Eagle & Sparrow Music Cafe

營業中

休息中

Eagle & Sparrow Music Cafe佐敦文蔚街23號地舖Score 分數：A / 80+位置： 佐敦／柯士甸地鐵站，行8分鐘左右，都算幾方便。價錢： ～HK$100/人味道：估你唔到，食素都可以咁好食，唔似食緊素服務： 感受用心清潔： 大致整潔環境： 裝修有自己嘅風格，有味道，感受下就明推薦： 蟹餅，好好食*特色：現場音樂會 + 素食 + 生桐（健康飲食）講真，同朋友係網上搵到這間特色餐廳時，都有d擔心，因為果邊條街有d靜。不過見咁有特色咪嘗試下咁囉。嘩，點知又真係幾正喎。以為門口舊舊地，點知入到去見佢裝修就覺得佢老細應該好鐘意“音樂”，純粹感覺，冇咩根據嘅～ 因為好多野都係同音樂有關，有水晶波波轉轉球添架🤩食物就係健康為主。係呀！健康嘅生桐飲食可以比你選，亦有唔少其他野比你叫，但煮法都好健康，食得多都唔怕。咩咁會好食架咩？我都懷疑過，但食物黎到之後就轉諗 “真係素”？佢地擺盤都好有靚靚cafe feel。加上現場又有音樂，個人感覺放鬆晒。講真，一班女仔 ／ 約女仔去特色餐廳，E間一定冇介紹錯😏 追到女朋友時，記得叫朋友follow 我添呀！唔該🤭睇開我嘅朋友都知道，我

呢度店如其名：「我行我素音樂餐廳」-- 經營與眾不同但好有意義嘅事，佢地提供素食及生酮餐單、逢星期四至日晚有 live band 分享唔同類型嘅音樂，仲定期派餐俾弱勢社群☺️由於第一次到訪，淨係睇 Menu 已經覺得好開心😂；我最鍾意「粉紅色的心」意粉🩷 其實係紅菜頭貝殼粉，雖然我唔抗拒紅菜頭，但我預期佢會有紅菜頭獨特草青嘅味道，點知一啲都無，連同其他蔬菜一齊煮成嘅醬汁，掛汁又滋味😋 紅菜頭係好健康嘅食物，要推介俾怕佢味道嘅朋友試下👍🏻另外我好欣賞素蟹餅、猴頭菇漢堡嘅竹炭包同嗰杯叫「文成文蔚轉角遇到愛」嘅飲品 (其實係熱情果蝶豆花檸檬汁)😆 素蟹餅香脆唔乾，味道好豐富，我完全唔覺得食緊素🤭最後以生酮方式製作嘅 Tiramisu 作結🍮 佢既無加蛋同牛奶，亦用左椰子 Cream 同腰果代替 Mascarpone Cheese，口感同味道雖然同傳統嘅有啲唔一樣，但咖啡味更突出、亦更 Creamy，而且成份健康，可以無負擔地食多啲🤪嗰晚有 live band，唱左好多耳熟能詳嘅歌曲，氣氛相當好🎤 會搵機會再來☺️

素食大家都鍾意啦，如果有埋 live music 送飯呢？仲要係社企餐廳添，點都要支持吓。講緊係佐敦文蔚街（近柯士甸站）嘅 Eagle & Sparrow Music Cafe 。🦅🐦餐牌上食物選擇非常多，沙律，酸種麵包，意粉，漢堡包，各式主菜，小食等等。大部分菜式可走蛋奶芝士蔥蒜，或者加 $10 轉純素芝士，所以無論邊種素食者都照顧到。🤗我同太太點咗純素新炸魚柳 $68，火熱動感 lalala （素肉醬芝士雜菌意粉）$78，雞皇之王芝味雞 $108，蟹餅 $88。價錢合理而份量亦多。😃飲品方面，文成文蔚轉角遇到愛（蝶豆花熱情果特飲） $75，除咗賣相靚，味道都好清新，如果唔飲酒嘅朋友仲可以要求走酒精添。🍸一路食飯駐場歌手 Derek Li 自彈自唱好多首中英文經典金曲，我聽完佢唱日文歌把聲有啲似玉置浩二，要求佢唱佢即刻唱隻「酒紅色的心」，真係好有才華。不過佢叫人點歌時我太太細細聲講「小心地滑」，真漢子唔爭氣地笑咗。🤡