和牛88 (已搬遷) 新店位置

早幾個月前同太座係日本番黎，佢一直對日本既和牛念念不忘所以搵左好耐之後，我擇左和牛88同佢慶祝情人節，諗住比個小surprise 比佢。今次就試左佢地既情人節套餐-- "龍"情蜜意8道全餐。先講感受，和牛88絕對無改錯名，佢地既和牛真係有質素，係香港絕對數一數二。今日食既菜入面，只要係同和牛有關我都覺得好好味。其他既對比下就正正常常啦~ Entree 佢對出左燒牛肉沙律同帶子甜蝦。先講沙律，啲蔬菜好新鮮，佩上和牛，係一個相當出色既entree. 至於帶子甜蝦,，兩樣都好新鮮。再黎係濃味蟹膏甲羅燒，我個人就比較重口味，所以好中意。太太話有啲太濃味，好采有cream，令佢都好易口。食完濃味蟹膏，出左雪葩比我。唔好睇小呢個奇貌不揚既小雪葩，佢係成餐飯既轉捩點!!!!!! 不得了。非常fresh，為之後既和牛好好鋪路。本身我仲驚啲蟹膏味太濃，好彩有雪葩吊一吊味。我敢講句，豪無破綻。再黎係我今晚最中意既菜式---薄切和牛壽司，薄薄一片，即叫即燒，燒走左少少肥膏之後令塊和牛更香，將葱及蒜一同卷住飯團及和牛吃, 味道相當好, 入口即溶。不得了! 之後終於到主菜啦，和牛係絕對既五星，咬落去啲肉汁湧哂出