今次就試左佢地既情人節套餐-- "龍"情蜜意8道全餐。先講感受，和牛88絕對無改錯名，佢地既和牛真係有質素，係香港絕對數一數二。今日食既菜入面，只要係同和牛有關我都覺得好好味。其他既對比下就正正常常啦~ Entree 佢對出左燒牛肉沙律同帶子甜蝦。先講沙律，啲蔬菜好新鮮，佩上和牛，係一個相當出色既entree. 至於帶子甜蝦,，兩樣都好新鮮。再黎係濃味蟹膏甲羅燒，我個人就比較重口味，所以好中意。太太話有啲太濃味，好采有cream，令佢都好易口。食完濃味蟹膏，出左雪葩比我。唔好睇小呢個奇貌不揚既小雪葩，佢係成餐飯既轉捩點!!!!!! 不得了。非常fresh，為之後既和牛好好鋪路。本身我仲驚啲蟹膏味太濃，好彩有雪葩吊一吊味。我敢講句，豪無破綻。再黎係我今晚最中意既菜式---薄切和牛壽司，薄薄一片，即叫即燒，燒走左少少肥膏之後令塊和牛更香，將葱及蒜一同卷住飯團及和牛吃, 味道相當好, 入口即溶。不得了! 之後終於到主菜啦，和牛係絕對既五星，咬落去啲肉汁湧哂出